"ﺍﻟﻜﺎﺗﺒﻪ ﻭﺭﺩﻩ ﺍﻟﺸﻴﺦ ﻣﺤﻤﺪ"
ﻋﻔﺘﻪ ﻭﻣﺸﻴﺖ ﺭﺣﺖ ﻳﻢ ﺍﻣﻲ ﻛﺎﻋﺪﻳﻦ ﻧﺴﻮﻟﻒ ﻭﻣﻨﺪﻣﺠﻴﻦ
ﺟﺎﻥ ﻳﺼﺮﺥ ﺍﺑﻦ ﺳﻠﻴﻤﺎﻥ ﻋﻤﺮ ﺭﺝ ﺍﻟﺒﻴﺖ ﺭﺝ ﻭﺍﻣﻪ ﺻﺮﺧﺖ
ﺷﺬﻯ -: ﻳﻤﻪ ﺍﺑﻨﻲ ﺍﺣﺘﺮﻙ ....
ﻛﻠﻨﻪ ﻓﺰﻋﻨﻪ ﻉ ﺻﻮﺗﻪ ﻭﺍﻛﻊ ﻋﻠﻴﻪ ﺍﻟﺠﺎﻱ ﻭﻣﻔﺮﻓﺢ ﻭﻳﺼﺮﺥ
ﺷﺎﻟﻪ ﺍﺑﻮﻩ ﻭﻳﺼﻴﺢ -: ﺑﺴﺮﺭﺭﻋﻪ ﺑﻄﺎﻧﻴﻪ ﻻﺍﺍﺍﺍﺍ ﻳﺘﺴﻤﻢ ﺑﺴﺮﺭﺭﺭﻋﻪ
ﺭﻛﻀﺖ ﺟﺒﺘﻠﻪ ﺑﻄﺎﻧﻴﻪ ﻭﺭﻛﺾ ﺑﻲ ﻟﻠﻤﺴﺘﺸﻔﻰ ﻭﺭﻛﻀﻮ ﻭﺭﺍﻩ
ﺍﺑﻮﻱ ﻭﺍﻣﻲ ﻭﺭﺍﺣﻮ ﺑﺴﻴﺎﺭﺓ ﺳﺮﻣﺪ ﺍﺧﺬﻫﻢ ﻛﻠﺒﻨﻪ
ﻭﻳﺎﻫﻢ ﻭﻧﻨﺪﻋﻲ ﻣﺎﺑﻲ ﺷﻲ ﻫﻮ ﻃﻔﻞ ﻋﻤﺮﻩ 3 ﺳﻨﻮﺍﺕ
ﻭﻭﻛﻊ ﻋﻠﻴﻪ ﻣﻦ ﺍﻟﻄﻮﻝ ﻟﻠﻄﻮﻝ ﻭﺍﻟﺤﺎﻱ ﺟﺎﻥ ﻉ ﺍﻟﻨﺎﺭ ﻳﺘﻬﺪﺭ
ﻧﻮﺭﺍﻥ -: ﺷﻮﻛﻌﻮ ﻳﺎﺭﺑﻲ ﺷﺠﺎﺑﻮ ﻗﻮﺭﻱ ﺷﺜﻜﻠﻮ
ﻧﻮﺭ -: ﺍﻣﻪ ﺍﻟﻔﺎﻫﻴﻪ ﺭﺍﺣﺖ ﻭﻳﺎﻫﻢ ﺍﻱ ﺍﺩﺭﻱ ﻃﻔﻞ ﻏﻴﺮ ﺗﺨﻠﻴﻦ ﻋﻴﻨﺞ ﻋﻠﻴﻪ
ﻧﻮﺭﺍﻥ -: ﺍﻱ ﺧﻄﻴﻪ ﺍﻟﻠﻪ ﻳﻌﻴﻦ ﻛﻠﺒﻬﻢ ﻳﻤﻌﻮﺩﻩ ﻃﻔﻞ ﻭﻳﻠﻌﺐ ﺷﺒﻴﺞ ﺍﻧﺘﻲ ﺍﻟﺜﺎﻧﻴﻪ
ﺭﻳﺎﻡ -: ﺧﺎﻳﺒﺎﺕ ﺍﻟﺠﺎﻱ ﻳﻔﻮﺭ ﻳﺎﻳﻤﻪ ﺷﻜﺎﻟﺖ ﺭﻭﺣﻚ ﺳﻮﺩﻩ ﻋﻠﻴﻪ ﻋﻤﻮﺭﻱ
ﻧﻮﺭ -: ﺷﻮﻛﻌﻪ ﻋﻠﻴﻪ
ﺭﻳﺎﻡ -: ﻫﺎﻱ ﺷﻮﻓﻲ ﺍﻟﺤﺪﺍﻳﺪ ﻣﺘﺤﺮﻛﺎﺕ ﻣﺎﻛﺎﻋﺪﺍﺕ ﻋﺪﻝ
ﻭﺍﻟﺠﺎﻱ ﻓﻮﻛﻪ ﻭﺗﻠﻜﻲ ﻻﻋﺐ ﻭﻭﺍﻛﻊ ﻋﻠﻴﻪ
ﻧﻮﺭﺍﻥ -: ﺍﻭﻭﻱ ﻋﻤﺎﺗﻲ ﺩﺟﻴﺒﻲ ﺍﻟﺘﻠﻔﻮﻥ ﺍﺧﺎﺑﺮﻫﻢ
ﻧﻮﺭ -: ﺑﻌﺪﻫﻢ ﺗﻠﻜﻴﻬﻢ ﻣﺎﻭﺍﺻﻠﻴﻦ ﻟﻠﻤﺴﺘﺸﻔﻰ
ﻣﻦ ﺟﻬﻪ ﺑﻨﺖ ﻧﻮﺭﺍﻥ ﺑﺠﺖ ﺣﻄﺘﻬﺎ ﻉ ﺻﺪﺭﻫﺎ ﻣﺎﺗﻘﺒﻞ ﺗﺮﺿﻊ
ﺗﻔﺘﺮ ﺑﻴﻬﺎ ﻣﺎﻛﻮ ﺗﺼﺮﺥ ﻉ ﺭﻧﻪ ﻭﺣﺪﻩ ﻭﺻﻮﺗﻬﺎ ﻟﻮ ﺑﺠﺖ
ﻳﺰﺭﻑ ﺍﻻﺫﻥ ﻛﺪ ﻣﺎﻋﺎﻟﻲ ﻭﺗﻔﺤﻂ ﻭﻣﺎﺗﺴﻜﺖ
ﺭﻳﺎﻡ -: ﻭﻟﺞ ﺷﺒﻴﻬﺎ ﺑﺘﺞ ﺑﺖ ﺍﻟﺨﺮﺍ ﺳﻄﺮﺗﻨﻪ ﺷﻜﺖ
ﺭﺍﺳﻨﻨﻪ ﺷﻚ ﺭﺿﻌﻴﻬﺎ ﺷﻮﻑ ﺷﺒﻴﻬﺎ
ﻧﻮﺭﺍﻥ -: ﺩﺗﺴﻨﻦ ﺷﺒﻴﺞ ﺗﻐﻠﻄﻴﻦ ﻋﻔﻴﻪ ﻟﺴﺎﻥ ﺷﻜﺪ ﺯﻓﺮ
ﺭﻳﺎﻡ -: ﺷﻐﻠﻂ ﻣﺎﺗﺸﻮﻓﻴﻦ ﺷﻠﻮﻥ ﺗﺼﺮﺥ ﻫﻢ ﺯﺭﻛﻪ ﻭﻫﻢ ﻣﺎﻛﺎﻋﺪﻩ ﺭﺍﺣﻪ
ﻧﻮﺭﺍﻥ -: ﻫﻬﻬﻬﻬﻬﻪ ﻫﺎﺝ ﺍﺧﺬﻳﻬﺎ ﺭﺍﻳﺤﻪ ﺍﺳﻮﻳﻠﻬﺎ ﺭﺿﺎﻋﻪ ﻭﺍﺟﻲ
ﺷﻤﺮﺗﻬﺎ ﻋﻠﻴﻪ ﻭﻫﻲ ﻛﺒﺖ ﺑﺎﻟﺼﺮﻳﺦ ﺍﺭﻳﺪﻫﺎ ﺗﺴﻜﺖ ﻣﺎﻛﻮ
ﺍﺷﻴﻠﻬﺎ ﺗﺴﺤﻞ ﺑﺮﻭﺣﻬﺎ
ﺍﺧﺬﺗﻬﺎ ﻭﻃﻠﻌﺖ ﺑﺎﻟﺤﺪﻳﻘﻪ ﻭﻫﻲ ﻉ ﻧﻔﺲ ﺍﻟﺮﻧﻪ
ﺭﻳﺎﻡ -: ﻧﻮﻭﻭﺭ ﺧﺮﺍﺍ ﻧﻮﺭ ﻭﻳﻨﺞ ﺗﻌﺎﺍﺍﺍﻱ ﺍﻟﻌﺒﺎﺱ ﻋﻠﻴﺞ
ﺭﺍﺳﻲ ﺭﺍﺡ ﻳﻄﻚ ﻣﻦ ﺧﺮﺏ ﻋﺸﻴﺮﺗﺞ
ﺍﺟﺖ ﻧﻮﺭ ﺗﺮﻛﺾ -: ﺷﺒﻴﺞ ﺷﺒﻴﺞ ﺷﺒﻴﻬﺎ ﺗﺒﺠﻲ ﺍﻭﻭﻭﻱ
ﻣﻔﺮﻓﺤﻪ ﺷﺒﻴﺞ ﻭﻳﺎﻫﺎ
ﺭﻳﺎﻡ -: ﺷﻜﺘﻨﻲ ﺷﻚ ﻭﺍﻣﻬﺎ ﻛﺎﻋﺪﻩ ﺗﺴﻮﻳﻠﻬﺎ ﺭﺿﺎﻋﻪ
ﺷﻤﺮﺗﻬﺎ ﻋﻠﻴﻪ ﻓﻜﻴﻨﻲ ﻣﻨﻬﺎ
ﻧﻮﺭ -: ﺷﻠﻮﻥ ﺭﺍﺡ ﺗﺘﺰﻭﺟﻴﻦ ﺍﻧﺘﻲ ﺧﺮﺏ ﺑﺒﻠﻴﺴﺞ
ﺭﻳﺎﻡ -: ﻛﻠﺸﻲ ﺣﻄﻴﺘﻮ ﺍﻟﻘﻨﺪﺭﺍ ﺍﻟﺰﻭﺍﺝ ﻫﺴﻪ ﻓﺪ ﺷﻲ
ﻣﻬﻢ ﻫﻮ ﺣﺘﻪ ﺧﺎﺑﺼﻴﻨﻪ ﺑﻲ ﻣﻨﻮ ﻛﻠﺞ ﺍﺭﻳﺪ ﺍﺗﺰﻭﺝ ﺍﻧﻲ ﻉ
ﺳﻮﺍﻟﻒ ﺍﻟﺠﻬﺎﻝ ﻣﺴﺤﺖ ﺍﻟﺰﻭﺍﺝ ﻣﻦ ﺑﺎﻟﻲ
ﻧﻮﺭ -: ﻛﻠﺸﻲ ﺣﻄﻴﺘﻲ ﺍﻟﻔﺸﺎﺭ ﻭﺍﻟﻐﻠﻂ ﺑﺎﻟﻨﺺ ﻭﺍﻟﻠﻪ ﻟﻮ
ﻳﺪﺭﻱ ﺍﺑﻮﻱ ﺍﻟﻪ ﻳﻌﻠﻜﺞ ﺑﺒﺎﺏ ﺍﻟﺸﺎﺭﻉ
ﺭﻳﺎﻡ -: ﺩﻫﺎﺝ ﻫﺎﺝ ﺳﻜﺘﻴﻬﺎ
ﺷﺎﻟﺘﻬﺎ ﻭﻣﺎﺳﻜﺘﺖ ﺍﺑﺪ ﺩﺧﻠﻨﻪ ﻟﻠﺒﻴﺖ ﻭﻛﻌﺪﺕ ﻧﻮﺭ ﻭﺣﻄﺘﻬﺎ
ﻉ ﺭﺟﻠﻬﺎ
ﻧﻮﺭ -: ﺟﻴﺒﻴﻠﻲ ﺯﻳﺖ ﻭﺷﻮﻓﻠﻲ ﺍﻣﻬﺎ ﻭﻳﻦ ﺭﺍﺣﺖ ﺷﻄﻠﻌﺖ
ﻫﺎﻱ ﻣﻤﻴﻪ ﻟﻮ ﻏﺪﻩ ﺟﺎﻱ ﺗﻄﺒﺦ
ﺭﻳﺎﻡ -: ﺗﻠﻜﻴﻬﺎ ﺗﺤﺎﺟﻲ ﺍﻟﻌﻴﻨﺘﻴﻦ ﻭﻋﺎﻳﻔﻪ ﻫﺎﻟﻔﻜﺴﻪ ﺗﺒﺠﻲ
ﺭﺣﺖ ﺟﺒﺖ ﺯﻳﺖ ﺍﻟﺰﻳﺘﻮﻥ ﻭﻛﻌﺪﺕ ﻧﻮﺭ ﺗﻌﺼﺮﻟﻬﺎ ﻭﺗﺼﺮﺥ
ﻣﻦ ﺍﻟﺒﺠﻲ ﻓﺤﻄﺖ
ﺗﺪﻫﻦ ﺿﻠﻮﻋﻬﺎ ﻭﺗﻄﻜﻄﻜﻬﻦ
ﺣﻄﺘﻬﺎ ﻉ ﺭﺟﻠﻬﺎ ﻭﺳﺎﻋﻪ ﻉ ﺭﺍﺳﻬﺎ ﻣﺪﺭﻱ ﺷﻨﻮ ﺳﻮﺕ
ﻭﻛﻤﻄﺘﻬﺎ ﺑﺎﻟﺨﺎﻭﻟﻲ ﻻﻥ ﻣﺎﻋﺪﻫﺎ ﻛﻤﺎﻁ
ﻧﻮﺭ -: ﻣﻤﺘﻮﻧﻪ ﺧﻄﻴﻪ ﻣﺎﺗﺸﻮﻓﻴﻬﺎ ﺷﻠﻮﻥ ﻣﺘﺎﺫﻳﻪ ﻭ ﺗﺒﺠﻲ
ﺭﻳﺎﻡ -: ﺷﻠﻮﻥ ﺳﻜﺘﺖ ﻳﺎﻋﻤﺮﻱ ﺷﻮﻑ ﺍﻟﺪﻣﻮﻉ
ﻧﻮﺭ -: ﻃﻔﻠﻪ ﺷﻌﺪﻫﺎ ﻏﻴﺮ ﺍﻟﺒﺠﻲ ﻻﺗﻜﺪﺭ ﺗﺤﺠﻲ ﻭﻝ
ﺍ ﺗﻜﺪﺭ ﺗﺸﻜﻲ ﺗﻜﻮﻡ ﺗﺒﺠﻲ
ﺭﻳﺎﻡ -: ﺧﻄﻴﻪ ﻭﻫﺎﻱ ﺍﻣﻬﺎ ﺍﻝ * ﻭﻳﻦ ﻭﻟﺖ
ﻧﻮﺭﺭﺭﺍﻥ ﻧﻮﺭﺍﺍﺍﺍﻥ
ﺍﺳﻤﻌﻬﺎ ﺻﺎﺣﺖ ﻫﺎﺍﺍﺍ
ﺭﻳﺎﻡ -: ﻳﺎﺍ ﻫﺎﺍﺍ ﺑﺘﺞ ﻓﺤﻄﺖ ﻭﺍﻧﺘﻲ ﺗﺨﺎﺑﺮﻳﻦ ﺻﺪﻙ ﺟﺬﺏ
ﻧﻮﺭﺍﻥ -: ﻧﺎﻣﺖ ﺳﻮﺩﻩ ﻋﻠﻴﻪ ﺟﻴﺒﻴﻬﺎ
ﺭﻳﺎﻡ -: ﺍﻭﻱ ﺳﻮﺩﻩ ﻋﻠﻴﻬﺎ ﻭﻳﻨﺞ ﻣﻦ ﻣﺴﺎﻉ ﻣﺎﺗﺖ ﻣﻦ
ﺍﻟﺒﺠﻲ ﺑﺎﻋﻴﻠﻲ ﺷﺒﻴﺞ ﺟﻨﺘﻲ ﺗﺒﺠﻴﻦ
ﻧﻮﺭﺍﻥ -: ﺍﻭﻭﻑ ﻫﺴﻪ ﺍﺣﺠﻴﻠﺠﻦ ﺧﻠﻲ ﺍﻧﻮﻣﻬﺎ
ﺭﻳﺎﻡ ﺑﻘﻠﻖ -: ﺻﺎﻳﺮ ﺷﻲ
ﻧﻮﺭﺍﻥ -: ﺍﺑﻦ ﺟﻴﺮﺍﻧﻪ ﻣﻨﺘﺴﺐ ﺑﺎﻟﺠﻴﺶ ﺍﻟﻌﺮﺍﻗﻲ ﻣﺨﻄﻮﻑ
ﺻﺎﺭﻟﻮ 3 ﺍﻳﺎﻡ ﻭﻫﺴﻪ ﻗﺒﻞ ﺷﻮﻱ ﻟﻜﻮ ﻣﺬﺑﻮﺡ ﻭﻣﺸﻤﻮﺭ
ﺑﺎﻟﺤﺎﻭﻳﻪ ﻳﻘﻬﺮ ﻋﻨﺪﻭ ﺟﻬﺎﻝ ﺻﻐﺎﺭ ﻭﻣﺮﺗﻮ ﻣﺎﺧﺬﻫﺎ ﻉ ﺣﺐ
ﻟﻄﻤﻨﻪ ﻉ ﺧﺪﻧﺎ ﺍﻧﻲ ﻭﻧﻮﺭ -: ﻋﺰﺯﺯﺍﺍﺍﺍ
ﻧﻮﺭﺍﻥ -: ﺍﻱ ﻭﺍﻟﻠﻪ ﺍﻟﻠﻪ ﻳﻨﺘﻘﻢ ﻣﻨﻬﻢ ﻭﺍﺣﻤﺪ ﻣﺤﺘﻘﻦ ﻭﻳﺒﺠﻲ
ﻳﻜﻮﻝ ﻣﺮﺗﻮ ﻣﻨﺘﻬﻴﻪ ﻣﺨﻠﻴﺘﻮ ﺑﺤﻀﻨﻬﺎ ﻭﺳﺎﺑﺢ ﺑﺪﻣﻮ ﺗﺎﺧﺬ
ﻣﻦ ﺩﻣﻮ ﻭﺗﻤﺴﺢ ﺑﻮﺟﻬﻬﺎ ﻣﺘﺨﺒﻠﻪ ﻋﻠﻴﻪ
ﻧﻮﺭ -: ﻳﺎﺭﺑﻲ ﺷﻨﻮ ﻫﺎﻟﻘﻬﺮ ﻭﺍﻟﻠﻪ ﻣﻠﻴﻨﻪ ﺍﻟﻚ ﺑﻴﻬﺎ ﺍﺭﺍﺩﻩ
ﺭﺑﻲ ﺟﻢ ﻋﺎﺋﻠﻪ ﺑﺎﻟﻌﺮﺍﻕ ﺗﻔﻜﻜﺖ ﻭﺍﻟﻠﻪ ﺗﺮﺩﻳﻠﺞ ﺑﺎﻟﻌﺮﺍﻕ
ﻋﺎﺋﻠﻪ ﻣﺎﺑﻴﻬﺎ ﺷﻬﻴﺪ ﻭﻣﺎﺑﻴﻬﺎ ﻣﺨﻄﻮﻑ ﻭﻣﻘﺘﻮﻝ ﻣﺎﻛﻮ ﻭﺍﻟﻠﻪ ﺗﻌﺒﻨﺎ
ﺭﻳﺎﻡ -: ﺻﺎﺭ ﻋﺎﺩﻱ ﺍﺻﻼ ﺻﺮﻧﺎ ﻣﺎﻧﺘﻌﺠﺐ ﻟﻮ ﺍﺣﺪ ﺍﻧﺬﺑﺢ ﻟﻮ ﺻﺎﺭ ﺍﻧﻔﺠﺎﺭ ﻛﻠﺶ ﻋﺎﺩﻱ
ﻧﻮﺭﺍﻥ -: ﺍﻱ ﻭﺍﻟﻠﻪ ﺧﻴﺎﺗﻲ .. ﻧﻮﺭ ﺷﻮﻛﺖ ﻋﺮﺱ ﺍﺑﻦ ﻋﻢ ﺭﺟﻠﺞ
ﻧﻮﺭ -: ﺍﻟﺨﻤﻴﺲ ﺍﻟﺠﺎﻱ
ﻧﻮﺭﺍﻥ -: ﺷﻠﻮﻥ ﺍﻟﻮ ﺧﻠﻚ ﻳﺘﺰﻭﺝ ﺑﻬﺎﻻﻭﺿﺎﻉ ﻭﺍﻟﻤﻮﺻﻞ ﺻﺎﻳﺮﻩ ﻣﻮ ﺍﻣﺎﻥ
ﻧﻮﺭ -: ﺷﻴﺴﻮﻱ ﻫﻢ ﺍﻫﻞ ﺍﻻﺑﻨﻴﻪ ﻣﻠﻮ ﻭﺗﻌﺒﻮ ﺍﻟﻮﺿﻊ
ﻣﺎﺯﻳﻦ ﻭﻫﻮ ﻣﻨﺘﺴﺐ ﻭﺩﻭﺍﻣﻪ ﻭﺷﻐﻠﻪ ﺧﻄﺮ ﻭﺧﺎﻳﻔﻴﻦ ﻋﺎﺩ
ﻛﺎﻟﻮ ﺍﺣﺴﻦ ﻣﺎﺗﺠﻲ ﺳﻤﻌﻪ ﻣﺎﺣﻠﻮﻩ ﻉ ﻟﺒﻨﻴﻪ ﺧﻠﻲ
ﻳﻔﻀﻮﻫﺎ ﻭﻳﺘﺰﻭﺟﻮﻥ ﺍﺣﺴﻦ ﻣﻦ ﺑﺎﻗﻴﻪ ﻻﻫﻲ ﻣﺘﺰﻭﺟﻪ ﻭﻻ ﻫﻲ ﻣﻄﻠﻜﻪ
ﻧﻮﺭﺍﻥ -: ﻳﺘﻬﻨﻮ ﻳﺎﺭﺏ ﺗﺮﻭﺣﻴﻦ
ﻧﻮﺭ -: ﺍﻱ ﻋﺰﻳﺰ ﻛﻠﺶ ﻋﻠﻴﻪ ﻭﺷﻠﻮﻥ ﺷﺎﺏ ﻳﺨﺒﻞ ﺯﻳﻨﺔ
ﺍﻟﺸﺒﺎﺏ ﺍﻟﻠﻪ ﻳﺸﻬﺪ ﻛﻞ ﺍﻟﻨﺎﺱ ﺗﺤﻤﺪ ﺑﻲ ﻭﺳﺎﻋﺪﻧﻲ ﻫﻮﺍﻳﻪ
ﻧﻮﺭﺍﻥ -: ﺧﻄﻴﻪ ﻭﻟﺞ ﻫﺎ ﻭﺭﺟﻠﺞ ﺗﺼﺎﻟﺤﺘﻮ
ﺭﻳﺎﻡ -: ﺍﻱ ﺗﺼﺎﻟﺤﺖ ﻣﺎﺗﺸﻮﻓﻴﻬﺎ ﺧﺠﻠﺖ ﺗﺎﺧﺬ ﺟﺎﺋﺰﻩ
ﺑﺄﺳﺮﻉ ﻣﺮﻩ ﺗﺘﻌﺎﺭﻙ ﻭﺗﺰﻋﻞ ﻭﺗﺘﺼﺎﻟﺢ ﺑﻨﻔﺲ ﺍﻟﻮﻗﺖ
ﻧﻮﺭ -: ﻫﻬﻬﻬﻬﻬﻬﻪ ﻟﻴﺶ ﺍﻧﻲ ﺍﻛﺪﺭ ﻉ ﻓﺮﺍﻛﻪ ﻋﻠﻮﻟﻲ ﺣﺒﻴﺒﻲ
ﺭﻳﺎﻡ ﻭﻧﻮﺭﺍﻥ -: ﻫﻬﻬﻬﻬﻬﻬﻬﻬﻪ ﺍﻣﻤﻤﻤﻢ
ﺍﻧﺪﻙ ﺍﻟﺠﺮﺱ ﻭﺍﺟﻮ ﺧﻄﻴﻪ ﻻﻓﻴﻦ ﺭﺍﺳﻮ ﺑﺎﻟﺒﺎﻧﺪﺝ ﻭﺍﻳﺪﻭ
ﻭﻧﺺ ﺟﺴﻤﻮ ﻣﺤﺘﺮﻙ ﻭﻧﺎﻣﻲ ﺧﻄﻴﻪ
ﺭﻳﺎﻡ .. ﺷﻠﻮﻥ ﺻﺎﺭ ﻣﺘﺎﺫﻱ ﻛﻠﺶ؟
ﺷﺬﻯ .. ﻧﺺ ﺟﺴﻤﻪ ﺍﻳﺪﻩ ﻭﺭﺟﻠﻪ ﻭﺭﺍﺳﻪ ﻭﻭﺟﻬﻪ ﺑﺲ
