رواية المافيا الجزء الثاني

9

رواية المافيا😈

للكاتبة: لولو حبيب❤                الحلقة:9 الجزء الثاني

___________________________

درست السيارة ونزلت منها لقيت وائل واقف في الباب ويهز في رجله بعصبية

اني: السلام عليكم

وائل جبدني من يدي بالقوة ودخلني للحوش

وائل: هادا شنو

كان في ولد صغير واقف قدامي

اني: شنو تشبح فيه يعني

وائل: تعرفيه مني هادا

اني: لا منهوا

الولد عيط بصوت عالي: ماما وجي يجري بيحضني

اني دفيته: تي اما ماما يعطك غمامة قالي ماما

وائل بعياط وعصبية: ولدك هادا ولا.. زعما مني بوه وامتي تزوجتي ولا بالحرام

اني عيطت علي وائل: تي اما ولد الهم وائل انته غلطت مرة متغلطش التانية

الولد: كيف ماما اني ولدك

اني: تي شني ولدي خيرك

الولد: ماما اعلاش حطيتيني في دار الايتام

اني: والله..صار اني حطيتك

وائل: اسمعي هي

امي: يابنيتي كان ولدك قولي

اني: تي مش ولدي والله ماهو ولدي وبعدين امنين ولدي الهم تي اني مزال متجوزتش خيركم تخرطو راكم بتهبلوني

اويس فتح الباب: خيره صوتكم للشارع وبعدين عندكم ضيوف

سجود: مني

اويس فتح الباب كويس: تفضلو تفضلو

اني شبحت عيلة محمد ومعاهم ولد وعيلة فارس ومعاهم بنت وعيلة علاء ومعاهم بنت

والصغار يشبهو بعضهم هلبا

ام محمد: اسمعي ياوداد هادا الفرخ شني ايقول

اني: غير ان شاء الله مش زي الي عندي

الولد2: نبي بابا محمد

اني تفجرت ضحك: ههههههههههه وه اعليا قال بابا محمد  ههههههههههههه حلوة هادي

اب علاء: امالا اسمعي الي عندنا

البنت1: نبي بابا علاء

اني: والله وين امك ياحلوة

البنت1: طلقها بابا

اني: ههههههههه ووواك شني جو المفرخ هادا

البنت الي مع عيلة فارس

البنت2: حتي اني نبي بابا فارس

اني: ياسلام كلكم تبو ابهاتكم