الشهيدة احمد. زيزو🥀
خاطفي🖤
الحلقه10
انا قعدت ساكته ومش مستوعبه رفعت عيوني وبحتت في مرت بوي.نزلت عيونها.رجعت بحتت في باتي
باتي صبا:يالله.مهم فكري كويس وعطيني جوابك وبنبدو في اجرأت الطلاق...وهلب من جنبي وطلع
بحتت في مرت بوي مرة اخرى..صبت وطلعت حتى هيا بدون كلمه...قعدت مقعمزة فترة بعدها صبيت ونحس رجليا مش شايليني.قعدت نسند روحي بساس لين وصلت للباب فتحته وطلعت لقيت البنات في الصاله والضي مطفي ويتفرجو على التلفزيون وباتي ومراته في دارهم..دخلت الحمام غسلت وجهي وطلعت رفعت البطانيه ودخلت في مكاني وتغطيت.....بحتت في همزة لقيتها راقدة....همزة...همزة...همممزة
همزة تحركت وتلفتت للجهة التانيه:بالله عليك خطيني تعبانه
هزيتها مرة اخرى...هممزة نوضي وراسك
همزة غمت راسها في البطانيه ورقدت.....تنهدت وقعدت نفكر......مريم
انفجعت وبحتت جنبي
زينب متكيه على يدها:خيرك
انا:احمم لا شي ارقدي
زينب:غير قولي شن في
انا فكرت شوي بعدها قلت:ساعديني بالله عليك
زينب عقدت حواجبها مستغربه:في شن
انا تلفتت يمين ويسار وبحتت فيها:نبي تلفون
زينب فنصت عيونها:علاش
انا:غير نبيه بعدين نقولك
زينب نحت البطانيه وصبت:تعالي.ومشت شور المطبخ(مازلت حايرة مطبخ ولا كوجينه احسن💁🏻)وصبيت لحقتها
زينب مشت شور البريزه:باتي ديما يركب البيله امتاعته في الشحن لانه يطلع الفجر للخدمه...لكن مرات مفيش رصيد.ومداته ليا
انا خديته بسرعه:به صبي برة باش احرسيلي
زينب هزت راسها بتمام وطلعت.وانا قعدت نفكر ونطقطق بصوابعي على شاشه التلفون:شن كان رقمه......كم....كم.....كم....كم....ياااارب..وكتبت رقمه ولحسن حظي طلع هوا.قعد يرن.......الووو
انا مسكت الفون بيديا الزوز ونهمس ونبكي:يمن
يمن سكت شوي:مريم!!!
انا نبكي ونهمس:تعال خودني.....وبدون ذرة تردد رد عليا وقال
يمن:حاظر
وفي بعض الأحيان👌🏻......مجرد كلامات بسيطه.....مجرد تصرف عفوي.......مجرد كلمه بدون قصد.....تحسسك بكثير من المشاعر....وطينه الشخص تحكم👌🏻....إما شعور سئ....او شعور جيد💁🏻.....
قلت له ماطق الباب توا نطلع لك رن بس وسكرت منه ونمسح دموعي وطلعت لزينب خديت عبايتي لبستها ولفيت وشاحي ولبست كندرتي وزينب مستغربه مني
هز التلفون في ديد سكرته وعطيته لزينب
زينب تهمس:وين ماشيه.ومفنصه عيونها
انا:اسمعيني انتي لا شفتيني ولا تعرفي امتى طلعت كنتي راقدة ومافطنتي باهي
زينب تلحقني وانا ماشيه للباب ونفتح فيه بشويش:تي وين ماشيه فهميني
انا تلفتت عليها:شكرا اختي وضميتها
زينب حطت يدها على ظهري وتملس عليه:عيب انا اختك
وياااااه منك يا دنيا
ياريت جينا في زمان غير زمانة.....بيئه مختلفه.....تفكير مختلف.....زمن مازال فيه انسانيه ومشاعر....
وخرت عنها وفتحت الباب:ماشفتني باهي
زينب:تمام ماتخافي
انا ابتسمت وطلعت وزينب سكرت الباب بشويش...طلعت لباب الجنان نفتحه كان مسكر بسلك...قعدت نفتحه وقلبي بيطلع....خوفي يعادل خوفي يوم انخطفت....فتحت الباب وطلعت راسي بحتت يمين مفيش حد بحتت يسار ونلقى يمن مصبي قدام سيارته...وبدون وعي لقيت روحي في حضنه ونبكي بلعبرة
يمن مخلوع ويسأل فيا:كنك...من زعلك...من جاء شورك
وانا نهز راسي بلا بس ونبكيوخر يمن راسي وقعد يمسحلي دموعي:ششش خلاص ياعمري انتي معاش تبكي..وكرني لحضنه مرة تانيه
انا لو نلقى معاش نطلع منه الحضن هاذا...قعدت في حضنه بعدها فطنت:يمن هيا نروحو
يمن ماسك يديا ويشبح فعيوني:كنك انتي علاش تبكي
انا:وراس يمن هيا توا نقولك في الطريق
يمن:اوكي هيا.وفتحلي الباب ودخلت وطبقه عليا ولف جهته وفتح الباب ودخل طبق البا وركب المارشه وطلعنا وطول الطريق نمسح دموعي ونتنفس ويمن ماباش يسألني على شي لين نحكي بروحي.....وصلنا للحوش ونزلت وركبت لداري وخليت يمن يسكر السيارة...ركبت وفتحت الباب وخشيت نحيت وشاحي وعبايتي وجيت بنخش الباب وسمعت صوت الباب تلفتت وبحتت في يمن مصبي ويبحت فيا وحاط يديه في جيوب سرواله وشعره نازل على عيونه ونظرته كانت غريبه...قصدي حلوة....قصدي مفهمتهاش..ً.. اااااااوكي حلوة🤦🏻♀
جيت بخش الحمام لكن يمن شد يدي وكرني ليه وحضني انفجرت في حضنه نبكي بلعبرة ونشد تيشرته بقوة قعدت في حضنه لين هديت وسكتت وقعدت نشهق مرة مرة
يمن تباعد ومسك خدودي وطبس عليا ويشبح فعيوني ويحكي بهدوء:كملتي
انا ساكته ونشبح لعيونه ولونهم الحلو الي مش مفهوم رمادي من ازرق
يمن قرب وحط خشمه ع خشمي وحركه
انا نبتسم بشويش ونحكي بهمس تقريبا:بنغسل وجهي
يمن باس خشمي:بعدين تغسليه ونزل باس فمي
انا جسمي اقشعر كله وقعدة جامدة في مكانييمن حط يده على خصري واليد الاخرى دخلها في شعري ولف بيا شور السرير ودفني عليه طحت وجا فوقي ونزل عليا و.........
--------------------------------الشهيدة احمد. زيزو🥀
فتحت عيوني وكنت راقدة على ظهري ونشبح فوق..تلفتت ورقدت على جنبي وقابلت يمن كان راقد وشعره نازل على وجهه..مديت يدي نلعب بشعره نزلتها لعيونه....... خشمه...... لحيته........ فمه...قربت منه ودرت خشمي على خشمه وحركته عليه رمش بعيونه شوي وهوا مغمضهم...عاودت حركته...فتح عيونه الرماديه وبحت فيا ويادوب تكلم
يمن بصوت نعسان:صباح الخير
انا مبتسمه:صباح النور
يمن قعد يبحت فيا وساكت
انا تحشمت وارتبكت من نظراته ونضت
يمن مسك يدي:وين
انا تلفتت ليه:بندوش ووووووو
يمن رفع روحه واستند على السرير ورجع شعره لورا:وشني
انا:ندوش
انا ابتسم ع جنب وكرني شوره:قوليلي قبل
انا نبحت فيه ووجهي قريب من وجهه:شن
يمن يمشي يده ع خدي:كنك امس
انا زمطت:شي
يمن رفع حاجبه:مصدقك
انا رجعت خصله من شعري كانت طايحه ع عيوني:انااا اناا تعاركت معى.....
يمن:معى من
انا بحتت فيه:مرت بوي احمم
يمن يبحت فيا بشك:وهادا شي يخليك ترجعي الساعه3الفجر!!!
انا تباعدت عنه ونزلت من السرير ونحكي:اهاا الصلي زعلت ورقتها ليا فقلت نروح خير احمم ورفعت تيشرت يمن لبسته وبحتت فيه
يمن يبحت فيا:اهاا.به ندوش قبلك راه
انا تريحت لانه فات الموضوع ومابيتش نخبره لانه خفت من المشاكل لانه اكيد مش حيسكت وابتسمت:انلا ومشيت شور الحمام
يمن ناض من السرير بسرعه وجا شوري
انا جريت للحمام لكن يمن طق فيا قبل مانوصل ومسكني من خصري ورفعني ومشى شور الحمام
انا نضحك:وين ماشي نزلني
يمن فتح باب الحمام:بندوشو وخش بيا وسكره برجله
--------------------------------الشهيدة احمد. زيزو🥀دوشنا وطلعنا وغيرنا دبشنا ونزلنا تحت ويمن طلع عنده مشوار وانا لفيت رغد في المطبخ وتفأجأت بزمرد معاها ويحضرو حلو
انا:خير
رغد بحتت فيا:خيرات كيفك مريومه
انا:تمام.وتلفتت لزمرد.خير
زمرد ابتسمت ورفعت حاجب:خيرات يا حنه
انا قدمت الدولاب طلعت بكراج وحطيت قهوة لانه نحس راسي يوجع من بكي امس
رغد تزين الكيكه:امتى روحتي مش كنتي بايته عند هلك
انا تلفتت ليها وجت عيني في عين زمرد ابتسمت بخبث وقلت:اهاا كنت نبي نبات لكن يمن رفض ميقدرش يرقد بدوني بسلامته
رغد ضحك:ربي يحقظكم لبعض.وخدت الطاجين حطاته في الثلاجه
زمردة مقعمزة ع الكرسي وشادة قصى في حضنها وتبحت فيا برفعت حاجب.ابتسمت ليا وتلفتت للبكراج طفيت تحته النار وحطيت سفرة وصبيت الفهوة وحطيت معاها اميه وتلفتت لرغد:عمتي راقدة
رغد تنظف مكان الكيكه:لا نايضه كنت معاها امبدري
انا:تمام معناها بناخد القهوة لعندها ونشربها معاها
رغد:لا نحنا شربنا قبلك شوفيها هيا بالك تبيها
انا:اهاا به وبحتت في زمرد وابتسمت ليها:شني زمرد متبيش انتي
زمرد وهيا راقيلها:لا صحه
انا طلعت ومشيت شور غرفه عمتي وكنت فرحانه نعرفش علاش...تخلطو عليا مشاعري معى يمن واستفذاذي لزمرد😒
طقيت الباب ودخلت لقيت عمتي تقرا في قرآن وقت شافتني سكراته وحطاته على الكمدينه:صدق الله العظيم.شني يابنيتي امتى روحتيانا مديت ليها طاسه:امس.كيفك اليوم
عمتي وهيا تاخد القهوة:اهو الحمد الله.كيفهم حوش بوك شخبارهم
انا قعمزت ونشرب قهوة:لا تمام الحمد الله يسلمو عليك🤦🏻♀
وقعدنا نهدرزو
يبت رغد الغداء وتغدينا وكنت مش متريحه بكل بوجود زمرد وكانت طول الوقت عيونها عليا
كملنا وغسلت امواعين ونظفت المطبخ ودرت شاهي وكاكويه وطلعت قعدت جنبهم نهدرزو واستأذنت منهم جيت ورقيت لداري واول مامديت يدي بنفتحه حسيت بيد لفت ع بطني واتانيه سكرت فمي.......
.
.
.
.
.
يتبع
