فتاه عبر العصور

حظك اليوم

ج9(حظك اليوم)

افاق سالم وهو يمسك برأسه من الألم فنظر حوله وجد أنه في كهف غريب ومظلم وينبع منه بعض الضوء عند المخرج

سالم: معقوله اكون انتقلت عصر الكهوف والإنسان البدائي عادي والله انا بقيت اتوقع اي حاجه وكل حاجه يعني فقام ثم اتجه نحو الصخره الكبيره الموجوده أمام فتحه الكهف فنظر وجد نفس الرجل الذي اختطفه

سالم: يا هذا اخرجوني من هنا

الرجل: لا لن تخرج حتي يصل القائد وهو من سيقرر ماذا ستفعل بك ايها الثرثار

سالم: أنا الملك يا رجل كيف تحدثني هكذا حسنا اين قائدكم هذا اريد أن أعرف ماذا يريد مني الان

الرجل: لقد وصل القائد ها هو فوصل أحدهم وهو يغطي وجه بوشاح ولا يظهر سوي عينيه

الرجل: ايها القائد نريد أن نعرف ماذا قررت بشأنه فأشار الرجل له ثم دخل الكهف وخلفه سالم

سالم: بص أو بصي علي حسب نوعك بالظبط أنا عايز امشي من هنا صدقوني أنا مش الملك والنعمه ما هو أنا اسمي سالم النورماندي مؤلف وسينارست جيت هنا بالغلط لا دا مكاني ولا دي حياتي اقسملك بشرفي لا شرف ايه بلاش دا اقسم بالله يا اخي اني مش الملك واني مش من العصر دا

فنظر له القائد باستغراب سرعان ما أزاح الوشاح من علي وجه

سالم بغيظ: طلعتي كاميليا تاني أنا كنت حاسس المشاكل اللي أنا فيها دي من وراكي يا كاميليا الكلب ثم إن ازاي شبيهتك التخينه دي توقعني علي الارض لا وقال ايه تقولي اسمها نسمه يعني كل دي نسمه اومال الاعصار عامل ازاي

الفتاه: شششش بماذا تهذي يا رجل لا افهمك

سالم: لا شئ ماذا تريدين مني ولما احضرتني هنا لا افهمك هل اعرفك

الفتاه: انت لا تعرفني ولكني اعرفك اخوك ست يريد قتلك واليوم كان سيضعك في تابوت ويريمك في النيل

سالم: ييييي معلوماتك قديمه عارف وكمان أوزيس مراتي حبيبتي هتجري ورايا بس هكون مت بقي وبعدين هيقطعوني اتنين وأربعين حته عارف انا كل دا انا عايز اعرف هرجع 2020 ازاي

الفتاه باستغراب: حسنا لا افهمك ولكن انت ستبقي هنا حتي نستطيع أن نتخلص من ست وهذا وفاء لما فعله والدك مع والدي قديما فكادت تخرج حتي امسك سالم يدها

سالم: استني رايحه فين المفروض اقعي وانا الحقك وبعدين اتنيل اتنقل عصر تاني موقعتيش ليه فنظرت له الفتاه باستغراب

سالم بملل: انتي لسه هتبوصلي بغرابه ثم حرك قدمها فوقعت ووقع هو أيضا ثم اااااااااااااااااه كان هذا وللمره التي حقا لا اعرف عددها يقع من فوق كرسي المقهي حتي تمرمغ وجه في تراب الشارع

سالم: ايه الارف دا ما كل مره بقع من علي السرير المرادي اقع من علي كرسي ليه اه يا وشي الوسيم انجرحت واتملت تراب اااه عيني عليك يا سالم مين بس اللي كان باصصلك في حياتك المعفنه يعني مين حسدني يعني ولو حسدني علي ايه لا مال ولا جمال ولا اي حاجه حسدني ليه فنظر حوله لم يجد أحد استغرب اين هو مقهي شعبيه في مكان شعبي أيضا لا يجد أحد ولكن وجد فني صغير يجري سريعا ويحنل في يده عصا اطول منه بامتار فأوقفه سالم سريعا

سالم: انت رايح فين يا حبيبي والناس كلها راحت فين

الطفل بتلعثم: ا...انت ..م م ..متعرفش المع ...معلمه سمر ب تت ..بنتخانق

سالم: ايه انت مشترك في مسابقه جمع تكسب ولا ايه فأمسك الطفل بيده وهو يجره خلفه فوجد الجميع مجتمعين علي شكل حلقه كبيره والجميع يشاهد ما يحدث فحاول أن يري لم يستطع فوجد الفتي بشده من يده ويدخله وسط الحشود حتي وجد فتاه تمسك بأحد السيدات وتمسك الشبشب بيدها الأخري وتضربها به

سالم: البتنت دي عنيفه اوي

فرفعت الفتاه وجهه وهي تقول بصوت عالي: بقي أنا يا ست يا حراميه تكلي عليا حق القهوه ليه حد قالك اني مختومه علي قفايا دا المعلمه سمر يا وليه

فنظر سالم لها وهو يضع يده علي قلبه يشعر أنه سيجلط: لا يارب مش المرادي لا مش هعرف اتصرف معاها دي بتاكل لحم البشر دي لا........
---------------------------

دا بارت امبارح عارفه اني اتأخرت بس اسفه والله ظروف علي العموم في بارت تاني هينزل شويه كده وهينزل معاه كوميك للجميله سلمي مش هعرف امنشن لها عشان مش عندها فيس هي واتباد بس رأيكم♥️