#عائلات_راقيه_بفسادها28
اسلام:استغل عدم وجود اي حد في المشفى
فتح الباب وخش
كانت اريج راقده ع السرير وجسمها كله منفخ من الحادث
قرب اسلام وبلع ريقه بصعوبه وهوا يدكر!
اسامه معاها!!
حبهم لبعض قبل ما تصير الخلافات الكبيره بين العيلتين !
كيف وعدها بي هلبا حجات وبعدين خلف كل وعوده لما امه قتله بعد عليها
وبعد عليها بكل بساطه!!
تطكر كيف يقاوم في شعوره كل مره يشوف فيها!
رغم عيوبها يلي كانت واضحه عليها وحبها للفلوس وطبعها يلي كان احرف من ماريا
بس حبها!!💔
قرب عليها مركز في ملامحها يلي كانت شبه مختفيه من اثر الحادث
كان فاهم كويس ان حرفيا قعدت بروحها
بدون ام بدون اب ولا اخ ولا اخت
وحيده وسط السمعه السيئه يلي خلتهولها امها ومش معروف مصيرها شنو !
________________________________
هبه:امير امتحاني اممممممير مفيش بصاااااره في الموضوع هاذا
رجعنننني
امير:زاد السرعه ومردش عليها
هبه:مقعمزه وراه ضرباته ع كتفه ....رجعني المدرسه
رجعننني امييييير نحكي جديات انااا
امير:شافلها في المرايا وشد فرين ع غفله
طاحت هبه جنبه من قوت الفرين ❌
وبسرعه ماناصت
امير:يحكي وعيونه ع الطريق....شن قصة البهيم يلي جاي لي بوك؟!
كل شويه نلقاه قدام وجهي نقدر نفهم!
هبه:ردت بسرعه بدون تفكير ...مالك وماالي؟
جديات فكر براسك شويه وبطل يلي ادير فيه
امير :انتي كيف تحكي معاي بي الطريقه هياااا؟
هبه:مش فرض عليا نحكي معاك بي طريقه يلي تعجبك
رجعني للمدرسه خليني نمتحن زي الناس امير
امير:نزل عيونه ثواني وشافلها في المرايا
كان بيسألها ....كرهتيني ؟!
كان بيعترفلها ان يحبها ومش قادر يدير ولا شي في يومه غير انه يفكر فيها وبس❌
مش متحمل فكرة ان ياخدها حد غيره !
كان يبي يطلب منها تعقل وتبطل الهبال يلي مسببلهم كل المشاكل هاذي
لكن كل الاعترافات هاذي اختفت لما شاف لي عيونها وكانت قالبه وجها عليه
امير:توا شنو يلي تبيه انتي؟
هبه:ولا شي....لا نبيك ولا نبي منك حاجه رجعني للمدرسه بس
امير:موافقه عليه انتي الولد؟
هبه:اي اي نبيه درنا نضره شرعيه وعجبني
ع الاقل عجبني بي الحلال خير من بي الحرام نفس الكلبه يلي تخون فيا معاها
امير؛بصدمه....عجبك!؟
هبه:بتردد....اي
امير:وجعاته لكن موضحش .....تمام
حلو وفرتي عليا وقتي زي ماتعرفي المزرعه رجعتلنا
وحتى الشركه بحكم ان مفيش وريث غيرنا
يعني رجعنا زي قبل واحسن وتلزمني وحده من ثوبي
هبه:حبست الدموع وسط عيونها وابتسمت....متفاهمين يعني
اوكي حتى انا ميهمنيش فلوس وشركات يهمني حد يكون متعلم وجاني دكتور زي مانبي
امير:اعصابه نحرقو بس يحاول انه يبين طبيعي ...وهكي مدام تفاهمنا نقدر نرجعك للمدرسه
هبه:ابتسمت....يكون احسن والله
طلع امير بي السياره وولع اغاني وطول الطريق يدندن ع اساس جوه حلو ومش فارق معاه
اما هبه كامتتها في قلبها وعيونها في الطريق وملامح الراحه باينه في وجها لكن من داخل تغلي
