فتاه عبر العصور

خازوق عمري😂

ج2( خازوق عمري)

نظر سالم له بصدمه ثم تطلع للرجل برهبه ودخل للغرفه مره اخري

سالم لنفسه: هو أنا فين هو انا خبط في اله زمنيه ولا ايه احيه يا سالم يا ابن ام سالم احيه أنا كده اتخزوقت خازوق عمري هعمل دلوقتي يعني أنا دلوقتي في رجعت بالزمن طب يا ترا أنا في زمن ايه بالظبط ثم جلس يفكر في حل حتي طرق أحدهم الباب

سالم: ادخل دقائق وطرق الباب مره اخري

سالم وهو يخبط مقدمه رأسه: أنا في زمن مختلف اكيد معندهمش حاجه زي كده ثم قام وفتح الباب فظهر نفس الرجل فقال باحترام: مولاي السلطان جلاله الملكه الام تطلبك للحضور

سالم باستغراب: الملكه الام ومين دي كمان أنا ناقص بلاوي تتحدف عليا أما نشوف مين دي كمان

سالم: حسنا اين هي

الحارس: انها في الحرملك مولاي

سالم بفرحه: يا دين امي يا جدع اخيرا فهمتوا كلامي تطلعوا بيتكلموا لغه عربيه يبقي أنا استبعد المماليك والروم مقدميش غير الفرس والعثمانيين حلو اوي  جو التخمين دا الله يحرقك يا كاميليا الكلب كنتي رايحه توديني غرزه اشرف حمامه عشان الالقي الإلهام اديني طيرت علي العثمانيين اللهي اشوفك حته فحمه محروقه يارب فوقف الحارس يستمع لهرأه وقال: عفوا مولاي لم افهمك

سالم بعد أن تذكر وجود الحارس: لا لا انصرف انت ولا كأني بصرف عفريت ايه الخازوق دا بس يارب الحمدلله أما نروح نشوف ست الحبايب هتبقي مين ثم اتجه ناحيه عنبر كبير أشار له الحارس عليه فدخل سرعان ما سمع صوت بوق عالي( جلاله السلطان مراد الثاني وصل إلي الحرملك) ففزع سالم وهو يقول: الله يخربيتك يا اخي قطعتلي الخلف ثم دخل وهو يري عدد كبير من النساء تصتف جوار بعضها وكلهن جميلات السمراوات والشقروات ومن كل الانواع 

سالم بانبهار: يا حلاوه يا ولاد هو أنا رجعت بالزمن في بيت دعاره ولا ايه ايه كميه النسوان دي ليلتك فل يا ببلاوي فأقتربت منه أحد الفتيات بغنج وهي تضع يدها علي كتفه الضخم: مولاي السلطان أنرت بطلتك الحرملك ومن به

سالم: استغفر الله العظيم طب اغرغر بيها دي ولا ايه بس دي ياربي فأمسك يدها وازاحها من علي كتفه ثم بقي يتطلع للجميع حتي وجد فتاه منكمشه في نفسها تجلس بعيدا متخفيه لم يستطيع تحديد ملامحها كاد يذهب لها حتي سمع صوت المنادي الملكي ( الملكه الام ركسلانا وصلت الحرملك)

سالم: روكسلانا أنا امي اسمها روكسلانا امي دي ولا نوع صابون فنظر لمن يدخل فوجد امرأه جميله جدا لا يظهر عليها ملامح الكبر مستحيل أن تكون امه!!

سالم: دي امي طب ازاي طب بقي دي ام الشحط دا كله ازاي فاتجهت روكسلانا له

سالم: يالهوي دي جايه عليا يارب صبرني دي في مقام امي لا امي ايه دي في مقام اختي

روكسلانا برقه: مراد كيف حالك بني

سالم: احم انا بخير امي ثم اكمل بهمس: بس لو تمشي هيبقي احسن يارب

روكسلانا: لقد طلبتك اليوم يا بني لاخبرك بأني سأسافر في رحله لمده خمسه اشهر رحله حول حدود البلاد

سالم: ياه هي الدعوه لحقت تستجاب ولا ايه

روكسلانا: ماذا تقول

سالم: لا لا شئ حسنا امي رافقتك السلامه

روكسلانا: حسنا ولكن بني اريد منك قبل أن آذهب أن تتزوج اريد أن أحمل حفيدي أنا لا اضمن كم سأعيش بعد حتي تري اولادك

سالم بهمس لنفسه: انتي مش ضامنه دا انتي اصغر مني انا اللي مش ضامن اعيش لحد ما اخلف اصلا ثم قال لها: حسنا امي فلتعودي اولا ونتناقش بعدها

روكسلانا: لا ليس ككل مره لقد أحضرت لك زفاف من ابنه الملك زوغوا

سالم بضحك: اسم الملك زوغوا  علي كده بنته اسمها ايه هههه ودل زوغوا راحوا فين

روكسلانا: ماذا تهذي انت أنا لا افهم شئ

سالم: لا تشغلي بالك أنا ساتصرف في شأن زوغوا ذاك  اسمه زوغوا من قله الاسماء

فخرج وتناسي أمر تلك الفتاه نهائيا
---------------

في غرفه سالم أو السلطان مراد ايهما اقرب😅

امسك سالم بورقه وبعض الحبر والريشه وجلس يكتب بعض الأشياء

سالم وهو ينهي ما يفعله: كده تمام دي علي الاقل معظم الذنوب اللي عملتها في حياتي انا اقرأهم واشوف انهي زفت خلاني اتعاقب ويتخلص مني الذنب بالطريقه دي احم اولا وانا طفل كنت يسرق سندوتشات صحابي واوقعهم في بعض لا دا غلط مظنش أن الحركه تتخلص مني بالمخروبه اللي أنا فيها دي ثانيا كدبت علي ابويا اني في هندسه وانا اصلا كنت ادبي لا برضوا يعني دي كدبه بيضه ليس الا دي برضوا غلط طيب امي لما عملت صينيه البطاطس بالفراخ وانا تكلفتها ولبستها في البت حنان لا دي آخرها اتعاقب مثلا اني مكلش لمده اسبوع بس متنفيش النفيه السوده دي ثم اسمك الورقه وهو يقطعا لفتات

سالم: لا مهو كده مش هينفع لازم اتنيل الاقي حل الكارثه دي احسن خمس شهور وهلاقي نفسي متستت ومتجوز بنت زوغوا دا فطرق أحدهم الباب مره اخري

سالم: هو شكله يوم اسود حقيقي تفضل فدخل عليه حارس آخر وهو ينظر له بأدب: الطعام جاهز مولاي هل أحضره لك هناك ام ستأكله في غرفه الطعام

سالم: لا أحضره هنا فخرج ثم دخلت فتاه مغطاه الرأس ومعها سيده كبيره تحمل الطعام وضعته أمامه ثم خرجت فنظر سالم لطعام بنهم: اهي دي الحاجه الوحيده اللي هستفيدها من ام النفيه السوده دي ثم رفع رأسه وجد الفتاه تقف وتنظر للارض ومازال الغطاء يخفي ملامحها

سالم: ماذا تفعلين لقد خرجت السيده

فتحدث الفتاه: لا يا مولاي أنا جاريتك الجديده

سالم: جاريه ايه بس هي ناقصه ومالها دي متكفنه كده ليه ثم تحدث بصوت عالي: حسنا أزيلي ذاك الوشاح من على وجهك فأسرعت برفعه سرعان ما جحظت عينا سالم وهو يسهل بشده وهو يشرب ثم قام سريعا وهو يقول بصدمه: كاميليا....
----------------------