اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة الخامسة عشر " ابن الجيران 👫♥️💙 " سبحان الله بحمده سبحان الله العظيم الله اكبر الله اكبر لا اله الا الله استغفر الله العظيم الحمد الله🖤 __________________________________________________ 1⃣5⃣ ♥️♣️
زياد : اول مرة اخد بالي ان عنيكي حلوة اوي كدا 🖤 فيروز بكسوف : هاا ..شكرا ااا انا هغسل ايدي والم الازاز " يقومها ويقرب علي الحوض ويفتح الماية ويحط ايديها تحتها " زياد ببتسامة : الازاز حد هيلمه كفاية عليكي كدا " تبصله بكسوف ، يجيب لزق ويلزقلها ايديها " زياد : اطلعي وانا هخلي حد يلم الازاز ويجيب العصير " تبصله بكسوف وتحرك دماغها بماشي وتخرج وشوية ويخرج وراها " ذمرد : اي يابنتي اتاخرتوا ليه " يضحك زياد بخبث وهي وشها محمر " زياد : مفيش كنا بنعمل العصير "تبصله بكسوف ومتتكلمش ، يعدي الوقت و يخلص اليوم محصلش حاجة جديدة ، تاني يوم ،تصحا ملك وتاخد شاور وتغير هدومها وتخرج تلاقي سلمي قاعدة برة " ملك : صباح الخير يا سوسو عاملة اي انهاردة سلمي : الحمد الله يا حبيبتي طول ما انا شيفاكي كويسة انا كويسة 💙 ملك ببتسامة : اي الحب ده كله ... ربنا يخليكي ليا يا سوسو 💙 سلمي : ويخليكي ليا ❤ " الباب يخبط " سلمي : ده تلاقيه علي " تقوم تفتح ويدخل علي " علي : صباح الخير يا سوسو وحشتيني من امبارح للنهاردة 🌚 ملك بعدم فهم : هاا ؟؟؟ سلمي ببتسامة : يخليك ليا يا لولي 💙 " تضحك ملك جامد " علي : بقا انا اقولك وحشتيني تقوليلي يا لولي وتضحكي عليا الكوساية الي قاعدة دي ملك : مابلاش انت يا لولي 😂😂 سلمي : اخرسي يا بنت ملك : مش كنت من شوية انا كويسة طول ما انتي كويسة ووشك بيطلع قلوب وفراشات .. ياااه علي البني ادم ياااه 😏 سلمي : يلا يا حبيبي اقعد افطر علي : لا تسلمي فطرت خلصتي يا ملك ملك : اه يلا مليش نفس اصلا " تقوم وتاخد شنطتها وتقرب عليهم تبصلها سلمي بحب وخوف وتحضنها " سلمي : ربنا يحميكي ليا وميوجعش قلبي عليكي ابدا ❤ .... خلي بالك منها يا علي علي : في عنيا يا سوسو متقلقيش " ينزلوا وتركب وراه ، بعد شوية يوصلوا الجامعة ويدخلوا ويقابلوا مازن وليلي " ملك : صباح الخير يا شباب " اول ما تشوفها ليلي تحضنها وتعيط تفهم ان علي حكالهم " ليلي : كدا يا ملك تخبي عليا المدة دي كلها ملك : محبتش اضايقكوا معايا والله مازن : انتي ناسية احنا صحاب من امتي يا ملك تستحملي حاجة زي دي لوحدك ازاي ده حتي علي عرف بالصدفة ملك : حقكوا عليا .. بس والله انا كان كل هدفي اني مشيلش حد فيكوا همي ... انا اسفة ليلي : وهتعمليها امتي علي : انهاردة هناخد اذن من الجامعة و بكرة هتعملها " تحس بخوف بس متبينش وتحاول تغير الموضوع " ملك : ما تغيروا الموضوع بقا .. انا هدخل انا وعلي شؤن الطلبة وهنرجع ... يلا " يقوموا " علي : مش هنحضر انهاردة حاجة ... هنخرج ملك ببتسامة : خايف لتكون اخر خروجة لينا ولا اي علي بغضب : ملك متستهبليش ... قولتلك متجبيش السيرة دي تاني ... العملية هتعدي ... انا وعدتك " تبتسمله وتلف وشها الناحية التانية وهو يبصلها بخوف وحزن " علي لنفسه : يارب ما تحرمني من الابتسامة دي 💔🤦 " يدخلوا ويخلصوا ، عند جاسر قاعد ف الكافيه وشايفها مع علي وهما داخلين لشؤن الطلبة يتعصب ويقوم من مكانه يلاقي ذمرد داخلة الجامعة معاها زياد يبصلها بصدمة ، عند ذمرد " ذمرد : انت مالك متقمص الدور كدا ليه سيب ايدي يا عم زياد : انا جاي هنا امثل ولازم اتقن الدور مثلي وانتي ساكتة 😂 ذمرد : ده قدام جاسر بس ... ياريته يحس بس زياد ببتسامة: متقلقيش انا ممثل شاطر 😌😂 " يروح جاسر يقعد مع صحابه وهو مخنوق " محمد " صاحبه ¹ " : مالك ياض خالد " صاحبه ² " : ده دخل بنفخة بينت هو واكل اي امبارح 😂 جاسر : هقوم واسيبكوا انتوا الاتنين اتلموا هي مش نقصاكوا محمد : ايوة مالك يعني 🙄 جاسر : هو مين الي مع ذمرد ده خالد : وانت مالك ياعم هو مش انت مبتحبهاش جاسر : يابني انت اتجننت احب اي ... يعني مستغرب .. اول مرة يجي معاها واول مرة تكلم حد ف الجامعة غير صحابها محمد : وده ملفتش نظرك لحاجة ؟! خالد : لا ده طه حسين متخدش فبالك جاسر : يا خفة انت وهو ما انا عارف انها بتحبني ... انا قايم " يقوم ، عند ملك وعلي يخلصوا ويخرجوا برة الجامعة " ملك : ها بقا هنخرج فين علي : هنروح مكان بتحبيه اوي 💙... اركبي " تركب ويطلع علي عنوانهم " ملك : اي ده انت هتخرجني فوق السطح !! علي : لو اطول ارميكي منه كنت عملتها انزلي ملك : يا سلام واي الي مانعك علي : قلبي ابن كلب مهزق وبيحبك 😂😂😂❤ ملك بغرور : ايوة انا اتحب فعلا 😌❤ " يركب العربية بتاعة ابوه وتركب جنبه ، بعد شوية " ملك : يابني لو هتخطفني قولي اطمن اهلي عليا طيب علي : وانا ناقص بلاوي يا حبيبتي ملك : طب احنا رايحين علي فين طيب علي : اسكندرية 🌚💙🌊 ملك بفرحة : قول والمصحف علي : والمصحف 😂 ملك : بس هنعمل اي هناك ؟ علي : هنقضي اليوم هناك انهاردة ... كا تعويض عن سفرية اسكندرية الي باظت ملك بحب : علي علي يبصلها بهتمام : نعم ملك ببتسامة : بحبك ❤ علي يبصلها بحب وهبل : يالهوي عليا وعلي سنيني السودة يا جدعان يا ملك انا سايق يا ملك حرام عليكي❤ ملك بضحك : بص قدامك لنتقلب يا حبيبي بص😂❤ " عند سلمي ، مريم قاعدة جنبها ف شقتها " سلمي : كلمتني قالتلي انها خلصت اذن الجامعة .. وعلي متفق معايا من امبارح انهم هيقضوا اليوم برة مريم : ده كويس عشان نفسيتها تبقا كويسة قبل ما تدخل العملية سلمي تعيط : يوسف هيعملها العملية بكرة يا مريم ... سليم مرضاش يقولي حاجة بس انا كلمت مدحت .. وقالي ان نسبة نجاحها قليلة جدا عشان وجوده ف المكان ده خلاه ميقلش خطورة عن ورم السرطان مريم : احمدي ربنا انه مش سرطان يا سلمي ... باذن الله هتقوم منها متخافيش ربنا عارف ملك عندنا كلنا اي .. واحنا معملناش حاجة وحشة في حد عشان ربنا يوجع قلبنا عليها ... خليكي واثقة فربنا ... يلا قومي اتوضي وصلي وادعيلها ربنا يقومهالنا بالسلامة سلمي : عارفة يا مريم ... انا لو العمر رجع بيا لورا كنت بردو هختار انك تبقي ساكنة قصادي ..... انا لو كان ربنا رزقني باخت مكنتش هحبها قد ما بحبك ❤ مريم : عندك حق ... مش ديما الاخوات بيحبوا بعض ... عارفة كارما بنت اخويا كانت جاية مصر ليه ... كان اخويا باعتها عشان توقع علي ويتجوزوا عشان المستشفي ... شوفتي بقا ان ربنا رزقني بيكي عشان شايفك احن عليا من اخويا الي من دمي ...ربنا يخليكي ليا وميحرمنيش منك ابدا ❤ويحميلنا ملك ويخليها وسطينا طول العمر ... ملك وعلي دول الي هيكملوا عمرنا بعد ما نفارق الدنيا ❤ " يحضنوا بعض "
