ﺻﺎﻓﻦ ﻭﻭﺑﺎﻟﻲ ﺷﻮﻕ ﻭﺣﺠﻲ ﻭﺑﺒﺎﻟﻲ ﻫﻢ ﻫﻴﺞ ﻳﺪﻙ ﺑﺼﺪﺭﻱ ﻭﻳﻦ ﺟﻨﺖ ﺣﺮﺏ ﻭﻭﻳﻦ ﺻﺮﺕ
ﻛﻠﺸﻲ ﺟﻨﺖ ﻧﺎﻭﻱ ﻣﺎﺻﺎﺭ ﺟﺎ ﺷﻜﺪ ﺣﻈﻚ ﺭﺩﻱ ﻳﺤﻮﻳﺮﺏ
ﻳﺤﻮﻳﺮﺏ ﻫﻬﻪ ﺍﻻﺳﻢ ﺍﻟﻲ ﺟﺎﻥ ﻳﺤﺠﻲ ﺍﻟﻲ ﻋﺒﺎﺱ ﺻﺎﺣﺒﻲ ﻣﻦ ﺟﻨﻪ ﻧﺘﺠﻤﻊ ﺍﻧﻪ ﻭﺍﻟﺸﺒﺎﺏ ﻭﺻﺤﺒﺎﻧﻲ ﺑﺎﻟﻤﻨﻄﻘﻪ
ﺍﻧﺎ ﺣﺮﺏ ﺍﺑﻦ ﺳﻌﻴﺪ ﻭﺍﺑﻦ ﺑﺪﻭﻳﻪ ﻟﻲ ﺭﺑﺘﻨﻲ ﻣﺮﻩ ﻣﻌﺪﻟﻪ ﺍﻧﺎ ﺍﻓﺘﺨﺮ ﻟﻮ ﺻﺎﺣﻮﻟﻲ ﺍﺑﻦ ﺑﺪﻭﻳﻪ ﻭﺍﻟﺴﺒﻊ ﺗﻨﻌﺎﻡ ﻣﻨﻬﺎ ﺍﺑﻮﻱ ﺍﺳﺘﺸﻬﺪ
ﺑﺤﺮﺏ ﺍﻳﺮﺍﻥ ﻫﻮ ﻭﺳﺒﻌﻪ ﻣﻦ ﺻﺤﺒﺎﻧﻪ ﻋﺸﺖ ﺣﻴﺎﺗﻲ ﻣﻦ ﺍﻭﻝ ﻣﺎﻧﻮﻟﺪﺕ ﻛﻠﻬﺎ ﻇﻴﻢ ﻭﻗﻬﺮ ﻭﺣﺮﻣﺎﻥ ﺍﺑﻮﻱ ﺟﺎﻥ ﻳﺪﺍﻭﻡ ﺑﺎﻟﺠﻴﺶ ﺑﺬﺍﻙ ﺍﻟﻮﻛﺖ
ﻭﻣﻌﺮﻭﻑ ﻭﺍﻟﻪ ﺳﻤﻌﺘﻪ ﺳﻤﺘﻨﻲ ﺣﺮﺏ ﻻﻥ ﺍﻧﻮﻟﺪﺕ ﺑﻨﺺ ﺍﻟﺤﺮﺏ 1986 ﻣﺎﻣﻠﺤﻚ ﻋﻠﻰ ﺍﺑﻮﻱ ﻭﻻ ﺷﺎﻳﻔﻪ ﺑﺲ ﺍﻟﻨﺎﺱ ﻛﻠﻬﺎ ﺗﻤﺪﺡ ﺑﻲ ﺭﺑﺘﻨﻪ
ﺍﻣﻲ ﻭﺩﺍﺭﺗﻨﻪ ﺍﺣﻨﻪ 2 ﻭﻟﺪ ﻭ 3 ﺑﻨﺎﺕ ﺍﻧﻪ ﻣﻦ ﺍﻧﺎ ﻋﻤﺮﻱ 7 ﺳﻨﻴﻦ ﺑﻮﻛﺖ ﺍﻟﺠﻬﺎﻝ ﻳﻠﻌﺒﻮﻥ ﻭﻳﺘﻮﻧﺴﻮﻥ ﺍﻧﺎ ﺟﻨﺖ ﺍﺷﻴﻞ ﺣﻤﻞ ﻭﺍﺳﺤﺐ ﻋﺮﺑﺎﻳﻦ
ﻭﺍﺗﺴﻮﻙ ﻟﻠﺠﻴﺮﺍﻥ ﺣﺘﻪ ﺍﺣﺼﻞ ﺟﻢ ﻓﻠﺲ ﻭﺍﻧﻄﻲ ﺍﻻﻣﻲ ﻻﺟﻨﻪ ﻧﻠﺒﺲ ﻣﺜﻞ ﺍﻟﻨﺎﺱ ﻭﻻ ﺟﻨﻪ ﺟﻬﺎﻝ ﻣﺜﻞ ﺑﺎﻗﻲ ﺍﻟﺠﻬﺎﻝ
ﻋﺸﻨﻪ ﺑﻴﺖ ﺟﺪﻱ ﺍﺻﻌﺐ ﺣﻴﺎﺓ ﺑﻴﺒﺘﻲ ﻣﺎﺟﺎﻧﺖ ﻋﺪﻫﺎ ﺭﺣﻤﻪ ﻭﺗﻔﺮﻕ ﺑﻴﻨﺎ ﻻﻥ ﻫﻲ ﻣﺮﺕ ﺟﺪﻱ ﻣﻮ ﺍﻡ ﺍﺑﻮﻱ ﻭﻻﻥ ﺍﺣﻨﻪ ﻣﻮ ﺍﺣﻔﺎﺩﻫﺎ ﺍﻟﺼﺪﻙ
ﺟﺎﻧﺖ ﺗﺸﺪ ﻭﻳﺎﻧﻪ ﻭﺣﺘﻪ ﺍﻟﺨﺒﺰﻩ ﻟﻮ ﺷﺎﻓﺘﻬﺎ ﺑﻴﺪﻧﻪ ﺗﺎﺧﺬﻫﺎ
ﻭﺟﺪﻱ ﻣﺎﺟﺎﻥ ﻳﺪﻳﺮ ﺑﺎﻝ ﻭﻣﺮﺍﺕ ﻣﺮﺍﺕ ﺟﺎﻥ ﻳﺼﻴﺢ ﻋﻠﻴﻬﺎ ﻭﻣﺎﻳﻘﺒﻞ ﻭﻣﻦ ﺗﺸﻜﻲ ﺍﻣﻲ ﻳﺠﺎﻭﺑﻬﺎ -: ﺍﻧﺎ ﻣﺎﺍﺗﺪﺧﻞ ﺑﺴﻮﺍﻟﻒ ﺍﻟﻨﺴﻮﺍﻥ ﻋﻨﺪﺝ ﻟﺴﺎﻥ ﻭﺍﻧﺘﻲ ﺭﺩﻳﻬﺎ
ﺍﻧﺎ ﻣﺎﺟﻨﺖ ﺍﻗﺒﻞ ﺍﻟﻤﻀﺮﻩ ﻉ ﺍﻣﻲ ﻭﺍﻛﻠﺐ ﺍﻟﺪﻧﻴﺎ ﻭﺍﻧﺎ ﺻﻐﻴﺮ ﻭﺍﻧﻜﺘﻞ ﻛﺘﻠﺘﻴﻦ ﻣﻦ ﺍﻣﻲ ﻭﻣﻦ ﺑﻴﺒﺘﻲ ﻣﺮﺕ ﺟﺪﻱ ﺟﻨﺖ ﺍﺩﺭﺱ ﻭﺍﺷﺘﻐﻞ ﻭﻣﺨﻠﻴﻠﻲ
ﻗﺎﺻﻪ ﺻﻐﻴﺮﻩ ﺍﺟﻤﻊ ﺑﻴﻬﺎ ﻭﺍﻛﻮﻝ ﻫﺎﻱ ﺍﻻﻣﻲ ﺧﺎﻑ ﺗﺤﺘﺎﺝ
ﺟﻨﺖ ﺷﺎﻃﺮ ﺑﺎﻟﻤﺪﺭﺳﻪ ﻭﺍﻃﻠﻊ ﻣﻦ ﺍﻻﻭﺍﺋﻞ ﺑﺲ ﺍﻟﺪﻧﻴﺎ ﻻ ﺭﺣﻤﺘﻨﻲ ﻭﻻ ﺭﺣﻤﺖ ﺍﻣﻲ ﻋﻤﺎﻣﻲ ﺷﺪﻭ ﻭﻳﺎﻫﺎ ﻭﺍﺣﻨﻪ ﺟﻨﻪ ﺟﻬﺎﻝ ﻭﺍﻳﺘﺎﻡ ﻛﺘﻞ ﻳﻜﺘﻠﻮﻧﺎ ﺑﺪﻭﻥ ﺭﺣﻤﻪ ﻭﺿﻤﻴﺮ
ﻭﺗﻮﻛﻒ ﻛﺒﺎﻟﻨﻪ ﻭﺗﺘﺤﻤﻞ ﺍﻟﻜﺘﻞ ﻣﻨﻬﻢ ﻭﺍﺳﻤﻌﻬﺎ ﻟﻠﺼﺒﺢ ﻫﻲ ﺗﺸﻬﻚ ﻭﺗﺒﺠﻲ ﻭﻛﻞ ﻳﻮﻡ ﺍﺣﻠﻒ ﻭﺍﺗﻮﻋﺪ ﻭﺍﺧﻄﻂ ﺑﻌﻘﻠﻲ ﺍﻧﺘﻘﻢ ﻣﻨﻬﻢ ﻭﺍﺣﺪ ﻭﺍﺣﺪ ﻭﺍﺣﻠﻒ ﺑﻜﻞ ﺩﻣﻌﻪ ﻣﻨﻬﺎ ﺗﻨﺰﻝ
ﻳﻮﻡ ﺑﻌﺪ ﻳﻮﻡ ﻛﻠﺒﻲ ﻳﺼﻴﺮ ﺣﺠﺮ ﻭﺟﻤﺮ ﻛﻠﺒﻲ ﺑﺪﺕ ﺗﻐﻠﻲ ﻣﻦ ﺻﻐﺮﻱ
ﻣﺮﻩ ﻋﻤﻲ ﻛﺘﻞ ﺍﺧﻮﻱ ﺷﺒﻌﻪ ﻛﺘﻞ ﻻﻥ ﻣﺮﺗﻪ ﻛﺘﻠﺖ ﺍﺧﺘﻲ
ﺳﻠﻴﻤﻪ ﻭﻫﻮ ﺻﻴﺢ ﻭﺻﺮﺥ ﻋﻠﻴﻬﺎ ﺍﺧﺬﻩ ﺑﻐﺮﻓﻪ ﻭﺷﺒﻌﻪ
ﻛﺘﻞ ﻣﺎﺟﺎﻥ ﻳﺮﺩﻩ ﻻﻥ ﻳﺨﺎﻑ ﻳﻄﺮﺩﻧﻪ ﻭﺟﺎﻥ ﻳﺘﺤﻤﻞ ﺍﻟﻜﺘﻞ
ﻣﻮ ﺿﻌﻒ ﻣﻨﻪ ﺑﺲ ﻳﺨﺎﻑ ﻋﻠﻰ ﺧﻮﺍﺗﻲ
ﺍﺷﻮﻓﻪ ﻳﻄﻠﻊ ﻣﻦ ﺍﻟﺼﺒﺢ ﻭﻳﺠﻲ ﻫﻠﻜﺎﻥ ﻣﻦ ﺍﻟﺘﻌﺐ ﻳﻠﻒ ﺭﺍﺳﻪ ﻭﻳﻨﺎﻡ
ﻫﻨﺎ ﺟﻨﺖ ﺻﻒ ﺍﻟﺜﺎﻟﺚ ﺍﺑﺘﺪﺍﺋﻲ ﻣﻦ ﻫﺎﻟﻤﻮﻗﻒ ﺣﻠﻔﺖ ﻣﺎﺗﻨﺰﻝ ﺩﻣﻌﻪ ﻣﻨﻲ ﻭﻣﻦ ﺍﻟﻴﻮﻡ ﺍﻧﺎ ﺭﺟﺎﻝ ﺣﺎﻟﻲ ﻣﻦ ﺣﺎﻝ ﺍﺧﻮﻱ ﺑﺎﻟﻠﻴﻞ ﺍﻟﻜﻞ ﻧﺎﻡ ﺍﺧﺬﺕ ﻣﻜﻴﻨﺔ ﺍﻟﺤﻼﻗﻪ ﻭﺟﻬﺎﻟﻪ ﺟﺎﻧﻮ ﻳﻨﺎﻣﻮﻥ ﺑﺎﻻﺳﺘﻘﺒﺎﻝ
ﻛﺮﻋﺘﻬﻢ 3 ﻭﻫﻤﻪ ﻧﺎﻳﻤﻴﻦ ﻭﺭﺟﻌﺖ ﻧﻤﺖ ﻻ ﻣﻦ ﺷﺎﻑ ﻭﻻ ﻣﻦ ﺩﺭﻩ ﺍﻟﺼﺒﺢ ﻛﻌﺪﺕ ﻋﻠﻰ ﺻﺮﻳﺨﻬﻢ ﻭﺻﻴﺎﺣﻬﻢ ﻭﺻﻴﺎﺡ ﺍﺧﻮﻱ ﺭﺍﺋﺪ ﺑﺲ ﺍﻧﺎ ﻓﺮﺣﺎﻥ ﺍﻧﺘﻘﻤﺖ ﻭﻟﻮ ﺷﻮﻱ ﻣﻨﻪ
ﺭﺍﺋﺪ .. ﻣﻮ ﺍﻧﺎﺍﺍ ﻭﺣﻖ ﺍﻟﻠﻪ ﻣﻮ ﺍﻧﺎ ﻋﻮﻭﻭﻓﻨﻲ
ﺍﻣﻲ ... ﻋﻮﻭﻭﻑ ﺍﺑﻨﻲ ﺍﻟﻠﻪ ﻳﻜﺴﺮ ﺍﻳﺪﻙ ﻻﺗﺬﺑﻮﻥ ﺑﻼﻛﻢ ﻋﻠﻰ ﻭﻟﺪﻳﻴﻴﻲ ﺷﻔﺘﻮﻫﻢ ﺍﻳﺘﺎﺍﺍﺍﻡ ﻣﺎﻋﺪﻫﻢ ﻭﺍﻟﻴﻴﻴﻲ ﺍﻟﻠﻪ ﻳﻨﺘﻘﻢ ﻣﻨﻜﻢ
ﻋﻤﻲ .. ﻟﻌﺪ ﻫﺬﺍ ﺣﺮﺏ ﺍﺑﻦ ﺍﻟﻘﻨﺪﺭﺍ ﺍﻟﻴﻮﻡ ﺍﺩﻭﺳﻚ ﺑﺮﺟﻠﻲ ﺍﺟﻪ ﻳﺮﻳﺪ ﻳﺪﺧﻞ ﻟﻠﻐﺮﻓﻪ ﻭﻟﺰﻣﻪ ﺍﺧﻮﻱ ﻭﺍﻣﻲ ﺗﺪﻓﻌﻪ
ﺟﺎﻥ ﺍﺷﻮﻑ ﻋﻤﻲ ﻳﻤﺪ ﺍﻳﺪﻩ ﻋﻠﻰ ﺍﻣﻲ ﻭﻳﺪﻓﻌﻬﺎ ﺩﻓﻌﻪ ﻗﻮﻳﻪ ﺍﻧﻀﺮﺏ ﺭﺍﺳﻬﺎ ﺑﻴﺪﻩ ﺍﻟﺒﺎﺏ ﺷﺎﻃﺖ ﺭﻭﺣﻲ ﺍﺧﺬﺕ ﺍﻟﻤﻜﺺ ﻣﻦ ﻣﻜﻴﻨﺔ ﺍﻣﻲ ﻭﺭﻛﻀﺖ ﺍﻟﻌﻤﻲ
ﻭﺍﺻﻴﺢ ﺑﻌﻠﻮ ﺻﻮﺗﻲ : ﻛﻜﻜﻜﻠﺐ ﺍﻧﻌﻠﻠﻠﻞ ﺍﺑﻮﻭﻭﻭﻭﻭﻭﻙ
ﻭﺍﻣﻲ ﺷﺎﻓﺘﻨﻲ -: ﻻﺍﺍﺍﺍ ﺣﺮﺭﺭﺭﺏ ﻳﻤﻤﻤﻤﻤﻪ ﻭﻟﻚ ﺭﺍﺋﺪ ﺍﻟﺰﻡ ﺍﺧﻮﻙ ﺭﺍﺍﺍﺍﺍﺋﺪ
ﺩﺟﺠﺘﻪ ﺑﺒﻄﻨﻪ ﻭﺍﻧﺎ ﻓﺎﻳﺮ ﻭﺭﻭﺣﻲ ﻃﺎﻟﻌﻬﻪ ﻟﺰﻣﻨﻲ ﺍﺧﻮﻱ
ﻫﺪﻳﺘﻪ ﻭﺩﻓﻌﺘﻪ ﺭﻛﻀﺖ ﻟﻠﺸﺎﺭﻉ ﻭﺍﺧﻮﻱ ﻳﺼﻴﺢ ﻭﺍﻣﻲ ﺗﺼﺮﺥ
ﻭﺍﻟﺒﻴﺖ ﺍﻧﻜﻠﺐ ﻛﻼﺏ ﻛﻤﺖ ﺍﺭﻛﺾ ﺧﺎﻳﻒ ﺑﺲ ﺍﺣﺲ
ﺑﻨﺼﺮ ﻛﻠﺸﻲ ﻭﻻ ﺍﻣﻲ
ﻭﻣﻦ ﻫﻨﺎ ﺑﺪﺕ ﺗﺘﻐﻴﺮ ﺣﻴﺎﺗﻲ
ﺑﻴﻮﻣﻬﺎ ﺩﻭﺭﻭ ﻋﻠﻴﻪ ﻭﻟﺰﻣﻮﻧﻲ ﺑﻤﺮﻛﺰ ﺍﻟﺸﺮﻃﻪ ﻻﻥ ﻉ ﻓﻄﺎﺭﺗﻲ ﺭﺣﺖ ﺳﻠﻤﺖ ﻧﻔﺴﻲ ﻭﺍﻟﻤﺮﻛﺰ ﺑﻠﻎ ﺍﻫﻠﻲ
ﺍﻭﻝ ﻣﺎﻛﻠﺘﻠﻬﻢ ﺍﺳﻤﻲ ﺍﻟﺜﻼﺛﻲ ﻭﺍﻧﻪ ﻣﻠﻴﺎﻥ ﺛﻘﻪ ﻭﺭﺍﻓﻊ ﺻﺪﺭﻱ ﻓﺎﺗﺖ ﺍﻣﻲ ﻭﺍﺧﻮﻱ ﻭﺗﺒﺠﻲ ﻣﻔﺮﻓﺤﻪ ﺭﻭﺣﻬﺎ
ﺍﻣﻲ .. ﻭﻟﻚ ﻳﻤﻪ ﺷﺒﻴﻚ ﺗﺨﺒﻠﺖ ﻟﻴﺶ ﻫﻴﺞ ﺗﺴﻮﻭﻥ ﺑﻴﻪ ﻭﻟﻜﻢ ﻧﺎﻗﺼﻨﻲ ﻣﻦ ﺻﺨﻢ ﺍﻟﻠﻪ ﻭﺟﻬﺞ ﺑﻬﻴﺠﻪ ﺗﺎﻟﻴﺘﺞ ﺗﺪﺧﻠﻴﻦ ﺳﺠﻮﻥ ﻣﻦ ﻭﺭﻩ ﺍﺑﻨﺞ ﺍﻟﻲ ﺑﻜﺪ ﺍﻟﻨﻌﺎﻝ
ﺟﺮﺕ ﺍﺫﻧﻲ ﻭﺿﺮﺑﺘﻨﻲ ﺭﺍﺷﺪﻱ ﻭﺷﺒﻜﺘﻨﻲ ﻭﺗﺒﺠﻲ ﻭﺗﺤﺠﻲ
ﺳﺎﻋﻪ ﺗﻜﺘﻞ ﺳﺎﻋﻪ ﺗﺒﻮﺱ ﺣﻴﺮﺗﻨﻲ ﺍﺷﻌﺮ ﺑﺎﻟﺤﻨﻴﻪ ﻟﻮ ﺑﺎﻻﻟﻢ ﻣﻦ ﺍﻟﻀﺮﺏ ﻫﻬﻬﻪ
ﺩﺧﻠﺖ ﺍﻣﻲ ﻳﻢ ﺍﻟﻀﺎﺑﻂ ﻭﺭﻩ ﻧﺺ ﺳﺎﻋﻪ ﺍﻗﻞ ﻃﻠﻌﺖ ﻭﺍﺷﻮﻓﻬﺎ ﺗﺒﺠﻲ ﻭﺻﺎﻳﺮﻩ ﺣﻤﺮﻩ ﻭﺗﺪﻋﻲ ﻭﺗﻔﺸﺮ ﻉ ﺍﻟﻀﺎﺑﻂ
ﺍﻣﻲ .. ﻣﻦ ﺍﻧﻌﻞ ﺍﺑﻮﻛﻢ ﻻ ﺍﺑﻮ ﺍﻟﺨﻠﻔﻜﻢ ﺍﻭﻻﺩ ﺍﻟﺤﺮﺍﻡ ﺍﻟﻤﺎﻳﺨﺎﻓﻮﻥ ﺍﻟﻠﻪ ﻭﺗﻨﺤﺐ ﻭﺗﺒﺠﻲ ﺑﺤﺴﺮﻩ ﻣﻮﺗﺘﻨﻲ ﻗﻬﺮ
ﻫﻨﺎﻙ ﻭﺍﺟﻪ ﺍﺧﻮﻱ ﻭﻳﺮﻛﺾ
ﺭﺍﺋﺪ .. ﻳﻤﻪ ﻫﺴﻪ ﺭﺍﺡ ﻳﻄﻠﻌﻨﻪ ﻋﻤﻮ ﺟﺎﺳﻢ
ﺍﻣﻲ .. ﻳﺎﺟﺎﺳﻢ ﻳﺎﻧﺎﻋﻞ ﻳﻤﻪ ﻛﻠﻬﻢ ﺝﻻﺏ ﻭﺍﺍﻭﻻﺩ ﻛﻠﺐ ﺍﻟﻠﻪ ﻳﻨﺘﻘﻢ ﻣﻨﻬﻢ ﺷﺴﻮﻱ ﺑﻌﻤﺮﻱ ﻭﻟﻚ ﺍﻧﺖ ﺟﻠﺐ ﺑﺲ ﺧﻞ ﻧﻄﻠﻊ ﻣﻨﺎ ﺑﺲﻻﻣﻪ ﺍﻛﻄﻊ ﺍﻟﻨﻌﺎﻝ ﻋﻠﻰ ﻇﻬﺮﻙ
ﺭﺍﺋﺪ .. ﻳﻤﻪ ﻫﺴﻪ ﺻﺒﺮﻱ
ﺍﻣﻲ .. ﻭﻟﻚ ﺍﻣﺸﻲ ﺍﺗﻮﺳﻞ ﺑﻌﻤﻚ ﻳﺤﻠﻬﺎ ﻣﻌﻘﻮﻟﻪ ﻳﺴﺠﻨﻮﻥ ﺍﺑﻨﻲ ﺑﻌﺪﻩ ﻋﻤﺮﻩ 9 ﺳﻨﻮﺍﺕ ﻳﺎﻳﻤﻪ ﻣﺼﻴﺒﻪ ﻭﻃﺎﺣﺖ ﻋﻠﻰ ﺭﺍﺳﻲ ﺭﺑﻚ ﺳﺘﺮ ﻋﻤﻚ ﺑﺲ ﺍﻧﺨﺪﺵ ﺑﺲ ﻫﺬﺍ ﻋﻤﻚ ﺟﻠﺐ ﻳﺮﻳﺪ ﻳﻮﺭﻃﻨﻪ
ﺭﺍﺋﺪ .. ﻻ ﻳﻮﻡ ﺷﻴﺴﺠﻨﻮﻥ ﻫﺴﻪ ﻋﻤﻮ ﺟﺎﺳﻢ ﻋﺮﻓﻨﻲ ﻭﻋﺮﻑ ﺍﺑﻮﻳﻪ ﺭﺍﺡ ﻳﺴﺎﻋﺪﻧﻪ
ﺍﻣﻲ .. ﻭﻟﻚ ﻳﻤﻪ ﻳﺎﻧﺎﻋﻞ ﺍﻧﺘﻪ ﺷﺠﺎﻱ ﺗﺤﺠﻲ ﻳﻮﻡ
ﺭﻓﻌﻨﻪ ﺭﺍﺳﻨﻪ ﻭﺷﻔﻨﺎﻩ ﻭﺍﻛﻒ ﺑﻬﻴﺒﺘﻪ ﻛﺒﺎﻟﻨﻪ ﻭﻧﺠﻮﻡ ﻉ ﺟﺘﻔﻪ ﺗﻠﻤﻊ
ﺍﻣﻲ .. ﻫﺬﺍ ﺍﻧﺘﻪ
ﺟﺎﺳﻢ .. ﺑﻬﻴﺠﻪ ؟ ﺑﻬﻴﺠﻪ ﺷﻠﻮﻧﺞ ﻭﻟﺞ ﺷﻜﺪ ﺩﻭﺭﺕ ﻋﻠﻴﺞ
ﻭﻛﻔﺖ ﺍﻣﻲ ﻭﺗﻌﺪﻝ ﺑﺤﺠﺎﺑﻬﺎ ﻭﺩﻣﻮﻋﻬﺎ ﻋﻠﻰ ﺧﺪﻫﺎ
ﺍﻣﻲ .. ﻩﻻ ﺧﻮﻳﻪ . ﻩﻻ ﺑﻴﻚ ..
ﺟﺎﺳﻢ .. ﻭﻳﻨﻜﻢ ﻟﻴﺶ ﻫﻴﺞ ﺍﺧﺘﻔﻴﺘﻮ ﺧﻴﺘﻲ
ﺍﻣﻲ .. ﺧﻮﻳﻪ ﺑﻴﺖ ﻋﻴﺎﻟﻲ ﻭﻫﺬﺍ ﺍﺑﻨﻲ ..
ﺟﺎﺳﻢ .. ﺍﺩﺭﻱ ﺧﻮﻳﻪ ﺍﺩﺭﻱ ﻫﺴﻪ ﺍﺟﺮﺍﺀﺍﺕ ﺑﺴﻴﻄﻪ ﻭﺍﻃﻠﻌﻜﻢ ﻋﻨﺪﻱ ﺍﻣﺎﻧﻪ ﺍﻟﻜﻢ ﻣﺎﺭﻳﺪ ﺍﻛﻘﺮ ﺣﺠﻲ ﻻﻥ ﺍﺭﻳﺪ ﺍﺧﻠﺺ ﺑﺎﻗﻴﻪ ﺑﺮﻛﺒﺘﻲ
ﺍﻣﻲ .. ﺍﻣﺎﻧﺘﻴﺶ ﺧﻮﻳﻪ
ﺟﺎﺳﻢ .. ﻫﺴﻪ ﺟﺎﻱ ﺍﺑﻘﻮ ﻫﻨﺎ
