شوفوا بارتين في يوم واحد حاسه اني توت توت أنا اشطر كتكوت😂😂😎
ج6(1980)
"1980" جلس سالم يتمتم تلك الكلمات وهو يركب اتوبيس الشعب وهو يمسك بذيل الاتوبيس بعدما وجد صعوبه أو استحاله في الركوب في المقدمه وقف وهو يردد ذاك التاريخ الذي أخبره به "عم ابراهيم" ها هو أنا وقع في عصر اخر ولكنه وحمد لله عصر مقارب لعصره ولو حتي قليلا
سالم: تمام يعني أنا في الثمانينات وبشتغل استغفر الله محصل كهربا والله انا خايف اتنقل تاني ابقي سباك اهو دا الناقص كمان وايه بنطلون رجل الفيل دا هو أنا في التمانيات استني استني كده عشان أنا بخرف أنا فعلا في الثمانينات ورايح شركه الكهرباء اللي أنا اصلا معرفش ازاي اشتغلت فيها دي واللي كلمني وقالي أنه صحبي واسمه فرغلي استغفر الله ايه الاسماء المقرفه دي نفسي في اسم واحد بس عدل يارب واحد بس انا مش طالب غير اني اطلع من الحفره الزمنيه دي ااه كان ذاك صراخه عندما وقع من الاتوبيس بعدما دفعه أحد الركاب
سالم بزعيق: ايه الهمجيه دي انت متخلف فنزل له الرجل والذي كان ضخم بشده واتجه له وهو يمسكه من ملابسه
سالم بخوف: فيه ايه يا باشا أنا كنت بهزر بس نزلني ونبي احسن انا رجلي مش ملامسه الأرض وبرستيجي اتمرمط في ام الرحله دي بلاش تكملهم انت ..لم يستمع الرجل لهرائه سرعان ما لكمه في عينه
سالم بتأوه: اااه مين طفي النور
------------------
في الشركه كان سالم يجلس مع صاحبه أو وعلي ما يظن انه صديقه
سالم: بس يا سيدي ومبعدتش عنه غير والناس بتشيله من عليا قصدي بيشلوني من عليه
فرغلي بسخريه وهو يلمس ورم عينيه: اومال ايه دي جيت تضربهاله جت فيك بالغلط
سالم بغيظ: لا يا سخيف دا وانا قائم هو اداني بونيه كده علي غفله بس مسكلتوش طبعا مسكت فيه طحنته
فرغلي: يا راجل طحنته اومال هدومك متبهدله ومطينه ليه علي ما اظن المفروض هدومه هو اللي يحصل فيها كده
سالم: لا يا بني دي خسائر حرب مش بيقولك كل حرب وليها ضرايبها
فرغلي: لا واضح فعلا سرعان ما جاء عامل الطلبات لهم
سيد: الحق يا استاذ محروس المدير عايزك وشكله علي آخره شوف انت عملت كارثه ايه المرادي
سالم: هو أنا لحقت انيل حاجه دا انا لسه مبعتلوكم طازه من عند حنظله
فرغلي: انت بتقول ايه يا بني ومالك خايف كده ليه مهي كل مره بتهزقك هي حاجه جديده
سالم: لا بس ايه دا استني استني انت بتقول بتهزقني هي ست
فرغلي: انت اتخبلت يا محروس مهي من زمان ست ولا انت كنت شايفاها راجل ولا حاجه
سالم بحسره: مش عارف ليه حاسس بشعور وحش اوي تجاه المدير الانثي دا فقام سالم وهو يتجه نحو غرفه المدير ففتح وجد امرأه تعطي له ظهرها ترتدي فستان ابيض ذا موديل قديم وتصنع شعرها بتسريحه غريبه تشبه كثيرا الساحرات الشريرات وجسدها ممتلئ كالبالون
سالم: لا لا اكيد دي مش كاميليا دي اكيد انها يعني مستحيل ثم قام بالحمحمه بصوت عالي: صباح النور فنظرت له تلك السيده سرعان ما رجع للخلف بزعر: سلام قول من رب رحيم انتي عايزه مين يا ست انتي فاقتربت منه السيده بوجه غريب مكياج غريب تغطي وجهها بالكحل وقالت ببحه ضاحكه ظهرت له مربعه تتناسب مع الموقف: عايزه روحك يا محروس هاهاهاهاها
---------------
اظن مفيش اقفله اوحش من ديه دا بس مجرد شكر جميل علي التفاعل😎😎😎😂😂😂😂♥️
أنت تقرأ
فتاه عبر العصور
Humorانحنت له باحترام وهي تقول: بماذا يأمرني مولاي فرد وعيونه لم تفارق ذاك الخلخال الذي ترتديه في قدمها فاحاب بحماس: ايه دا فنظرت نحو ما يشير بيدها ثم طالعته باحترام: انه خلخال مولاي فقال لها بخبث: طب ما ترقصيلي كده عايزه اشوفه حلو ولا لا فجحظت عينيها ث...
