ج10 والاخييير( فتاه عبر العصور)
نظر سالم لسمر وهو علي وشك البكاء كيف سيتصرف الان مع تلك الكارثه المتنقلة
سمر للجميع: خلاص يا رجاله أنا اتصرفت مع الوليه الارشانه دي نردهالكم في الأفراح يلا كل واحد علي شغله وانتوا يا نسوان شيلوا الوليه دي من وشي السعادي بينما غادر الجميع وقف الطفل زلطه بجوار سمر وإمامهم سالم
سمر وهي تنظر لسالم بتمعن: ولا يا زلطه اطلع هات حله المحشي من ام سماح علي ما نشوف الضيوف فصعد الطفل بينما أعطت سمر لسالم ظهرها وتشير له بأصبعها أن يتبعها حتي دخلا الي القهوه وجلسا علي الكرسي
سمر: الا هو الاخ مش من هنا
سالم بضحك: لا أنا مش من هنا من هناك
سمر: لا ودمك خفيف كمان
سالم: الله يخليكي والله شكلك احسن شبيهه من الشخصيات الزباله اللي قابلتها
سمر: انت منين يلا
سالم: شكلك ازبل شبيهه من الشخصيات اللي قابلتها
سمر: بتقول ايه
سالم: ولا حاجه يا انسه
سمر: ها انسه لا أنا هنا الكل بيقولي يا معلمه سمر انسه مين يا عنيا بردوا مقولتليش انت مين وعايز ايه من هنا
سالم: يعني لو حكتلك هتصدقيني
سمر: ومصدقكش ليه الدار امان قول فقص لها سالم قصته منذ مقابله كاميليا
سالم: بس لحد ما انا قاعد معاكي اهو
فنظرت له سمر كأنه برأسين سرعان ما صرخت بصوت عالي: فين حله المحشي يلا يا زلطه يااه وانت يباشا انت عايز تفهمني انك سافرت بالزمن لاجدادنا الفراعنة رحمهم الله العصر العثماني والأتراك لعنهم الله لجمالهم الفاحش اللي مخلي ستات مصر بيطلقوا دول بسبب أنهم بيتجوزوا عبده بواسير وبيبقوا متوقعين أنه هيبقي مهند وبعدها سافرت لقريش ايام رعي الغنم وبعدها رحت فين قلت
سالم: عند أوزيس واوزاريس
سمر: اه صح ولا يا فحمه هات ياض مفتاح الانبوبه عشان ناويه افتح دماغ حد انت بتسرح بيا يالا ولا ايه حنظله مين دا اللي قابلته
سالم بخوف: اهدي بس مش قولتلك مش هتصدقيني بس والله اللي حصل
سمر بتفكير: صراحه لولا أن كلامك اهبل بس شايفه الصدق في عينيك بس خليني ماشيه ورا الكداب لحد باب الدار بما انك من المستقبل قولي حله المحشي اللي هيجبها الوله زلطه ورق عنب ولا كرنب
سالم : الله يخربيت الغباء يا شيخه هتوقع ايه من واحده فاتحه قهوه
سمر: مالهم اللي فاتحين قهاوي يا خويا
سالم: ملهمش اقعدي وانتي ساكته بقي فضحتينا
سمر: طب خلاص بلاش حله المحشي خد اقرالي الكف
أنت تقرأ
فتاه عبر العصور
Comédieانحنت له باحترام وهي تقول: بماذا يأمرني مولاي فرد وعيونه لم تفارق ذاك الخلخال الذي ترتديه في قدمها فاحاب بحماس: ايه دا فنظرت نحو ما يشير بيدها ثم طالعته باحترام: انه خلخال مولاي فقال لها بخبث: طب ما ترقصيلي كده عايزه اشوفه حلو ولا لا فجحظت عينيها ث...
