صلي على محمد
البارت الاول
تستيقظ تلك الجميلة بانزعاج علي اصوات أخيها وزوج والدتها الذي تكره بشده حقا تكره لولا أنها لا تمتلك اي شئ ف حياتها غير هذه الشقه الذي اخذها منها زوج أمها البغيض وكتبها باسمه لتركت هذه الحياة المقرفه منذ زمن بعيد وتبتعد عنه لكنها لا تمتلك اي شئ ف هذه الحياه فوالدتها كانت وحيده وليس لها أي أقارب او أهل حتي والدتها كانت لا تتحدث معاها عن أي أقارب لها وكانت حينما تسألها تتهرب والدتها أو تخلق موضوع اخر حتي تتخلص من اسألتها .. هي حتي لا تذكر والدها ولا تعرف شكله في الحقيقه لم تراه الا في بعض الصور فقط وكانت تتحدث والدتها عنه معاها وتخبرها كم كان طيب القلب وحنون وكان يحبها بشده .. ياللهي حظها التعيس أن تعيش ف هذه الحياة لا تمتلك اي شئ لا عائله لا اي احد سوا صديقتها المقربة لها وأخوها الحقير الذي تكره بشده تنهدت.. لتتذكر من يمتلك قلبها صاحب العيون الخضراء الي تشبه غابات الزيتون ولون ورق الأشجار الجميله عندما تأتي عليها اشعه الشمس وتلمع ف هذه هي عينيه لها بريق خاص يخطف الأنفاس كما تخطف أنفاسها عندما تراه .. هو اصلا لا يعيرها اي انتبه أو لنقل افضل أنه لا يعرف انها تعيش علي الكوكب اصلا ااه متي سوف يحن علي قلبها صاحب العيون الخضراء.. حقيقي أنها تكره نفسها وتكره حياتها المعقده والمقرفه خرجت من أفكارها الي تعصف بها علي صوت زوج والدتها البغيض وهو يفتح الباب عليها ويدخل
_اي يا حلوة مش هتقومي تفطرينا ولا اي قومي فزي داهيه تاخدك واخلص منك ويلا عشان تنزلي تتزفتي علي الشغل
خرج واغلق الباب بقوه وهو يتمتم ببعض الشتائم القذره مثله تجمعت الدموع ف عينيها هي حقا تكره وتكره حياتها ليس لها أي مكان تذهب إليه حتي ليس لديها أي شئ حتي مالها الذي تأخذه من عملها لا تستطيع أن تأخذ منه القليل لنفسها وان تكلمت ولو قليل تسب باقذر الشتائم والضرب من أخيها وذلك الحقير أيضا لا تستغربون فأخيها حقير حقا كما قالت من قبل .. لملمت شعرها سريعا الأسود الطويل الذي يشبه الحرير من كثره نعومته وخرجت بسرعه حتي لا يأتي ذلك الحقير مره اخره وهذه المره سوف يقوم بضربها حقا
خرجت من غرفتها ذاهبه الي المطبخ سريعا حتي تقوم بتحضير الطعم لهم وتسكتهم بعد أن أعدت الطعام خرجت من المطبخ ووضعت الطعام لهم وتوجهت الي غرفتها حتي تغير ملابسها وتذهب أوقفها صوته الحقير قائلا
_اي مش هتتطفحي ولا اي؟
_لا ماليش نفس انا هبقا أفطر في الكليه مع صافي
_سيبها تغور بلا قرف كان هذا صوت أخيها .. فبدل من أن يكون أخيها سند لها ويحفظ عليها يكون شخص حقير ينهش ف لحمها مثل زوج والدتها قطع عليها تفكيرها قائلا
-نعم ي روح امك جامعة اي الي رايحها والشغل ي بت انتي
-انا مش هعرف اروح الشغل النهارده انا عندي سيكشن ومحاضرات مهمه مش هعرف اغيب المره دي .. بس اطمن انا اتفقت مع مني أنها تروح بدالي النهارده الصبح وانا بليل مكانها أما اجي
- ايوة كده كنت بحسب كنت هستغل الفرصه وأقوم اكسر عضمك يلا غوري خلي الواحد ياكل بنفس داهيه تاخدك مطرح ما رايحه خلينا نخلص منك بقا
-ذهبت الي غرفتها بعد أن تجمعت الدموع ف عينيها ولم ترد عليه فهي تأقلمت علي ذلك الوضع وهذه الكلمات الجارحه اين والدتها الأن علي الاقل كانت تحميها قليلا من بطشه لا يهم هذا حقا
_دخلت الغرفه وهي تبكي إلي متي سوف تظل ف هذا الوضع المقرف حقا لقد تعبت من كل شئ
-وحشتني اوي يا ماما لو كنتي هنا دلوقتي علي الاقل كنت بعد كل الي بيحصل فيا تاخديني في حضنك وتخففي عني وحشتني اوي ي امي ربنا يرحمك يارب
مسحت دموعها وتوجهت إلي ملابسها القديمه المهتره أو بالأصح لنقول ملابس أخيها؟! ضحكت بسخريه علي نفسها في هي تلبس ملابس أخيها القديمه التي يرميها لها بعض أن يكون مل منها اخذت بنطلونها الوحيد الذي تمتلكه وقد تأكله الزمن وأصبح قديم حقا ثم أخذت تيشرت ابيض وقميص اخيها فوقهم وابدلت ملابسها ولكن قبل ذلك ذهبت وأغلقت علي نفسها بمفتاح الغرفه فهي حقا لا تضمن ذلك الحقير ماذا يفعل فهو ينظر لها نظرات حقيره ومقلقه و امسكته مره ينظر عليها من خرم بابها وكانت علي وشك أن تغير ملابسها فهو حقا حقير ساقط لعين
خرجت من دوامه الأفكار هذه وهي تلملم شعرها بكعكه فوضويه لا يهم فهو بعد دقائق سوف ينفك فشعرها لا يستطيع أن ينتظر قليلا ف مكانه ابدا لا يهم ذلك هيا الأن سوف تتاخرين لا ينقص سوا توبيخ ذلك المتخلف أيضا دكتور الماده الذي يكرهها بشده وهي ايضا كذلك ويقوم بتوبيخها علي أقل الاشياء منتهز الفرصه لذلك .. خرجت من غرفتها الي الباب بعد أن سمعت طبعا كلام أخيها وزوج والدتها اللعين نزلت مهرولاه علي السلالم بعد أن نظرت ف ساعه تلفونها القديم الذي انقرض تقريبا فينقص الان نصف ساعه علي ميعاد السكشن الخاص بالدكتور المتخلف ذاك.. مشت وركبت بعض المواصلات حتي تذهب إلي الجامعه و ها هي الآن وصلت
-ياربي فاضل خمس دقايق يارب الحق المتخلف دا كمان مش ناقصه علي الصبح الا فين صافي أما اشوفها هي فين وندخل
ذهبت لكي تبحث عن صديقتها المقربة وصدق حسها فكانت تجلس مع عزالدين صديقهم وابن خالتها ف نفس الوقت
-اي ي حيوانه مش برن عليكي مش بتردي ليه ها ويلا اخلصي قومي انتي والزفت دا خلينا نخلص نحضر انا اصلا مش طايقه نفسي علي الصبح
اردف عز الدين قائلا
- هو انا يعني عشان ساكتلك هتاخدي راحتك اوي معايا
- اي دا بجد انت لسه واخد بالك اخلص يلا يلا انا اصلا معرفش انت مصحبنا ليه ي ختت انت انت مش ف الكليه اصلا و واحد مخلص بتيجي هنا ليه
-انا مش هتكلم عشان لو جيت هجيبك من شعرك هتفت صافي قائله
- بسسسسسس كتكم القرف انا زهقت منكم ومن خنقتكم الي مش بتخلص اي اطفال خلاص يا لورا بقا سيبك من الزفت دا
-زفت انا زفت طب ورب الكعبه ما هسيبك النهارده
-ولا متوجعش دماغي بقا داهيه تاخدك يلا ي بنتي بلا قرف انا اعرف دا ابن خالتي ازاي بس
-انا عمال اتهزق وساكت صح بس تمام هتتعملي شورما علي العشا النهارده يا صافي
-عشا اي هي ماما جايه عندكم النهارده ولا اي
-اه يختي لازقين عالطول عندنا دا انتوا عيله لازقه
-انا مش هحضر ي لورا روحي انتي
-خلاص ي صافي الكلب براحتك انا هروح انا
ذهبت سريعا الي محاضرتها فهي ف غني عن سقوطها هذه السنه
-شايفه شكلها بقا عامل ازاي ي صافي أنا خايف عليها اوي مش عارف اعمل اي معاها بجد انتوا اخواتي وبحس انكم مسؤلين مني حاولت اساعدها بس هي مش بتوافق دائما شايفه الفرق المادي الي ما بينا انا تعبت بجد معاها وخايف عليها جدا من جوز امها دا
-اعمل اي ي عز والله اتكلمت معاها كتير وانا خايفه عليها جدا انا ماليش غيرها ف الدنيا دي بس الموضوع محرج جدا بردو ي عز أن نديها فلوس كده انا لو مكانها مش هقبلها علي نفسي وخصوصا انا عارفه أن الفلوس دي ليه ربنا يعديها علي خير ي عز بجد وتخلص من الانسان المتخلف الي عايشه معه دا
-يارب اللهم امين..
ذهبت سريعا الي محاضرتها ياللهي لقد تاخرت تلاث دقائق سوف يقوم بطردي انا اعلم
-استر يارب وادخل دقت الباب ودخلت فور دخولها وقعت عينيها علي من ملك قلبها أنه هو يالله لقد اشتقت لك حقا اسبوع كامل لم اراك فيه
-اي ي انسه اتاخرتي ليه علي ميعاد المحاضرة
اردفت بتوتر
-انا اا انا اسفه ي دكتور بب بس دي مش محاضرة حضرتك كمان وحضرتك اول مره تدخل لينا
-يعني اي يعني هو عشان انا مش الدكتور بتاعكم يبقا تتاخري علي المحاضرة واظن انتي عارفه كويس اوي أن دكتور منصور هو الي عندكم ودكتور منصور مش بيحب حد يتأخر ويدخل بعده يبقا نحترم مواعدنا اتفضلي انتي ي انسه وياريت متحصلش تاني لأن انا هكون مكان دكتور منصور لآخر السنه ..حقا حقا ما قاله قلبي سوف يطير من الفرحه أنه حقا لا يعرفني ولم يراني من قبل لكنني اعرفه وقلبي يعرفه اعرف أدق تفاصيله اعرفه وأشعر بيه دائما .. ذهبت وجلست ف مكانها
-زي ما اتكلمت دلوقتي وقولت اني الدكتور الجديد وهكمل مكان دكتور منصور لأن حالته الصحيه متسمحش أنه يكمل معاكم مكملتش تعريف بنفسي انا دكتور أيان رأفت الي هكمل معاكم لآخر السنه واه حاجه كمان انا مش بحب اي تاخير مهما كان السبب عن المحاضرة واظن الكلام وصل كويس المره الي جايه مش هدخل حد اي كان مين.. قال ذلك ثم نظر إليها
-ماله دا في أي بس مش مهم المهم أن انا هشوفه قصاد عنيا تقريبا كل يوم واهو اشبع منه شويه حلم جميل بس انا صعب أوصله انا عارفه انا فين بس وهو فين هيبص لوحده زيي شحاته انسي ي لورا انسي عشان تقدري تكملي الي انتي فيه انبسطي شويه بس علي قدك علي قدك وبس يا لورا..
- اي ي ابني عامل اي
-انتي عبيطه ي بنتي هو انا سيبك بقالي خمس سنين دول دقيقتين روحتي تجيبي فيهم كوبيتين نسكافيه اتهدي بقا زهقت منك
-حسبي الله فيك انت ابن خاله انت وكمان اخويا ف الرضاعه بلا قرف انا اعرف امك رضعتني ليه
-اتهدي بقا وقوليلي هنعمل اي ف موضوع لورا دا وكمان موضوع إيان فكرك انا مش عارف هي بتحب إيان قد اي بس الي مخوفني إيان نفسه إيان انتي عارفه مالوش ف كل دا إيان آخره ليله مع البنت وخلاص وساعتها لو عرف أن لورا بتحبه هيضحك عليها ويستغل الفرصه ف دا ويخدها علي قد عقلها لحد ما يوصل لي الي عايزه دا ابن عمي وانا عارفه ي صافي
-انا مش عارفه بجد فكر معايا نشوف حل ليها لورا كمان شايفه أن الموضوع صعب وأنه عمره م هيبصلها ابدا وهي الحمد الله مش بتحاول تلفت انتباهه ياريت تفضل كده وم يعرفش أنها بتحبه وكمان خلينا نشوف ليها اي شغل بدل الي هي فيه دا و واخدين فلوسها اول باول منهم لله انا كلمت عمي يشوفها شغل رغم اني مش بطيقه وللاسف زي م كنت متوقعه يقولي انا هشغل عيال زيكم لسه ميعرفوش حاجه ف شغل الشركات وكمان واحده زباله من الشارع زي صحبتك
-عمك دا حقير انتي تعرفي
-طبعا هو احنا بنكره من شويه ي عز والي عامله فينا واكل حقنا من واحنا صغيرين وحق بابا ف الورث كل مال ايتام ي عز يلا ربنا يسمحه
-يارب ويبعده عنكم عشان انا تكه واحده بس وطلع روحه انا عامل اعتبار أنه راجل كبير وأنه عمك كمان
-ربنا يخليك ليا عز ي حبيبي ي اخويا ي نور عيوني من جوه انا مش عارفه من غيرك ومن غير خالتوا وعمو ممدوح كنا عاملنا اي
-بس بس انتي هتشحتي ولا اي
-تصدق انك حيوان انا غلطانه واوعا بقا كده أما اروح اشوف لورا خلصت ولا لسه
-تعالي هنا خلاص حقك عليا
-ولا اوعي كده
-انا جيت اهو لسه مخلصه
-تعالي ي عيوني كنت لسه رايحه اشوفك بسبب الواد الختت دا
- و ربنا م يحصل ادي دماغك أبوسها وتعالي انتي كمان هاتي دماغك
قام باحتضانهم وقبل رأس كل منهم بحب تحت ضحكتهم ومشاكستهم فهو يعتبرهم كل ما يملكه في هذه الدنيا فليدمهم الله له
-انا هقوم بقا ي عز عشان متاخرش علي الشغل
نظر إليها بكل حزن
-شغل اي بس ي لورا انتي مش شايفه شكلك عامل ازاي قولتلك مليون مره اقعدي من الشغل ومالكيش دعوه بحاجه
-اسكت ي عز اسكت وياريت متتكلمش معايا ف الموضوع دا تاني انا ايوه بعتبرك اخويا وكل حاجه وماليش غيرك انت وصافي بس متوصلش لدرجه انك تصرف عليا ي عز وتصرف كمان عليا عشان اي عشان مش لاقيه اكل و اخد منك الفلوس اديها لجوز امي واخويا الي معرفش دا اخويا ازاي وليه ياريت ي عز متتكلمش معايا ف الموضوع دا تاني ابدا عشان متزعلنيش منك قالت كل هذا الكلام دفعه واحده ومسحت دموعها سريعا ونهضت لتذهب فلحق بها عز و وضع يده علي كتفها يحثها علي الانتظار وقال
-انا اسف ي لورا والله انا اسف مقصدش بس انا خايف عليكي منهم وخايف عليكي من كل حاجه عشان كده بقولك اقعدي ومالكيش دعوه بحاجه مش عشان الي ف دماغك وبتفكري فيه ابدا بجد اسف واخر مره افتحك ف الموضوع دا بس متعيطيش عشان خاطري مسحت دموعها برقه وقالت
-خلاص ي عز انا مش زعلانه منك مش بعرف ازعل منك
-اي دا من غيري وسعوا كده خدوني معاكم
ابتعد عنهم عز وقال
-طيب م تيجي تتعشي معانا النهارده دي ماما وخالتي بيسألوا عنك بقالك كتير مروحتيش وبابا كمان
-معلشي ي عز مره تانيه عشان خاطري تسلملي عليهم كتير
-طيب ي حبيبتي خلي بالك من نفسك طيب
-حاضر ي عز سلام سلام ي صافي
وذهبت بعد ذلك لعملها حتي لا تتأخر أكثر من اللازم
نهايه البارت اتمنه يعجبكم ي قمرات ورائيكم يهمني♥️♥️
أنت تقرأ
لك من عمري
Romanceكانت تقف تسترجع كل ما مرت بيه كيف كانت و كيف اصبحت بفضله بفضل قسوته و غروره تتذكر ذلك اليوم جيدا جداا كيف توسلت إليه أن يساعدها أن يرحمها أن يوفي بوعده كما قال لها ولكنه تخلي عنها وتركها وحدها وسط الذئاب تركها تتعفن وسط مستنقع قذر من البشر فهل سوف...
