السلام ؏َـليکم
داده ♡..
- شلونڪمَ اغاتي ✨
« اليوم البارت مثل مشفتوا اسمَ " الثورة "
جنت داكلب بلوات وفجاءة دخلت ؏َ حساب عراق وكلكم تعرفوا وماعتقد أפـَـد مِعرفة
IRAQ-99
ـ فـ شفتً ناشرة ؏َ الثورة وكلش عجبني كلام لان اختصرت الثورة وليش طالعين نتضاهر ڪُلة بكلامة ونسختَ وפـبـيـت يبقى ذكرى
فـ
َـ كُلت انزلَ بارت فَـ يَـ؏ـني هل كلام الي راح اكتبَ هناية بل بارت
مو كلامي انما كلام عراق تمام ؏َ الثورة ♡.. »
___________________
:- ليش الثَورة ؟
- لأن أريد دولة علمانية، ليبرالية انتخاباتها نزيهة، ما أريد نظام إسلامي فاشل .
أريد كرامة لبلدي و إحترام لسيادته و حدوده
ما أريد أشوف شخص بالعراق محروم من أبسط حق نفسي أو جسدي أو مادي ، ما أريد أمشي بالشارع و اتعثر بالفقراء !
ما أريد تكون الأقليّات مهمشة
ما أريد المختلف يموت !
ما أريد أشوف أي تافه عنده سلاح و يلعب بكيفه و يقتل بكيفه
ما أريد ميليشيات و لا سلطة عشائرية
ما أريد اللي أعرفهم ينخدعون بكل شخص التحف بالدين و لبس عمامة.
- لأن أريد حق كل مظلوم ، وحق كل الشَهداء صفاء و مهنّد و عُمر وسارة و حسين و محمّد و حبيبته و مصطفى و ريمون و علاء و حق كل شخص انقتل أو تصوب أو تأذى سواء جسديًا أو نفسيًا ...
- لأن أريد قانون يحمي البنات من العنف الأسري
أريد قانون يضمن لي أمارس كل شي أريده بحرّيّة بدون تدخل أي شخص
أريد قانون يحميني آني و غيري من البنات حتى ما يتعرض لنا المتحرش إذا مشينا وحدنا بالشارع .
أريد قانون (يُطبق على أرض الواقع مو بس حچي) يمنع جرائم الشرف و الابتزاز الالكتروني و الرشوة
أريد قانون يحمي الملكية الفكرية و يحاسب سرّاق النصوص و الأفكار .
أريد أشوف كل وحدة من صديقاتي تاخذ حريتها و تمارس أبسط حقوقها بالطلعة ، اريد من أطلع اخذهم كُلهم وياي مو بس كم وحدة وفلانة ما تجي بسبب اهلها، اريد حقوق الشباب بشكل عام بالدراسة، بالحب و بأي فعل يخص حياتهم !
- لأن ما أريد أشوف دعم الفن و الفنانين آخر شي ممكن تفكر بيه الدولة
ما أريد أشوف ثقافة الناس معدومة بسبب أنظمة التعليم الفاشلة و اللي هي عبارة عن تلقين وحفظ بدون فهم وأساس ماكو للطلاب .
ما أريد اشوف السادس مثل العقدة بالنسبة لكل الطلاب لأن كل الإختصاصات مهملة من ناحية الإهتمام و التعيين ما عدى القليل منها
ما أريد الطاقات الشبابية اللي عندنا تضيع و تهاجر لكل دول العالم لأن ما لها مستقبل بالعراق.
أنت تقرأ
« نبُذةَ عَـن بلدٌ عظـِيم »
Ficción histórica- أَحُب الـ؏َـراق وامي وصفاء و٨٠٠ شهيد - أَحُب ڪلمة انتِيڪا داده ومارلـين وسنة ١٩٣٢ - أَحب اغنية ڪُلي ياحلو منين الله جابڪ - وعد وانه عد ونشوف ياهو اكثر هموم راحوا ويلي راحوا بـ؏ـٰد ماردوا احبابي .. - أَحُب الأغاني القديمةة واقتباس « مَـو حِـزن עچن...
