#عائلات_راقيه_بفسادها27
ارسولان:يشوف لي النار يلي كانت قدامه وقرب خطوتين عليها
كان حاس بحرارتها كويس !
سرح فتره فيها !
بعدين محسش ع نفسه الا وهوا يرمي في صندوق معبي
معبي حاجات اذكره بي همومه 💔
حوايج البودري متع نهال ربطات شعرها وصور
وقف يشوف كويس لي النار كيف تصهر فيهم بدون رحمه !
سكر عيونه دقايق وهوا يطلب من ربي ينسى كل شي صار معاه
يرقد نفس الناس الطبيعيه بدون كوابيس واحلام غريبه
بدون صوت نهال وهيا تنادي عليه وتتأسفله وتترجى فيه ينقذها💔
فتح عيونه عشان يشوف ان الحاجات قدامه صارو رماد خلاص ❌
عطي النار بضهره ورجع لي الحوش كأنه خلاص تخلص من حمل كبيره في قلبه💔
_______________________________
موده: حاولت تسكر باب المصعد لكن سبقها وحط رجله وخش
حاولت نطلع بس مسكها كويس من يديها الاثنين🔥
موده:قعدت مكانها وعيونها ع الارض وكانت حاسه ان قلبها بيطلع منها
جهاد:هما دقايق اسمعيني فيهم وامشي
موده:شن تبي مني!
جهاد:قيميلي عيونك فوق نبيك
موده:قامت راسها وهيا تحاول كويس انها تخبي الحب يلي في عيونها 💔
جهاد:غلطت تمام عارف روحي
مكنتش نعرفك مزبوط انا يعني بنت وافقت تجيني لي الشقه شن تبيني نفكر بزبط ترا!
اي ولد في مكاني كان رح يفكر انك....
موده:اني شنو!؟...رخيصه؟
جهاد:اي
هاذا الواقع لكن لما مقبلتي شي انا راسي ستك مكنتش نتوقع انك ترفضي
موده:بردة فعل عنيفه....انت ممكن مش متعود يحبك حد
كل وحده كلمتها في حياتك كانت تحاول تستغل فلوسك
فلوسك يلي انت مش معرق عليها اصلا وتاخد فيها من بوك ع البارد
منو بيحب واحد زيك !!!؟
كان مفروض نتوقع الشي هاذا لان جديات الحب كان جديد عليك
جهاد:صدمه الكلام وجرحه!....بس مكانش يقدر ينكره لان فعلا هادا يلي صاير
بلع ريقه وواضح ملامح الصدمه ع وجها ....تمام
كلامك صح
موده:كان نفسها متسارع بسبب الكلام يلي قلاته بغضب وبسرعه .حاولت تهدي نفسها حست انها قالت شي غلط !!
جهاد:تابع كلامه وعيونه تمشي يمين يسار ومش ثابته عليها....رسمي صحعمري مافهمت شن يعني حب
لا ام لا اب زي الناس لاشي !....فهمت معناه لما رفضتي تاخدي مقابل
وفهمت كويس هداك اليوم انك جيتي عشان تشوفيني دقايق لا اكتر مش عشان شي تاني !
وقتها عرفت شن يعني انسان يحب شخص بدون ما يبي منه شي
موده:نزلت راسها وقلبها مقتنع كويس بي كلامه
اما عقلها يرفض💔
فتح باب المصعد
جهاد:مسك يد موده...بعتلك مسج من رقم اختي بدون ما تنتبه وخليتك تجي هنايا عشان نقولك
اني اسفه....بس!
موده:قامت عيونها وهيا تشوفله ومركزه فيه كووويس..
جهاد:ابتسملها وواضح ان ملامحه مكانتش طبيعيه بسيب الكلام يلي سمعه منها💔...يالله سلام
طلع من المصعد وتسكر الباب وموده واقفه مصدومه من يلي صار قبل شوي !
ممكن موده وكل حد فينا شاف ان جهاد شخص سيئ💔
مفيش حد فكر في ضروفه؟في تربيته؟!
في تجاربه في الدنيا !!في الوحده يلي كان فيها!
