#عائلات_راقيه_بفسادها 6
ملاحضه:غيرت شخصية ارسولان لان لقيت الروايات كلهم واخدينه جبل 🤦🏻♀️🤷🏻♀️
هبه:وقفنا نتفرجو كيف لبس فيها الذبله
وصفقنا مع المعازيم لما لبسوهم❤️
كان كل شي تمام لين فجآه منعرفش شن صار
جت عيني في عينه وكانت المصوره قدامه
نادت عليه تبيه يشوف للكميره وقعد مثبت عيونه عليا🤦🏻♀️
كلهم لاحضو وبدو المعازيم كلها يتلفتو يشوفولي
قلبي طاح متت في لحضتها توقعت منها اي شي وووه عليا
امير:ابتسم ودار باي بيده👋🏻
هبه:في اللحضه هادي معرفتش كيف نتصرف وعيون الناس متلفته ليا ....قررت بسرعه ندير روحي نفسهم مش عارفه لي منو يشبح بعيونه وتلفتت ع اساس ندور
ونصدمتتتتت🤦🏻♀️🤦🏻♀️🤦🏻♀️🤦🏻♀️🤦🏻♀️
لقيت مرا كبيره في السن مقعمزه وراي وتأشرله من بعيد وهيا مبتسمه فرحانه ❤️
نصدمت وتحشمت من روحي
كيف نفكر انه يشوفلي او حتى يأشرلي بيده منو نكون انا !!....قاطع تفكيري وخلعني صوت التصفيق فجآه
رجعت عيوني ليه لقيتهم لبسو الذبل ❤️
قعمزت ع الكرسي وانا نكرر في المشهد في راسي ونضحك على نفسي بسخف وهزوه 🤦🏻♀️
____________________________________
ليلى:شن في راسك؟وشن كنتي متوقعه؟
انه يحبك مثلا؟؟؟؟
انتي عارفه يلي كان قدامك قعد مكتئب 7شهور ع مرته يلي توفت وهيا حامل؟؟؟
رؤى:😨
ليلى:صدمتيني فيك يا بنت جلال....كنت نسحابك بنت رزينه وعاقله وتعرفي الصح من الغلط
منسحابكش تنحرفي على طريقك بمجرد ما تشوفي فلوس وشويه هدايا رخيصه نفس يلي في يدك !
نسحابه جلال رباكم على الشبع مش م......
رؤى:عقدت حواجبها بغضب ونزلو دموعها....لو سمحتتتتي ....قاعده تجرحي فيا بي كلامك وتحكي في دوه مش حلوه في حقي ولا حق بابا بدون ما تفهمي شي
ليلى:معندي ما نفهم كله واضح لكن لازم تفهمي ان يلي زيك هلبا
الولد كان خاش في حاله نفسيه بعد ما ماتت مرته يلي كان يحبها موت
وكلم وصاحب كذا وحده وغرقهم هدايا قبلك عشان يحاول ينساها ومفيش فايده!
ولان امك معزتها كبيره عندي حكيتلك
متقيميش راسك فوق هلبا رقبتك تنكسر ...لا انتي من ثوبه ولا هوا من ثوبك سامعه!؟
رؤى:خدت العصا الطبيه يلي تستند عليها وطلعت من المكان يلي هيا فيه بسرعه وتبكي !
ليلى:ابدا ما حستش انها قست عليها هلبا بي الكلام وجرحتها
نفس اي بنت تعرضت لي موقف زي هاذا رؤى مقدرتش تشد دموعها💔
اتجهت للحمام بسرعه سكرت الباب وبكت لين دهشت💔
فتحت الكيسه وطلعت الصندوق الصغير يلي كان فيها عشان تشوف الجمال على هيئة حديدة ذهب تجنن
عباره على حديده منقوشه بطريقه بسيطه ونازل منها وردات صغار....اذكرت كلمة ليلى
(صاحب كذا وحده وغرقهم بي الهدايا قبلك)
وهنايا بذات حست بي اسوء شعور ممكن البنت تحس فيه!(مفكر ان يشريها بي هديه تشوفها غاليه)
مسحت دموعها وطلعت وقفت قدام المرايا وهيا تمروح على عيونها ممكن يخف الاحمرار شويه 🙏🏻
