#إختفاء
الحلقة { 1 }
للكاتبة : رودي
فتاة القمر 💜
قبل 6 سنوات/ عام 2010
نور ونغم فوق السرير يضربو في بعضهم بالمخاد
نغم : تضحك...نوور بطلي ياسر 😂
نور : لا مش حنبطل 😂
نغم : به خلاص اني استسلمت استريحتي
نور : اي هكي تمام
نغم : تمددت على السرير... ااااخخ عييت
نور : تمددت جنبها... حتى اني
نغم : حضنت نور.... استاحشتك ❤
نور : اكتر منك ❤
نغم : نحبك ❤
نور : واني نموووت فيييك ❤
نغم : I love you so much❤
نور : me too
نغم : رقدت وهي حاضنة نور ❤
سناء : فتحت الباب وابتسمت لما شافت طريقة نومهم وكيف حاضنين بعضهم غطتهم وطفت الضي وطلعت ❤
الحاضر 2016
نور : كالعادة ناضت الصبح فتحت باب غرفة امها لقتها راقدة غطتها كويس وفطرت ولبست ملابسها و مشت للشغل خشت لمكان شغلها وتلاقت هي وزميلها
زيد : عطلتي اليوم
نور : هادا الوقت اللي نجي فييه كل يوم
زيد : به تعالي يعدلولك مكياجك ونبدو الحلقة
نور : 'هزت براسها ومشت'
زيد : السلام عليكم ورحمة الله في حلقة جديدة من برنامج يحدث في ليبيا
نور : حلقتنا اليوم بنتكلمو فيها على حالات الاختفاء اللي كثرت الايام هادي
زيد : وبنستضيفوا معانا اليوم ام ل 4 صغار اختفو بناتها ال3 وفضلت بنت وحدة قصتهم مش زي اي قصة بالعكس البنات ال3 كل مرة تختفي وحدة وبعد سنة تختفي التانية وخلينا نسمعو من خالتي ناجية طريقة اختفاء اطفالها
نور : كيف حالك خالتي ناجية
ناجية : الي من ربي بخير
نور : تقدري تفهمينا كيف اختفو اطفالك
ناجية : في يوم الخميس شهر 5 سنة 2012 مقعمزين نهدرزو اني وصغاري
نور : ممكن تقوليلنا الاسماء
ناجية : ميرا و ميار التوأم الصغير ومارية ومرام التوأم الكبير
نور : ماشاء الله هما توأم
ناجية : اي مابينهم سنة
زيد : كملي خالتي ناجية
ناجية : الساعة 8 المغرب مقعمزين نهدرزو وحطينا سفرة الشاهي وهما يحبو يغمسو البشكطي في الشاهي ناضت مارية للمحل بروحها لأنه قريب علينا استنيناها ل الساعة 9 مجتش...وقعدت تبكي💔
نور : جابتلها مية وكلينكس.... ارتاحي خالتي ناجية
ناجية : جي خوهم مالك ومشي للمحل ملقاهاش دور في كل مكان مهناش قعدنا نعيطو ودورو معانا الجيران ومش موجودة قعدنا مكتأبين وكل شي ندير فيه اني منبيش نخسر صغاري وبعدها بسنة شهر 5 يوم الخميس الساعة 8 نفس التوقيت ناضت مرام قالت بنخش نرقد رقدت ولما خشوا ميرا وميار بيرقدو لقوا روشن الغرفة مفتوح والغرفة مفركسة ومرام مش موجودة وصار فيها العياط وطلعنا ندورو معش لقيناها ومرت علينا سنة تانية سنة 2014 شهر 5 يوم الخميس في الليل رقدت جنب بناتي من الخوف عليهم بس نضنا على صوت عياط ميرا لقينا ميار مش موجودة.. وانهارت بالبكي 💔
زيد : وانتو متأكدين انها اختفت الصبح
ناجية : اي بنتي ميرا قالت انها كلمتها الصبح
زيد : وينها ميرا في الحوش
ناجية : لا غادي واقفة
زيد : تفضلي انسة ميرا
خشت ميرا لابسة عباية بيج ووشاح عنابي وسبيدرو عنابي
ميرا : السلام عليكم
زيد&نور : وعليكم السلام
نور : كيف حالك يا ميرا
ميرا : تمام
نور : شن اخبارك
ميرا : كويسة
نور : تقدري تفهمينا كيف كلماتك اختك الصبح
ميرا : ناضت تبي تخش الحمام قلتلها وين قالت بنخش الحمام
قلتلها به بس اني مجانيش نوم وحسيت ميار عطلت شوية وسمعت صوت عيطة في الحمام نضت نجري ولما فتحت الباب لحقت على اخر لحظة كانت ميار مش موجودة في الحمام والخاطف مقعمز على الروشن يبي ينقز
زيد : يعني شفتي شكله
ميرا : اي لانه تلفت لما حس اني خشيت الحمام والغريب هو ان لما طبست من الروشن ملقيت حد
نور : كأن الخاطف عارف تفاصيل حوشكم من وين يخش
و وين يهرب
زيد : صح وكأن حتى يراقب فيكم يعرف امتى الشخص يكون
بروحه
نور : اي ردي بالك كويس يا ميرا
زيد : اي ولا سيما ان القاتل فوت سنة مقربكش يعني مش مع هادا مش حاطك في باله
ميرا : اي اكيد
نور : نورتونا وشرفتونا خالتي ناجية و ميرا وان شاء تشرفونا تاني بس في الخير
زيد : اي في الخير ☺
ميرا & ناجية : وقفو بيطلعو
زيد : وبالنسبة لبناتكم لو قاعدين على قيد الحياة مش حنقصرو في البحث عنهم
ناجية : شكرا يا وليدي بارك الله فيكم
زيد : فيك بارك الله هادا واجبنا.. وردو بالكم كويس وانتي يا ميرا اهتمي ب أمك ومتبعديش عليها معندها غيرك انتي ومالك خوك
ميرا : ان شاء الله... وطلعو
نور : شفتو مشاهدينا طريقة اختفاء اطفالها ومستحيل يحس حد بالشعور هادا الا اللي جربه وان شاء الله ميجربه حد
زيد : قبل منختمو الحلقة اتصلو على الارقام هادي للتواصل معانا
نور : *******091 و *******091
زيد : و *******092 و *******094
نور : ونختمو حلقتنا ب أية الكرسي
زيد : و نتلاقو في الحلقة الجاية مع ضيف جديد ووو
نور : قصة جديدة ☺
وستووووووب ✋
نور : ياروحي سخفتني خالتي ناجية
زيد : حتى اني
نور : زعما هي بس هكي قصتها او في غيرها
زيد : اللي يخوف كان ميطلع يخطف في الناس ويلهد في الشوارع ويطلع مش من عيلتهم
نور : اي والله
زيد : كيف حال خووك
نور : في الصحراء عنده شغل
زيد : اااه معش سمعتو شي على نغم
نور : لا 💔
زيد : بنمشي نشرب حلقي جف هي تعالي نور.. مشي خطوتين
يسحاب نور وراه ولما تلفت لقاها تبكي عرف سبب بكاها قرب منها وحضنها... خلاص القصة فاتت عليها 6 سنين صح متقدريش تتحملي فراقها بس ادعيلها بالرحمة
نور : اني متأكدة هي حية💔
زيد : الرحمة تجوز على الحي والميت 💔
نور : انهارت بالبكي... نبي نروح
زيد : تعالي معاي للقهوة قبل نبي ناخد عصير بنشربه بنبلعه ريقي يبس معش نقدر وبناكل حاجة تنبلع يمضغوها حاجة تتزلفط اللي هوو
نور : به 😂
روايات : رودي 💜
فتـــــــــاة القــــــــــمــــــــــر 💜
نور : طلعت مع زيد والحق زيد دار المستحيل باش يضحكني ونجح روحت الحوش لقيت امي مقعمزة تنقي في المعدنوس والكسبر وحاجات خضر قدامها 😂
نور : باست راس امها... شديري
سناء : كسدت قلت خلي انقيهم خير من البيارة زي هلبة ناس نعرفهم 😒
نور : ضحكت... به كلمك ولدك 😂
سناء : محمد
نور : عندك غيره
سناء : وخوك محمود
نور : فكيني منه ميندريش حتى على نغم هو شن صاير فيها
سناء : دموعها نزلو.... ووه عليا بنيتي مندريش عليها حية ولا ميتة 💔
نور : ءء.......
محمد : السلام عليكم استاحشتوني
نور : هواا اسبوع بس
محمد : اسبوع ل..خيركم؟؟!
سناء : وخيتك نغم معش ليها اثر بنيتي مندريش عليها جعانة شبعانة ولا شن صاير فيها بالك صقعانة ولا مريضة 💔
محمد : عيونه تعبو دموع... معليشي ادعيلها بالرحمة سواء حية او لاا
سناء : حضنت نور ومحمد... متخلونيش متخلونيش والله كان
انتم مش هني راني ميتة متخلونيش سلم صغاري مديروش زي مادار محمود وخيكم
محمد : حضنها... مستحيل نتخلى عليك يا تاج راسي 💜
نور : تبكي وحاضنة خوها وامها 💔
محمد : بيغير الجو...شن الاعشاب اللي فوق الطاولة هادو 🙂
سناء : كسدت بروحي قلت خلي انقي معدنوس
نور : هيا اطلعو من المطبخ بندير الغدي
محمد : جبت معاي حاجات مش لازم اطيبي
نور : مية مية
حطيت الغدي و وتغدينا وحني نضحكو على محمد وصحابه وجونا مليح وفتحت التلفزيون قعدت نتفرج على روحي في التلفزيون في البرنامج يحدث في ليبيا
محمد : ايوا اختي في التلفزيون وطرحات وحركات 😉
نور : 😂😂😂
محمد : خش لداره يغير حوايجه
نور : خشيت لداري ندور في تلفوني
ترن ترن ترن
سناء : الوو
....... .........
سناء : الووو منو معااي
محمود : امي 💔
سناء : 😳
＊*•̩̩͙✩•̩̩͙*˚ ˚*•̩̩͙✩•̩̩͙*˚＊
