رواية المافيا الجزء الثاني

10

رواية المافيا😈

للكاتبة: لولو حبيب❤                الحلقة:10 الجزء الثاني

___________________________

اني نشبح الي ايديا الي كانو دم ونشبح الي الولاد قدامي

اني انهز في راسي بإستنكار: لا لا مستحيل لا

فاتح كعمز جنبي: ان لله وان اليه راجعون

اني: مني قتلهم

فاتح: منعرفوش خطمت سيارة مظلمة حطتهم اهني وامشت

اني وقفت قربت اكثر وكعمزت في الدم

اني: اعلاش اعلاش كانت بتطلع جنازة وحدة توا 3 اعلاش بس و3 اصحاب وخوت

حطيت يدي علي اسامة

اني: اسامة نوض عيط ياسين مات راهو اسامة وخيي نوض

شبحت الي سامر

اني: سامر نوض اسامة يبي من يسنده بعد موت ياسين

حطيت ايديا علي وجهي وبعياط

اني: اعلااااااااااش امشيتو مع بعض اعلااااااااش اااااه ياربي نار نوضو باللهي اعليكم نوضو وقولو مقلب وكذب باللهي اعليكم اااااااااه ياربي

فاتح وقفني دخلني داخل وجت اسعاف خدت اسامة وياسين ومشت

اني خشيت كعمزت في الدروج وحاطه ايديا علي راسي

فاتح امشي وجي كعمز جنبي مدلي اميه

اني دفيت يده

فاتح: اشربي اميه واغسلي وجهك

اني هزيت براسي لا

جي عادل درس سيارته ونزل يجري

عادل: شني صار فهموني

فاتح حكاله

عادل شد ايديا: وداد انتي كويسة

اني هزيت براسي لا

عادل: نوضي معاي هي

اني وقفت ركبني عادل السيارة وطلع بيها وفاتح ركب سيارتي وطلع ورانا

اني نتفرج من الروشن ومصدومة

شرين تلفوني

عادل: وداد تلفونك

اني نتفرج وساكتة

عادل اخدي تلفوني من جيبي ورد

عادل: الو

فهد 3: الو من معاي

عادل: اني عادل

فهد3: وين وداد

عادل: مش فاضية

فهد3: تمام امنين تفضى قولها اتكلمني

عادل: تمام

وصلنا للحوش لقيت علاء واقف هوا وائل

عادل جي فتحلي الباب ونزلني