العنود وعزة نفسي

البارت الثالث العنود وعزة نفسي

العنود وعزة نفسها
قصة حقيقية
بقلمي ألكأتب ابن ألشيخ
لا شيء يستحق أن تقلق من أجله لاشيء يستحق أن تخفي ابتسامتك خوفاً عليه حتى لاماني ألله زرعها في قلبك ألله ان أراد نزعها والله أن أراد حققها وأفرح قلبك بها

العنود وعزة نفسها

العنود وعزة نفسها
البارت الثالث 

ورة ما زمن زوجة اسد اخوية حجت هيج وقلبت كل الكلام الي صار طبعا هنا بين كيد النساء مثل ماكتلكم بلبارت الاول انو اني اهلي مايحبوني ومامهتمين بية واي كلام يسمعو عني يصدكو محد جان يوكف وياية غير اخوية فهد هذة كلش يفهمني ويعرف اني شنو لان ترباتة وتعلومة  اخوية اسد كام وضربني راجدي كلش قوي ركعني بلكاع بدون مايسمع مني كلمة وراح جاب الماسحة وضربني بيها بحيث كسرها علية واني ساكتة ماحاولت احجي اي شي لان اعرف محد راح يصدكني بس عيوني جانت تجدح شرار وبس اباوع على زمن شلون تضحك واني دنضرب من اخوية بس وقتها اني دمعة مانزلت مني سيطرت على عيوني وضعفي والمي حتة ماخلي زمن تشتمت بية اكثر تعب اخوية من هلكد ماضربني  وعافني واخذ زمن وراح لغرفتة هنا اني كمت ابجي واكول لامي ليش سكتي ليش مامنعتي ليش خليتي هيج يضربني تكلي وانتي شلون تحجين هيج كلام كتلها تعرفين بية اني مايطلع مني هيج كلام تكلي قابل زمن تجذب تصورو حتة امي صدكت زوجة ابنها وماصدكت بتها  عاد اني كتلها مدام صدكتي زمن وجذبتيني خلص بعد ماحجي شي بس يابة شنكسرت وكتها ام متصدك بتها هذة شي صعب وراها جا فهد من الدوام هوة طالب كلية اني جنت نايمة اختي الصغيرة كالتلة الي صار كلة  فهد تخبل راح ودك الباب على اخوية اسد وزوجتة زمن فتحو الباب كلها نوب اذا تحجين على فرح وتجذبين بهاي الطريقة اطيح حظج وحظ الخلفج  يا ادبسزز عافهم وجا علية كعدني بس وين يلزمني اعيط من الضرب جسمي كلة صار ازرك ضليت سبوع مارايحة مدرسة لان مابية اكوم على حيلي من الوجع عاد فهد سودة علية ضل يواسي بية حتة انسة الي صار بس اني حساسة كلش ماتحمل هيج شي وبلاخص اني مالي ذنب  وصرت ضحية لجذب زوجة اخوية
ورة يومين جتي زمن علية واعتذرت مني وتكلي اني متصورت اسد هيج راح يسوي بيج كتلها وشتردين هسة اصفكلج واكلج عفية عليج زين سويتي امشي كومي طلعي من غرفتي ماريد اشوف وجهج هنا كالت فرح اني اسفة والله تندمت كتلها وشيفيد روحي طلعي كامت راحت طلعت من يمي رجعت للدوام فمرة جان دوام ضهري ودمشي بلشارع وجانت حارة الدنيا كلش عز الصيف  فشافني ولد شاب يلعب النفس كصير واسود لحكني وضل يمشي وراية بس ميحجي وصلت يم ابو محل اريد اشتري بطل مي لان متت عطش من الحر  فهذة الولد جا وراية ولزمني من خصري لتفتت علية وبعصبية وجان اضربة بوكس 👊 خطية جا على خشمة ترس اني عفتة ومشيت ضل ابو المحل يضحك علية ورة ٤ ايام واني راجعة من المدرسة شفت اخوية اسد كاعد يم شباب ومن بينهم هذة الي ضربتة بوكس👊 هذة مجان يعرف انو اسد يصير اخوية جان اشوفة اشر علية بيدة وماعرف شحجة اني كيفت كلت كلهم تحارشت بهاي البنية وضربتني وكلت اخوية راح يفرح من يسمع هيج مسوية  طلع كل تفكيري غلط وهذة الشاب حجة غير كلام عني كدام اخوية......

انتظروني بارت٤