العنود وعزة نفسي

الحادي عشر

العنود وعزة نفسها
قصة حقيقية
لا شيء يستحق أن تقلق من أجله لاشيء يستحق أن تخفي ابتسامتك خوفاً عليه حتى لاماني ألله زرعها في قلبك ألله ان أراد نزعها والله أن أراد حققها وأفرح قلبك بها

العنود وعزة نفسها
العنود وعزة نفسها
ألكأتب أبن ألشيخ
بارت ١١
هلوو حبايب مساء الخير  نرجع نكمل قصتنا

مثل ماكتلكم بعد ماشهد تزوجت بلشت قصة جديدة وهية زوجها بس قبلها نسيت اكلكم من رجعت من لبنان تمرضت حيل وصرت اكوم امشي وبدون سبب اتخربط واوكع بلكاع ودوني دكتور وطلب اسوي مفراس لراسي لان جان المشكلة براسي فطلعت عندي مشكلة من كتلكم اخوية ضربني بقوة على راسي طلع صاير عندي نزيف داخلي ولان ماحسيت علية تحول إلى  ورم بس حميد مو خبيث الورم وبين عندي لان سافرت بطيارة وبلجو صار ضغط على راسي وتسبب بهيج حالة والله بعدها اخذت موعد وسويت عملية لراسي وصرت زينة الحمد لله   بعد الم كلش جبير
هسة نرجع لزوج شهد بداية الموضوع جان مايطيقني  واني هم نفس الشي بس من كام يروح ويجي علينة  ويحجي وياية تغيرت نضراتة علية وكام وين اروح واجي يباوع علية يوم من الايام اني دسوي اكل بلمطبخ وهمة جوي دخلو من المطبخ شهد اختي سلمت علية ومشت وهوة ضل واكف من شهد صارت بعيدة جا هوة تقرب علية وضربني👋على خلفيتي وكال اااووفف الله اني فزيت من مكاني كتلة هاي شبيك كلي اويلي اني جنت اعمة وماشفت هذة الجمال كلة شلون اخذت ختج اني صدك اثول بعدني ماحجيت دخلت شهد صاحت علية وراحو على امي مواصفات نسيبنا  كصير وسمين شوية وابيض وعيون سود اسمه مروان  المهم اني ضليت طول اليوم افكر بلي سواه وافكر بكلامة وحايرة اكول لشهد لو لا ومرت الايام ومروان ضل كل مرة يسمعني هيج كلام غزل بدون علم احد واني اخاف احجي لا اخرب بيت شهد وهية جانت كلش تحبة واني صراحة احبها وماريد الاذية الها  ومرة جوي هية وياه وجانو اهلي طالعين وبس اني بلبيت ودخلو وكعدو وكتها شهد جانت تريد تروح للصيدلية عساس هوة يروح وياها بس من شاف بس اني بلبيت كلها روحي انتي واني راح ابقة يم فرح شهد راحت اني هنا نشف دمي وخفت لان بقيت بس اني وياه بلبيت شراح اسوي وفعلا شهد طلعت وجان يكوم مروان ويهجم علية مثل جلب  وكام يبوس بية وهوة نايم علية وخانكني وبهاي الحضة اني دفرتة حيل برجلي وكتها جتي الضربة على ........  ونهزمت للمطبخ جريت سجين وهوة نام بلكاع من ورة ضربتي لان كلش تاذة كلي بس كوميني مابية اكوم كتلة لو تموت واذا عدت هذة الشي مرة ثانية اكول لهلي والي يصير خلي يصير كالي بعد ماسوي هذة الشي اله برضاتج كتلة تحلم تلمسني  اروح للملهة واخلي وين ماكو كواد ينام وياية بس انت لا كال اني اولة انام وياج اني قريب عليج كتلة لو تموت الي بالك مايصير يا نكس يا عار بهاي الاثناء جتي شهد وشافتة ديون من الوجع كالتلة شبيك كلها وكعت توني بلحمام ومشة الامر عادي واني صرت نار بس سيطرت على اعصابي وماحجيت خوفآ على شهد وراها جوي اهلي من طلعتهم وراحو شهد ومروان
ومرت الايام ومروان يتصل بية ويتغزل بية وكل ماحضرة من رقم يشتري رقم جديد اخر شي اني مليت وعفت التلفون بعد ماشلتة من ورة مروان وبهذة الوقت اني دوامي مستمر مال الكلية ومن صرت مرحلة ٤ كلية شافني استاذ جامعي جان معيد بالكلية  وكلش نعجب بية وبلفصل الثاني وقبل نهاية السنة صاحلي الاستاذ وصارحني وكلي اني من اول السنة شفتج ونعجبت بيج وتابعتج ولكيت ماعندج حبيب وقررت اجي اخطبج اني خجلت ونزلت راسي  كلي راح اجي سبوع الجاي لبيتكم  وعافني وراح اني كلش حبيت هلشي وكنت كلش فرحانة ورجعت للبيت واني دنشي بالطريق  سمعت احد صاح علية ومن لتفت لكيتة هذة سيف تذكرون سيف مو الحبيب الاول الي حرمتني منة شهد بس ماتتخيلون من شفتة واني بنفس الوقت فرحانة بهذة الاستاذ الي تقدملي وضليت ماعرف شحجي هنا سيف كلي رجعتلج عمري وجايب امي وياية وراح اخطبج واني جنت انتضر شهد تزوج حتة ارجعلج ياعمري انتي اني حالتي جانت مثل هذة السمايل👈😱😱😱
انتظروني بارت ١٢