رواية المافيا😈
للكاتبة: لولو حبيب❤ الحلقة:12الجزء الثاني
___________________________
اني نزلت من الصور وخشيت للحوش لقيت العيلة كلها تبكي وتعيط ووائل متكي علي الحيط ويبكي واويس شاد في وائل ويبكي وسجود اتعيط والجيران ايعيطو ويبكو
اني قعدت واقفة ونشبحلهم اندور علي امي اعلاش متعيطش معاهم حتي هيا
علاء شبحني جي يجري
علاء شدني: اهدي وداد اهدي
اني: وين امي
علاء: تعالي نلطعو برا
اني: وين امي خيرها متعيطش معاهم وينها
اويس: امي وين امشيتي ياامي اعلاش لحقتي اوس اعلاش
اني شبحت الي اويس وشبحت الي علاء
اني: شني ايقول هادا
عادل:قوللها هيا بتعرف توا ولا بعدين
علاء جبدني طلعني برا
علاء: قضاء وقدر هادا الي كاتبه ربي مانقدروش انغيروه
اني هزيت براسي
علاء: هيا مريضة ومرضها مليشي علاج
اني: متقولهاش
علاء:امك ماتت ياوداد
اني قعدت نشبحله ودموعي ينزلو بس
علاء: ادعيلها بالرحمة وصبري خوك ومرت خوك
اني : ماصدقت لقيتها خيرها امشت بسرعة
علاء:الي كاتبه ربي بيصير
اني خشيت داخل ونبكي بس مقدرتش انعيط صوتي هرب
بعد مرور شهر💢🌠
اويس خش لوح الشنطة وكعمز
اني: خيرك
اويس: مليت
اني: من شنو
اويس: نبي نغمض اعيوني ونفتحهم نلقى روحي تخرجت
اني اقعدا نضحك وخشيت الكوجينة
وائل: حتي وداد كانت اتقول فيها ههههه
اويس: والله تعبت هادا شنو
مؤيد خش يجري: امي امي
بسمة: خيرك
مؤيد: شوفي صقرت الدرجة في الامتحان
بسمة بساته: شطور حبيبي
اويس : شوفي صقرت الدرجة في الامتحان ننننننن
سجود: صقر فمك شوفه اشطر منك مش زيك مروح اتعيط مليت وترا شني
امشيت بست مؤيد واعطيته 5 جنيه
اني: كان نجحت الترتيب الاول نشريلك هدية
أنت تقرأ
رواية المافيا الجزء الثاني
Actionرواية ليبية للكاتبة: لولو حبيب شكرا الي مصممة الصورة سوبي محمد♥️
