^الفصل الخامس والاخير^
...........................
نظر الجميع الي اميره التي استدارت ببطء شديد .. نظرت الي الممرضه وهي تشير علي نفسها .. تحدثت الممرضه بصرامه : المريض بينده اسمك كتير .. تعالي معايا غرف التعقيم عشان تدخليله هي خمس دقايق مش اكتر!
تحدثت ماسه بتوتر : رحيم صار منيح؟؟
الممرضه بهدوء : والله هو لسه فايق ومبينطقش غير اسمها فـ لسه هنشوف !
نظرت اميره الي طارق بتوتر من تلك الخطوه .. ولكنه اغمض عينيه علامه علي موافقته .. نظرت الي الممرضه من جديد وهي تحرك رأٍها وتسير معها الي غرفه التعقيم .. عادت بعد دقائق وهي ترتدي الزي المناسب للغرفه ثم دلفت الي الداخل بعدما نبهت عليها الممرضه بأن لا تزيد عن خمس دقائق وان لا تتعبه في الحديث ...
اخذت تنظر الي ذلك الي ينظر الي الباب بوهن .. اقتربت منه بخطوات مرتجفه وهي تنظر اليه وتمنع دموعها بقوه من الهبوط ..لاحظت تلك الابتسامه التي ارتسمت علي محياه عند رؤيته لها وهتف بأٍمها بنبره بالكاد سمعتها : اميره !
وقفت فوق رأسه وقد أخذت دموعها تتساقط ببطء شديد وهي تشاهد تلك الاسلام المتصله به ونبضات قلبه التي تستمع اليها .. تحدث بصوت ضعيف نادم : انا اسف يا اميره!
بكت اكثر من جملته تلك وهي تنظر اليه .. تحدث من جديد بحزن : شوفتي ربنا عملك فيا ايه؟؟ عارف ان مينفعش اطلب منك تسامحيني بس اسمعيني .. اميره انا كل اللي عملته ده عشان ...
قاطعته باقتضاب وهي تتحدث : انت تعبان متتكلمش معتقدش ان دي حاجه تتكلم فيها اصلا!
اصدر صوتا خافتا يدل علي رفضه قبل ان يكمل حديثه من جديد : لا يا اميره .. سبيني اتكلم .. مش عارف ممكن يكون مصيري ايه بعد شويه .. سبيني اتكلم لو سمحتي !
نظرت اليه بألم من حديثه ترغب ان تنهره بشده علي ما يتفوه به ولكنها عوضا عن ذلك ابعدت انظارها عنه .. تحدث بنبره اسفه متألمه : انا اسف يا اميره .. عارف ان اسفي عمره ما هيعمل حاجه بس هرجع اقولك انا اسف .. اسف علي كل التعب النفسي قبل الجسدي اللي انا سببته ليكي .. عاملتك اسوأ معامله ومش هقولك بطلب من امك لأن ده مش مبرر .. بس انا بحبك حب امتلاك يا اميره وبعترف بـ ده .. امك مكنتش عايزاني زوج ليكي عشان عندي القلب .. ولأنها عارفه انك بتحبيني طلبت مني اكرهك فيا عشان تتجوزي غيري .. بس فكرة انك تكوني لحد غيري مقبلتهاش يا اميره !
نظرت اليه بترقب لـ حديثه وهي تنصت اليه جيدا : انا كنت بقسي عليكي لهدف واحد يا اميره .. وهو انك مترتبطيش بحد غيري لو سبتك .. مكنتش عايز حد يشاركني فيكي حتي بعد ما اموت عشان كده انا كنت بقسي عليكي .. عشان تكرهي الرجاله كلهم .. عشان لما امك تقولك جواز تقوليلها لا .. تخافي ان اي حد منهم يبقي شبه رحيم ويعذبك .. ايوه ده تلاعب بيكي واستغلال لـ نفستك كبير جدا .. بس انا مش عايز حد يكون له حقوق عليكي غيري .. عملت كل ده عشان بحبك يا اميره .. والله العظيم عشان بحبك ومش عايزك تكوني لغيري .. سامحيني !
