#اختفاء
الحلقة { 3 }
للكاتبة : رودي
فتاة القمر 💜
نور : سكتت فجأة وتفكر في السؤال الي في دماغها لين تشجعت وسألت.....محمد
محمد : امممم
نور : زعما نغم يكون صايرلها زي البنت هادي 💔
محمد : ك ك كيف ؟؟
نور : يكون خاطفها بوها وحابسها في مكان
محمد : شن خطر عليك السؤال هادا
نور : منعرفش قلت ممكن يكون صايرلها هكي
محمد : لا لا مستحيل تتخايلي هلبة انتي وبعدين بوي ليه سنين مش موجود بيرجع عشان ياخد نغم 😒
نور : صح اي
محمد : طلعي من راسك الدوة الفاضية
نور : تنهدت تنهيدة طوييلة 💔
زيد : روح للحوش لقي اخته راقدة
زينة : روحت زيد
زيد : اي
زينة : زيود غدوا عيد ميلاد صاحبتي وعزمتني
زيد : اما هيا
زينة : مودة
زيد : لا لا مش مستريحلها البنت هادي فوتي الموضوع
زينة : حاضر....... تبي نحطلك تتغدى
زيد : باس راس اخته....لا لا صحة كولي انتي بنخش نرقد
زينة : لا لا منبيش ناكل بروحي
زيد : تعالي نحطو الغدي وناكلو مع بعضنا ❤
زينة : ضحكت وجرت سبقاته للمطبخ ❤
محمد : درس السيارة قدام الحوش ويسمع في صوت راجل يتكلم بصوت عالي نزل هو ونور خدي مفتاحه وفتح الباب🔑
نور : خشيت الحوش وتفاجأت ب محمود مقعمز وباين انه يبكي وامي حاطة ايدها ع وجها تبكي
محمد : مشي ل أمه يجري......خيرك يام شن في
سناء : خووك رجع يا ولدي خووك رجع و ولده مات وليد ولدي مات
نور : واقفة نشبح ل محمود
محمود : واقف تدريجيا
نور : قدمنا شوي شوي لين وقفت قدامه وفي اللحظة نفسها حضنا بعضنا ❤
محمود : بعد محضن نور تلفت ل محمد
محمد : وقف قام مفتاح سيارته وحاجاته وخش الدار
نور : شبحت ل محمود
محمود : هز براسه وقعمز
مشي الجو ب محمود و نور و سناء يهدرزو و محمد في غرفته
محمود : وين نغم مزال مروحتش من الخدمة
بدون سوابق دمووع سناء نزلو 💔
نور : نزلت راسها
محمود : يهز في نور......تكلمي يا نوور وين نغم تكلمو
نور : بدت تبكي بعبرتها😭
محمود : تكلمي يا نور خيركم ساكتين وين اختي
محمد : طلع من الدار وشبحلهم
محمود : مشي يهز في محمد......وراس وخيي وين اختي متقولش ماتت متقولهاش يا محمد ملحقتش نشوفها
محمد : بعد مهدرزت وضحكت تفكرت اختك زيد عليا غادي ترا.....وخدي جاكيته وطلع 💔
تاني يوم
الساعة 6:00 الصبح 🌤
ترن ترن ترن ترن ترن ترن ترن ترن ترن 📱
نور : وااااك منو الي يتصل ع صبح ربي....وردت عالخط....الووو
زيد : خيرك تعطلي في الرد
نور : صبح يا فتاح
زيد : انتي الي تعيطي ع صبح ربي
نور : اي واضح ان اني الي نعيط مش حد تاني 😒
زيد : بهدوء....المهم، صباح الخير
نور : صباح النور كيف حالك زيد
زيد : تمام
نور : ان شاء الله خير متصل بيا ع صبح ربي
زيد : خالتي حليمة
نور : من حليمة
زيد : تي الي راجل اختها دبح مرته
نور : اي اي خيره
زيد : قالتلنا عالمكان الي فيه البنت وغدوا بنمشو
نور : اممم انتو ومنو
زيد : قولي حني ومنو
نور : اي والله نسييت
زيد : اسمعي نوضي صحصحي عندك خدمة الساعة 8
نور : مخاطريش نمشي زيد ره
زيد : ضروري تمشي
نور : بس اليوم مفيش مقابلة
زيد : مدايرين حملة تنظيف
نور : اهااا
زيد : تعالي ل الاستوديو نتلاقو ونهدرزو ب رواق
نور : توا
زيد : لا لا امس 😒 تي توا مالا شنو
نور : مخاطريش
زيد : وانتي امتى خاطرك قوليلي، هي اني كيف بنلبس نستناك في الاستوديو......وسكر عليها
نور : اشيي صحة الوجه عيني عينك 😳😡
