ﺷﻨﻮ ؟
ﻫﻬﻬﻬﻬﻪ ﺣﻈﺮﻱ ﻧﻔﺴﺞ ﺍﻟﺠﻤﻌﻪ
ﻫﻬﻬﻬﻬﻬﻬﻬﻬﻬﻪ ﺷﻨﻮ
ﺩﻧﻜﺖ ﺧﺠﻠﺖ ﺑﺎﻭﻋﺖ ﻟﻠﺸﺎﺭﻉ ﻫﺰﻳﺖ ﺭﺍﺳﻲ -: ﻳﺼﻴﺮ ﺧﻴﺮ
ﺭﻳﺎﻡ ﺍﻭﻛﻔﻲ
ﺷﻨﻮ
ﻓﺘﺢ ﺻﻨﺪﻭﻙ ﺳﻴﺎﺭﺗﻪ ﺍﻟﻲ ﺑﺼﻒ ﺍﻟﻜﺮﺳﻲ ﺍﻟﻲ ﺑﺎﻟﺼﺪﺭ ﻭﻃﻠﻊ ﻋﻼﻛﻪ
ﻫﺎﻱ ﺍﻣﺎﻧﻪ
ﺷﻨﻮ ﻣﻦ ﺍﻣﺎﻧﻪ
ﺍﻣﺎﻧﻪ ﻣﺎﻓﺎﺗﺤﻬﺎ ﻭﻻ ﺷﺎﻳﻔﻬﺎ ﺑﺲ ﻣﻦ ﻫﺎﺟﺮ
ﺍﺧﺬﺗﻬﺎ ﻣﻨﻪ ﺑﺴﺮﻋﻪ
ﻳﻼ ﺭﻭﺣﻲ ﻣﻨﺎ ﺷﺎﺭﻉ
ﻫﺰﻳﺖ ﺭﺍﺳﻲ ﻭﻣﺸﻴﺖ ﺍﻟﺘﻔﺘﺖ ﺍﻟﻪ ﺑﻌﺪﻩ ﻭﺍﻛﻒ ﺍﺷﺮﻟﻲ ﻟﺤﺪ ﻣﺎﺩﺧﻠﺖ ﻟﻠﺒﻴﺖ ﻫﻮ ﻃﻠﻊ ﺑﺴﻴﺎﺭﺗﻪ ﻣﻦ ﺑﻌﺪ ﻣﺎﺩﻙ ﻫﻮﺭﻥ ﺍﺑﺘﺴﻤﺖ ﻣﺮﺗﺎﺣﻪ ﺣﻴﻞ ﺣﻴﻴﻞ ﻣﺮﺗﺎﺣﻪ ﺩﺧﻠﺖ ﻟﻠﺒﻴﺖ ﻭﺿﺮﺑﺖ ﺑﺨﺸﻤﻲ ﺭﻳﺤﺔ ﺍﻟﺪﻭﻟﻤﻪ ﺻﺤﺖ ﺑﻔﺮﺡ
-: ﻳﻮﻭﻭﻭﻡ ﺍﻭﻭﻭﻳﻠﻲ ﻳﺎﻟﻠﻪ ﻣﻴﺘﻪ ﺟﻮﻭﻭﻉ
ﺭﻓﻌﺖ ﻗﺒﻖ ﺍﻟﺠﺪﺭ ﻭﺻﺤﺖ ﺍﻭﻳﻠﻲ ﺍﻟﻠﻪ
ﺍﺟﻪ ﺭﻛﺾ ﻋﻤﻮﺭﻱ ﺍﺑﻦ ﺳﻠﻴﻤﺎﻥ ﺍﺧﺬ ﺟﻨﻄﺘﻲ ﻭﻳﺮﻛﻀﺖ ﻭﻳﺼﻴﺢ -: ﻋﻤﻪ ﻋﻤﻪ ﺳﺒﺲ ﺳﺒﺲ ( ﺟﺒﺲ )
ﺭﻓﻌﺘﻪ ﻭﺷﻠﺘﻪ ﺑﺴﺘﻪ ﺑﺨﺪﻭﺩﻩ ﻭﻋﻀﻴﺘﻪ ﻛﺰﻛﺰﺕ ﻋﻠﻴﻪ ﻭﻋﻠﻰ ﺧﺪﻭﺩﻩ ﺍﺟﺘﻨﻲ ﺍﻣﻲ ﻭﻫﻲ ﺗﻀﺤﻚ ﻭﻳﺎﻳﻪ ﻭﻓﺮﺣﺖ ﻣﻦ ﺷﺎﻓﺘﻨﻲ ﻓﺮﺣﺎﻧﻪ
ﺍﻟﻠﻪ ﻻﻳﺤﺮﻣﻨﺎ ﻣﻦ ﺿﺤﻜﺘﺞ ﻣﺎﻣﺎﺗﻲ
ﺍﻟﻠﻪ ﻳﺨﻠﻴﺞ ﺍﻟﻨﺎ ﻳﺎﻋﻤﺮﻱ ﺍﺑﺪﻝ ﻭﺍﻧﺰﻝ
ﻳﻼ ﺑﺴﺮﻋﻪ ﺩﺍﺍﺻﺐ
ﺭﻛﻀﺖ ﻟﻠﻐﺮﻓﻪ ﺍﻟﻲ ﺟﺎﻧﺖ ﻣﻜﻠﻮﺑﻪ ﻛﻼﺏ ﺑﺎﻟﻘﻤﺎﺵ ﻭﺍﻟﺨﻴﻮﻁ ﻫﺎﻟﻤﻨﻈﺮ ﺍﻋﺸﻘﻪ ﺭﻏﻢ ﻫﻮﺳﻪ ﺑﺲ ﺍﻋﺸﻘﻪ ﻻﻥ ﺟﺎﻥ ﺑﻴﻮﻡ ﻣﻦ ﺍﻻﻳﺎﻡ ﺳﺒﺐ ﻧﺠﺎﺡ ﺍﻟﻲ ﻭﺍﻟﻬﺬﺍ ﺍﻟﻴﻮﻡ ﺍﺷﻮﻓﻪ ﻣﺘﻌﻪ ﻭﺣﺐ
ﺿﻤﻴﺖ ﺍﻟﻌﻼﻛﻪ ﺑﺎﻟﻜﻨﺘﻮﺭ ﻭﺭﻛﺾ ﺭﻛﺾ ﺑﺪﻟﺖ ﻭﻧﺰﻟﺖ ﻭﺍﻧﻲ ﺍﺭﻛﺺ ﻭﺍﻣﻴﻞ ﺑﺸﻌﺮﻱ ﻓﺮﺣﺎﻧﻪ
ﺷﻔﺘﻬﻢ ﻣﻠﺘﻤﻴﻦ ﺭﻛﻀﺖ ﺑﺴﺖ ﺑﺎﺑﺎ ﻭﺳﻠﻴﻤﺎﻥ ﻭﺍﻣﻲ ﻭﺷﺬﻯ ﻭﻫﻤﻪ ﺻﺎﻓﻨﻴﻦ ﻋﻠﻴﻪ ﻭﻓﺮﺣﺎﻧﻴﻦ ﺍﻟﻔﺮﺣﺘﻲ ﺻﺎﺡ ﺑﻴﻪ ﺳﻠﻴﻤﺎﻥ -: ﺷﻨﻮ ﻣﻨﻄﻴﺞ ﺍﻟﺮﺍﺗﺐ
ﺿﺤﻜﺖ
ﺍﺣﺒﻚ ﺳﻠﻮﻣﻲ
ﻫﻬﻬﻬﻬﻬﻬﻪ ﻣﺎﻃﻠﻌﺞ ﻭﺍﻟﻠﻪ
ﻫﻬﻬﻬﻬﻬﻬﻬﻬﻪ
ﺗﻐﺪﻳﻨﻪ ﻭﺍﺣﺲ ﺣﺘﻪ ﺍﻻﻛﻞ ﺍﻟﻲ ﺍﻛﻠﻪ ﺍﻟﻪ ﻏﻴﺮ ﻃﻌﻢ ﺍﻛﻠﺖ ﺑﺸﺮﺍﻫﻪ ﻛﻠﺶ ﻛﻠﺶ ﻫﻮﺍﻱ ﺍﻛﻠﺖ ﺍﻟﺤﺪ ﻣﺎﺍﻧﺘﻔﺨﺖ ﻭﺍﻟﻔﺮﺣﻪ ﻭﺍﻟﺒﺴﻤﻪ ﻣﺎﻓﺎﺭﻗﺖ ﻭﺟﻬﻲ
ﻛﻤﻠﺖ ﻭﺳﺎﻋﺪﺕ ﺷﺬﻯ ﺑﺎﻟﺘﺮﺗﻴﺐ ﺑﺎﻟﻤﻄﺒﺦ ﻭﺷﻐﻠﺖ ﺍﻏﻨﻴﺔ ﺍﻟﻄﻠﻘﻪ ﺍﻟﺮﻭﺳﻴﻪ
ﺑﺘﻠﻔﻮﻧﻲ ﻭﺍﺳﻤﻊ ﻣﻌﻠﻴﺘﻪ ﻭﺍﻫﺰ ﻭﻳﻪ ﻛﻞ ﺩﻛﻪ ﻣﻨﻬﺎ ﻭﺍﺗﺬﻛﺮ ﻭﺟﻬﻪ ﻭﻫﺰﺓ ﺭﻛﺒﺘﻪ ﻭﺿﺤﻜﺘﻪ ﻃﻮﻟﻪ ﻋﻄﺮﻩ ﺻﻮﺗﻪ ﻛﻠﺸﻲ ﺑﻲ ﺷﻜﺪ ﺳﺌﻠﻮﻧﻲ ﺷﻜﻮ ﻣﺎﺟﺎﻭﺑﺖ ﻭﺍﻛﺘﻔﻴﺖ ﺏ ﺿﺤﻜﻪ
ﺻﻌﺪﺕ ﺍﻟﻐﺮﻓﺘﻲ ﻣﻦ ﺑﻌﺪ ﻣﺎﻛﻤﻠﺖ ﺷﻐﻞ ﺭﺗﺒﺖ ﺍﻟﻐﺮﻓﻪ ﻭﻛﻤﺖ ﺻﻠﻴﺖ ﻭﺻﻠﻴﺖ ﺻﻼﺓ ﺷﻜﺮ 12 ﺭﻛﻌﻪ ﻭﺍﻫﺪﻳﺘﻬﺎ ﻟﻼﺋﻤﻪ ﺍﻟﻤﻌﺼﻮﻣﻴﻦ ﺳﻼﻡ ﺍﻟﻠﻪ ﻋﻠﻴﻬﻢ
ﻛﻤﻠﺖ ﻭﻛﻤﺖ ﻓﺘﺤﺖ ﺍﻟﻜﻨﺘﻮﺭ ﻭﻃﻠﻌﺖ ﺍﻟﻌﻼﻛﻪ ﻓﺘﺤﺘﻬﺎ ﺍﺧﺘﺾ ﺟﺴﻤﻲ ﻭﺍﻧﻲ ﺍﺷﻮﻑ ﺩﻓﺘﺮ ﺣﺮﺏ ﺑﺴﺘﻪ
ﺍﻟﺤﻤﺪﺍﻟﻠﻪ ﻋﻠﻰ ﺭﺟﻌﺘﻚ ﻳﺎﺣﺮﺏ ﺷﻜﺪ ﻣﺎﺍﺣﻤﺪ ﺍﻟﻠﻪ ﻭﺍﺷﻜﺮﻩ ﻣﺎﺍﻭﺍﻓﻴﻠﻪ ﺑﺎﻭﻋﺘﻠﻪ ﺟﺎﻧﺖ ﻭﺭﻗﻪ ﻓﺘﺤﺘﻬﺎ ﻭﺟﺎﻧﺖ -:
ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ...
ﺍﻟﻰ ﻓﺘﺎﺗﻲ ﻭﺻﺪﻳﻘﺘﻲ ﺍﻟﻰ ﺍﺧﺘﻲ ﺍﻟﻤﺤﺎﺭﺑﻪ ﻭﺍﻟﻘﻮﻳﻪ ..
ﺍﺗﻤﻨﻰ ﺗﻜﻮﻧﻴﻦ ﻋﺎﻳﺸﻪ ﻭﺍﺗﻤﻨﻰ ﺗﻜﻮﻧﻴﻦ ﺑﺼﺤﻪ ﻭﻋﺎﻓﻴﻪ ﻭﺳﻼﻣﻪ ﺭﻳﺎﻡ ﺍﻧﺘﻲ ﺍﻭﻝ ﺻﺪﻳﻘﻪ ﻭﺍﺧﺖ ﻋﺸﺖ ﻭﻳﺎﻫﺎ ﺍﻻﻣﻲ ﻭﻓﺮﺣﺘﻲ ﻋﺸﺖ ﺍﻟﻀﺤﻜﻪ
ﻭﻳﺎﻫﺎ ﻭﺷﺎﺭﻛﺖ ﺍﻟﻠﻜﻤﻪ ﻭﻳﺎﻫﺎ .. ﻣﺎﺗﺤﻘﻘﺘﻠﻲ ﻭﻻ ﺍﻣﻨﻴﻪ ﻃﻮﻝ ﺣﻴﺎﺗﻲ ﺍﻟﻌﺸﺘﻬﺎ ﺑﺲ ﺍﺗﻤﻨﻰ ﺗﺘﺤﻘﻖ ﺍﻣﻨﻴﺘﻲ ﻫﺎﻱ ﻭﻣﺎﺭﻳﺪ ﻏﻴﺮﻫﺎ ﺍﺗﻤﻨﻰ ﺗﻜﻮﻧﻴﻦ
ﻋﺎﻳﺸﻪ ﻭﻣﺎﺑﻴﺞ ﻏﻴﺮ ﺍﻟﻌﺎﻓﻴﻪ ﺍﺗﻤﻨﻰ ﻣﻦ ﺍﻟﻠﻪ ﺗﻜﻮﻧﻴﻦ ﺑﺨﻴﺮ ﻣﺎﺍﺭﻳﺪ ﻏﻴﺮ ﺷﻲ ﺭﻳﺎﻡ ﺳﻤﻌﺖ ﻣﻦ ﺍﻟﺠﻨﻮﺩ ﺍﻟﻲ ﺍﻧﻘﺬﻧﺎ ﻫﻮ ﺑﺎﻟﺠﻴﺶ ﻣﻮ ﺩﺍﻋﺸﻲ ﺍﻧﻲ
ﺧﺎﻑ ﻳﺼﻴﺮ ﺑﻴﻪ ﺷﻲ ﺣﺴﻠﻢ ﺍﻻﻣﺎﻧﻪ ﻟﻠﻤﺴﺘﺸﻔﻰ ﻭﻛﺎﻟﻮﻟﻲ ﺍﺳﻤﻪ ﺍﺑﻮ ﺫﻳﺒﻪ ﻭﻫﻮ ﻳﻨﻄﻲ ﺍﻟﺞ ﻫﺬﺍ ﺍﻟﺪﻓﺘﺮ ﻣﺎﺑﻲ ﺷﻲ ﺣﺎﻓﻈﺖ ﻋﻠﻴﻪ ﻻﻥ ﻣﻦ ﺭﻳﺤﺔ
ﺣﺮﺏ ﺍﻟﻠﻪ ﻳﺮﺣﻤﻪ ﺣﺮﺏ ﺳﻨﺪﻧﺎ ﺍﺗﻤﻨﻰ ﺍﺭﻭﺡ ﻋﻨﺪﻩ ﻫﻮ ﻭﺑﻨﺘﻲ ﻭﺍﺧﺘﻲ ﻣﺸﺘﺎﻗﺘﻠﻬﻢ ..
ﺍﻟﻤﻬﻢ ﺭﻳﺎﻡ ﺍﺭﻳﺪ ﺗﻨﺪﻋﻴﻠﻲ ﺍﻧﻲ ﺭﺍﺡ ﺍﺭﻭﺡ ﺍﻻﺣﺴﻦ ﻭﺍﻓﻀﻞ ﻣﻜﺎﻥ ﺑﺲ ﻣﺤﺘﺎﺟﻪ ﺩﻋﺎﺋﺞ ﺍﺭﻳﺪ ﺍﻟﻠﻪ ﻳﻐﻔﺮﻟﻲ ﺭﻳﺎﻡ ﺍﻟﻠﻪ ﺣﻴﺤﺎﺳﺒﻨﻲ ﻉ ﺍﻋﻤﺎﻝ ﺍﺑﻮﻳﻪ
؟ ﺑﺲ ﺍﻧﻲ ﻣﺘﺒﺮﻳﻪ ﻣﻨﻪ ﺍﻫﻮﻭ ﻉ ﺍﻟﻌﻤﻮﻡ ﺍﺣﺒﺞ ﻫﻮﺍﻱ ﻭﺍﻣﻮﺕ ﻋﻠﻴﺞ ﺍﺧﺘﻲ ﻭﺳﻨﺪﻱ ﻭﺭﻳﺎﻡ ﻣﺎﺍﻋﺮﻑ ﺷﻠﻮﻥ ﺍﺷﻜﺮﺝ ﻣﻦ ﻧﻘﺬﺗﻴﻨﻲ ﻻﺗﺨﺎﻓﻴﻦ ﺍﻧﻲ
ﺻﺢ ﺟﺎﻥ ﻳﺮﻳﺪ ﻳﻐﺘﺼﺒﻨﻲ ﺑﺲ ﻣﺎﺧﻠﻴﺘﻪ ﻭﻣﻦ ﻣﺎﺧﻠﻴﺘﻪ ﺷﻚ ﻓﺨﺬﻱ ﻗﺮﻳﺐ ﻣﻦ * ﻣﻦ ﻫﻴﺞ ﺻﺎﺭ ﻧﺰﻑ ﻓﻼﻳﻀﻞ ﺑﺎﻟﺞ ﺍﻧﻲ ﻃﺎﻫﺮﻩ
ﻭﻣﺎﺗﻨﻜﺴﺖ ﺍﺩﺭﻱ ﺣﻴﻀﻞ ﺑﺎﻟﺞ ﻭﺍﺩﺭﻱ ﺣﺘﺪﻭﺭﻳﻦ ﻋﻠﻴﻪ ﺑﺲ ﺍﻧﻲ ﻋﺎﻳﺸﻪ
ﺍﻧﻲ ﺣﺮﻭﺡ ﺍﻻﻓﻀﻞ ﻣﻜﺎﻥ ﻻﺗﻨﺴﻴﻨﻲ ﺑﺎﻟﺪﻋﺎﺀ ﺍﻧﻮ ﺍﻟﻠﻪ ﻳﻐﻔﺮﻟﻲ .. ﻣﺤﺘﺎﺟﺔ ﺩﻋﺎﺋﺞ ﺍﻧﺘﻲ ﻧﻘﻴﻪ ﺳﺎﻣﺤﻴﻨﻲ ﻭﺍﺑﺮﻳﻠﻲ ﺍﻟﺬﻣﻪ
ﺍﻧﺘﻲ ﻣﻨﻘﺬﺗﻲ ﻣﻦ ﺩﺍﻋﺶ ..
ﻫﺎﺟﺮ 4/5 / ﺍﻻﺣﺪ ﺍﻟﺴﺎﻋﻪ ﺍﻝ 3 ﻓﺠﺮﺍ
ﻛﻌﺪﺕ ﺑﺎﻟﻜﺎﻉ ﺩﻣﻮﻋﻲ ﺣﺎﺭﻩ ﺗﺠﺮﻱ ﻋﺒﺎﻟﻚ ﺷﻼﻝ ﺑﺴﺖ ﻛﻞ ﺣﺮﻑ ﻛﺎﺗﺒﺘﻪ ﺑﺠﻴﺖ ﻭﺍﻟﻠﻪ ﻛﻠﺒﻲ ﺍﺣﺘﺮﻙ ﻫﺎﺟﺮ ﺩﻣﻮﻋﻲ ﺣﺮﻛﺖ ﺧﺪﻱ ﻭﺍﺧﺘﻨﻜﺖ ﻏﺼﻪ ﺻﺎﺭﺕ ﺑﻜﻠﺒﻲ
ﺷﻜﺪ ﺗﻌﺒﺖ ﻫﺎﻻﺑﻨﻴﻪ ﻣﺎﻋﺎﺷﺖ ﻭﻻ ﺷﺎﻓﺖ ﺷﻲ ﻣﻦ ﺣﻴﺎﺗﻬﺎ ﻓﻘﺪﺕ ﻛﻠﺸﻲ ﻭﻣﺎﺑﻘﺎﻟﻬﺎ ﺍﻱ ﺷﻲ
ﺷﻜﺪ ﺻﻌﺒﺒﺒﺐ ﺧﺼﻮﺻﺎ ﻉ ﺍﻻﺑﻨﻴﻪ ﻣﻦ ﺗﻔﻘﺪ ﻛﻠﺸﻲ ﻭﺗﺒﻘﻰ ﻭﺣﻴﺪﻩ .. ﻻ ﺍﻡ ﻭﻻ ﺍﺏ ﻭﻻ ﺍﺥ ﻭﻻ ﺍﺧﺖ ﻭﻻ ﺍﻱ ﺍﻫﻞ ﻭﻻ ﺍﻗﺎﺭﺏ ﻭﺣﺘﻪ ﺑﻨﺘﻬﺎ ﻣﺎﺗﺖ
ﺑﺤﻀﻨﻬﺎ ﻭﺳﺒﺤﺖ ﺑﺪﻣﻬﺎ ﻭﻓﺎﺭﻗﺘﻬﺎ ﺣﺘﻪ ﻗﺒﺮﻫﺎ ﺍﻟﻲ ﻣﺎﺗﺪﺭﻱ ﺑﻲ ﻣﻮﺟﻮﺩ ﻟﻮ ﺍﻧﻘﺼﻒ
ﺍﻟﺒﻨﻴﻪ ﺑﺼﻮﺭﻩ ﻋﺎﻣﻪ ﻣﻦ ﺗﺤﺰﻥ ﺗﺮﻭﺡ ﺍﻟﺼﺪﻳﻘﺘﻬﺎ ﺗﺸﻜﻴﻠﻬﺎ ﻭﺗﺒﺠﻲ ﺑﺲ ﻫﺎﺟﺮ ﻭﻳﻦ ﺗﺮﻭﺡ ؟
ﺍﻟﺒﻨﻴﻪ ﻣﻦ ﻭﺍﺣﺪ ﻳﻬﻀﻤﻬﺎ ﺗﺮﻭﺡ ﺍﻻﺑﻮﻫﺎ ﺑﺲ ﻫﺎﺟﺮ ﻭﻳﻦ ﺗﺮﻭﺡ ؟
ﻫﺎﺟﺮ ﻭﻳﻦ ﺗﺮﻭﺡ ﻟﻮ ﺷﺎﻓﺖ ﻃﻔﻞ ﺑﺤﻀﻦ ﺍﻣﻪ ؟ ﻫﺎﺟﺮ ﻭﻳﻦ ﺗﺮﻭﺡ ﻟﻮ ﺷﺎﻓﺖ ﻋﺎﺋﻠﻪ ﻣﺘﺠﻤﻌﻪ ؟ ﻫﺎﺟﺮ ﻭﻳﻦ ﺗﺮﻭﺡ ﻟﻮ ﺷﺎﻓﺖ ﻣﺮﻩ ﻫﻲ ﻭﺯﻭﺟﻬﺎ ؟ ﻫﺎﺟﺮ ﻭﻳﻦ ﺗﺮﻭﺡ ﻟﻮ ﻭﺍﺣﺪ ﺍﺗﻌﺮﺿﻠﻬﺎ ﺑﺴﻮﺀ ؟ﻣﺎﻋﺪﻫﺎ ﺍﺥ ﻭﻻ ﺍﺏ ﺳﻨﺪ ﺍﻟﻬﺎ
ﻛﻠﺸﻲ ﻣﺎﻋﺪﻫﺎ ﺑﺲ ﻋﺪﻫﺎ ﻛﻠﺒﻬﺎ .. ﻛﻠﺒﻬﺎ ﺍﻟﻲ ﺑﻘﻪ ﻧﻘﻲ ﺭﻏﻢ ﺍﻟﺘﻠﻮﺙ ﺍﻟﻲ ﻋﺎﺷﺖ ﺑﻲ ﻃﻮﻝ ﺣﻴﺎﺗﻬﺎ
ﻛﻼﻣﻬﺎ ﻭﺻﻮﺗﻬﺎ ﻭﻏﺼﺎﺗﻬﺎ ﺑﻜﻞ ﻛﻠﻤﻪ ﻛﺘﺒﺘﻬﺎ ﺣﺴﻴﺖ ﺑﻴﻬﺎ ..
ﺑﺠﻴﺖ ﺑﺠﻲ ﻟﺤﺪ ﻣﺎﺣﺴﻴﺖ ﺭﺍﺳﻲ ﺣﻴﻨﻔﺠﺮ ﻭﻣﺎﻛﺘﻔﻴﺖ ﺗﻜﻄﻌﺖ ﺭﻭﺣﻲ ﻭﺍﻧﻤﺮﺩ ﻛﻠﺒﻲ ﺍﻗﺴﻢ ﺑﺎﻟﻠﻪ ﻟﻤﻴﺖ ﺭﻭﺣﻲ ﺑﻔﺮﺍﺷﻲ ﻭﺑﻘﻴﺖ ﺍﺷﻬﻚ ﻭﺍﺑﺠﻲ ﻭﺍﺗﺬﻛﺮ ﺿﺤﻜﺘﻬﺎ ﺍﻟﻤﺠﺮﻭﺣﻪ ﻭﺍﺫﻛﺮ ﺭﻭﺣﻬﺎ ﺍﻟﻤﻔﺮﻓﺤﻪ
ﺻﺮﺧﺘﻬﺎ ﻭﺑﺠﻴﻬﺎ ﻣﻦ ﺣﺮﺏ ﺍﺳﺘﺸﻬﺪ ﻭﻛﺄﻧﻬﺎ ﺣﺴﺖ ﺍﺧﺮ ﺩﺭﻉ ﺑﻈﻬﺮﻫﺎ ﺍﻧﻜﺴﺮ
ﺍﺭﻳﺪ ﺗﺮﺟﻊ ﻭﺍﻛﻮﻝ ﺍﻟﻬﺎ ﻫﺎﺟﺮ ﺣﺮﺏ ﻋﺎﻳﺶ ﻫﺎﺟﺮ ﺑﺲ ﺭﺟﻌﻲ ﻻﺗﺴﻮﻳﻦ ﺑﺮﻭﺣﺞ ﺷﻲ ﻟﻠﺤﻈﻪ ﺣﺴﻴﺘﻬﺎ ﺣﺘﻨﺘﺤﺮ ﻭﺯﺍﺩ ﺑﺠﻲ ﻋﻴﻮﻧﻲ ﻭﺟﺮﺡ ﻛﻠﺒﻲ
ﻋﺎﺷﺮﻧﻪ ﺍﻟﻨﺤﺒﻬﻢ ﺃﺣﻠﻰ ﺍﻷﻳﺎﻡ
ﻧﺸﺘﺎﻙ ﺑﻌﻄﺶ ﻟﻠﻌﺎﺷﺮﻭﻧﻪ
