Prince & Me (Endless Love)Season_2

Prince &Me (Season 2)

Unicode

Prince & Me .. Season 2

Endless love ( Part 6 )

💞 💞 💞 💞 💞

MEWတို့အိမ် အနောက်ဘက်
ရေကန်ကြီးဘေးမှာ မြက်ဖျာ‌လေးခင်းကာ
စာကြည့်နေရင်းသူ့ဘေးမှာ လက်ပ်တော့နဲ့ အလုပ် လုပ်နေတဲ့ MEW ကို သူ
လက်ထောက်လိုက်ရင်းနဲ့ Gulf
ငေးကြည့်လိုက်တယ် ..

ညတုန်းကတော့ကားပေါ်မှာ Gulfအိပ်ပျော်
သွားခဲ့တာသိလိုက်ပြီး တရေးနိုးလာတော့
သူ အိပ်ယာပေါ် ရောက်နေခဲ့ပြီ . . .
သူ့ဘေးကို ကြည့်မိလိုက်တော့ MEWလည်း
အဝတ်အစားမလဲပဲ ဒီအတိုင်း အိပ်ပျော်
နေတာကို တွေ့လိုက်ရ တော့ တယ် ..
သူလည်း မထချင်တော့တာနဲ့
နှစ်ယောက်သားအဝတ်အစားတွေတောင်
မလဲတော့ပဲဒီအတိုင်း ဆက်အိပ်လိုက်
ကြတော့တယ် ..

" Gulf ဘာကြည့်နေတာလည်း "

သူအလုပ် လုပ်နေတာကို စိုက်ကြည့်နေတဲ့
Gulfကို MEW ဖြတ်ခနဲ လှည့်မေးလိုက်တယ်

" ဘာမကြည့်ပါဘူး "

သူခိုးကြည့်နေတာလူမိသွားတာတာနဲ့
Gulf ရှက်ပြုံး ပြုံးလိုက်ရင်း ပက်လက်လှန်
လှဲချလိုက်တယ် . . .

MEWကတော့ Gulfရှက်သွားတဲ့ ပုံစံကို
ကြည့်ပြီး ပြုံးလိုက်မိတယ် . .
တခါတလေ သူ အလုပ် လုပ်တဲ့အခါ
Gulf ဒီလို ခဏ ခဏ ငေးကြည့်တတ်တာ
အဆန်းမဟုတ်တော့ပေမယ့် . .
MEW အတွက် Gulfရဲ့ အကြည့်ဒဏ်ကို
မသိသလို နေရတဲ့ အချိန်က တော်တော်ကို
ရင်ခုန်ရတယ် . . .

" ဪ MEW ငါတို့ လက်တွေ့
ဆင်းရတော့မယ် .. ဆေးရုံလည်းသိရပြီ "

" ဟုတ်လား Gulfဘယ်ဆေးရုံလည်း "

" ဘန်ကောက် ဆေးရုံကြီး"

ဘန်ကောက်ဆေးရုံကြီးလို့ Gulf
ပြောလိုက်တာကြောင့် MEW နဲနဲတော့
တွေဝေသွားမိတယ် ..
ဒီတွေဝေမှု့က ဘာကြောင့် ဖြစ်ရတယ် ဆိုတာ
သူ့စိတ်ကိုသူ MEW မဝေခွဲတတ်ခဲ့ ..
ထားလိုက်ပါတော့လေ သူ့စိတ်ထဲမှာ အဲလို
ဖြစ်တာ Gulfသိသွားခဲ့ရင်လည်း
မကောင်းတာမို့ ပေါ်လာတဲ့ အဆိုးမြင်စိတ်ကို
MEW ခေါင်းသာ ခါရမ်းထုတ်ပစ်လိုက်တယ်

" Gulf ငါ့ကို ခွင့်လွှတ်နော် "

သူ့ဘေးမှာ ပက်လက်လှန်လှဲနေတဲ့
Gulfကိုကြည့်ကာ ပြောလိုက်တယ် . .