العنود وعزة نفسي

البارت 13 العنود وعزة النفس

العنود وعزة نفسها
قصة حقيقية
لا شيء يستحق أن تقلق من أجله لاشيء يستحق أن تخفي ابتسامتك خوفاً عليه حتى لاماني ألله زرعها في قلبك ألله ان أراد نزعها والله أن أراد حققها وأفرح قلبك بها

العنود وعزة نفسها
♧ألكأتب_ابن _الشيخ
العنود وعزة نفسها
بارت ١٣
صباح الخير نكمل القصة
وبعد ما مروان كلي لمي هدوج راح اوديج لهلج اني طلعت ورحت الم هدومي وبهذة الوقت مروان جان يحجي علة اختة شلون هيج كامت تغلط علية ورزلها امة هنا كالتلة فرح ماترجع البيت اله تعتذر مني ومن بنتي كلهن فوك ما انتن غلطتن بحقها تردنها  هية تعتذر كالتة هذة الموجود عندي جا علية مروان وكلي يابنت الناس انزلي عتذري من امي واختي وخلي تخلص هاي المشكلة  كتلة لو يبقى يوم بعمري هلشي ماسوي واختك ماخلت شي ما كالتة بحقي وتريد ارجع اني اعتذر منها لا والله ابد امشي وديني لهلي جريت الجنطة مال الهدوم وطلعت من الغرفة لحكني مروان لزمني من ايدي وكلي فرح خلي حياتنا تمشي وامشي عتذري لا تعاندين كتلة ولك اني لهلي منذليت ونزلت راسي واعتذرت من اختك هاي بكد القندرة تريد اعتذر لو يجي الحمزة ماعتذر وجريت نفسي حيل وفلتت ايدي من ايد مروان وجان الدرج وراية واوكع على طول الطرج من اول باية لاخر باية ومروان يعيط فرححح وصلت ليجوة اني تخربطت وماحس نفسي اله بالمستشفى  وبطني توجعني ومروان لازم ايدي ويبجي وامي يم راسي وعمتي شايلة خشمها وكاعدة بعيد  كتلم شكو ليش تبجي مروان  وابني شلونة خما وليش بطني هيج توجعني مروان روح صيح الدكتور بطني توجعني مروان ابني جان عمتي تكلي عيني ابنج وكع يعني انتي هسة مو حامل وعيونها جانت كلها حقد على فرح لان فرحت وكع الطفل رادت هذة الشي من الله يصير اني هنا كمت اعيط واكلة كلة منهن ابني راح واكول لامي يمة ابني راح امي عادي تكلي تحبلين نوب بس اني تهسترت كمت اعيط حيل مروان يهدي بية بس ماسكت نهارت اعصابي جا الدكتور ضربني ابرة هدءت ونمت وثاني يوم طلعت من المستشفى مروان اخذني للبيت ما وداني يم امي  وخلصت سالفة الاعتذار بس اني رجعت كتلهن اني الجن شكلجن متحبن الادميات هذة الحجي بيني وبين نفسي هذة الحجي ومن يومها تغيرت جذرين صرت من يحقرن وياية احقر وياهن يعني من يوصخن البيت بعد مانضف اعوفة وامشي وصرت اذا كالتلي نضفي هذة الشي بعد مايوصخنة اكلهن عدجن ايدين ونضفن اني ما شتغل خدامة عدجن   وبعدها بلشن يحركن مروان علية  واخر المطاف كالن لمروان فرح مرتك عدها علاقة وية واحد سمعناها تحجي وياه 😱
جا مروان سحب التلفون مني وبلش يفتش بي وكلي وين المحادثة وين الي خنتيني وياه وين الي دتحجين وياه احجي منو هذة كتلة مروان شبيك ترة اني فرح مو حيل الله بنت مثل باقي البنات كلي اشش انتي ترحين فدوة لباقي البنات هنة اشرف منج ياساقطة هنا كتلة مروان طلكني اني بعد ماصيرلك مرة وروح خلي امك واختك يفدنك وعساهن بحضهن   وبختهن ماكول غير شي...
وفعلا صار طلاق بينة وانته زواجي وهوة راح بطريقة واني بطريقي ورة فترة رجع مروان يتصل بية ويعتذر مني وكالي هسة عرفت امي واختي ضحكن علية واني مثل الاثول صدقتهم طلع بالصدفة سامع اختة وامة يحجن بينهن شلون كالن علية عندي علاقة وية واحد وطلب ارجعة بس اني ماقبلت كتلة هلمرة صارت وراح تصير بعد الحياة وياك مابيها مستقبل مدام انت مع اهلك عايش اطبع بيت وحد وارجع الك وهذة قراري حتة ماضلمك ولا اضلم نفسي وياك كلي يبنت الناس تعرفين اني على كد حالي وماكدر افتح بيت بعيد عن اهلي كتلة خلص لعد اني مارجع  الك واحسلك انساني وخلصت زواجي الاول انتهى وقصتي بقة بيها بارت واحد اخير .
ألكاتب ابن الشيخ