الكاتبه:الشهيدة احمد. زيزو🥀
روايه خاطفي🖤
الحلقه:5🥀
وعيت على صوت الباب يطق فتحت عيوني بسييف ونضت خديت وشاحي ولفيته وفتحت الباب:نعم
يمن جبدني من يدي ومشى بيا بسرعه....
انا:هييي بشويا ي...
يمن قاطعني:ششششش تعالي بدون صوت(يهمس)
انا زمطت ريقي بخوف كان ليل.........
قعدنا نمشو بسرعه لين وصلنا تحت
انا:يمن وين ماشين
يمن:طالعين من هنا.....
انا خاااايفه متوترة مرعوبه......
طلعنا برة كان في سيارة جيب
يمن:اوقفي عند الحيط ودرقي روحك
انا طول مشيت لعند ماقالي وو قفت جنب لكناسه(اكرمكم الله)كان الحيط كله كناسه قعمزت ركبه ونص والكناسه مضرقتني عن الطريق قعدت نستنى يمن لين حسيت بحركه شبحت جنبي لقيت كلب كبيييير السود يخوف...
انا حطيت يدي على فمي ونرعش ونكمد صوتي....ياربي وووه وينك يمن...
الكلب قعد يتمشى جنبي...ماقدرت نتحرك بكل من الخوف بديت نصب عرق برغم انه صقع بكل لكن من خوفي بديت نعرق....
قعدت مغمضه عيوني ونرعش من الخوف والصقع والعرق وكلل شي.....
حسيت انه معاش في صوت حركه فتحت عيوني لقيت الكلب مشى...اووه الحمد الله صبيت نحاول نشوف وين يمن شبحت مكان السيارة...فاضي ويمن مفيش...هرب....بديت نمشي شور المكان الي كانت السيارة واقفه فيه غمضت عيوني بسبب ضي سيارة قوي بكل قعدت ماشيا بجهتي وانا خفت:هادا خيره اكيد بيضربني لصقت في الحيط لكن لف السيارة جهتي
انا غمضت عيوني وعيطت بقوة
يمن نزل القزاز:هيا!
انا شبحت فيه وفاتحه عيوني....
يمن:هيااااا
انا مشيت شوره ونرعش من الفجعات الي حصلتهم....دخلت وطبقت الباب..كانت نفس الجيب
انا شبحت فيه:كيف خديتها؟
يمن شبح فيا ع جنب:متبيش تعرفي
انا النصدمت رجعت شبحت قدامي بعدها تزكرت وشبحت فيه:البنت الاخرى وين؟
يمن ساكت
انا:يمن!...وين البنت
يمن يسوق وساكت
انا:يممممن قول
يمن شبح فيا:مشت هيا ورا...
انا قاطعته:سيااارة سياااارةاااااااا
يمن لف السيارة وخبطت في المرشبيدي والنقلبت واخر شي كنت نشوفه يد يمن يحاول يمسكني.............
السيارة انقلبت بينا في الطريق وانا اغمى عليا والتمو علينا الناس
يمن يحتول يفتح الباب برجله...فتحه وطلع من السيارة وكتفه تنزف خاشه فيها قزازة كبيرة ومشى لجهتي وفتح عليا الباب وطلعني وانا مغمى عليا
يمن خداني في غمره:افتحي عيونك نوضي....
راجل:ياخي هيا ناخدوها للمستشفى ضروري
يمن شبح فيه ورفعني في حضنه وحطني في سيارة الراجل.....
يمن حاطني في حصنه:الصبري قريب نوصلو وهوا يضمني لين دموعه بدو ينزلو ويتزكر ماضيه 💔
يمن:بسرعه...بسرعه
الراجل شايب شوي:اهداء يا ولدي ان شالله مافيها شي
يمن يشبح فيا وجرحه ينزف وقال بصوت خافت:ماتمشيش
وصلو للمستشفى ونزل بيا يمن يعيط وخدوني لطواري كنت نص واعيه ونشعر بكل الي صار دخلوني ويمن قعد يستنى براء
الممرضه:معليش تعال معي جرحك ينزف
يمن شبح في كتفه ومشى معى الممرضه....وخيطت له جرحه ونظفت جروح وجهه وظهره.....وطلع قعد يستنى لين طلعت له الدكتورةومشى لها
الدكتورة:معليش وين راجلها او بوها...
يمن حك رقبته ومنزل عيونه:احمم انا زوجها..ورفع عيونه
الدكتور:توا راقدة وكويسه مجرد جروح سطحيه بس وسلامتكم
يمن:نقدر نخش عليها
الدكتورة:اهاا تقدر
يمن:شكرا
الدكتورة مشت ويمن خش عليا
انا كيف فقت ونتلامس راسي عليه شاش....
يمن خش بدون مايطق
انا شبحت فيه:انتا كويس؟
يمن:اي...كيفك انت...وجبد كرسي وقعمز
انا نتلامس راسي:مش عارفه راسي يسطر ورجلي
يمن حط يده على حاجبه:المهم مجرد جروح سطحيه ومش خطيرة
انا:وتشبح فيا بدون وشاح!
يمن شبح فيا.....
انا ابتسمت ليه.....
يمن:وين عيلتك؟
انا:في طرابلس
يمن:نحنا في بنغازي
انا:امتى نمشو لي طرابلس
يمن:مش عارف حتى مهاب صار له ظرف ومشى
انا:خطرها وين البنت
يمن:هادي القصه هيا سبب كل الي صار
اناسكتت
يمن ناض وجاء بيطلع
انا:وين ماشي🥺
يمن بدون مايلتفت:بندير حل...وطلع
انا رجعت راسي لتالي ونحس بوجع......وبعد فترة خشت عليا ممرضه وعطتني مهداء
انا شبحت فيها:معليش وين الشاب الي معايا
الممرضه:قصدك راجلك
انا كص عليك زوجتني الحقيرة:ممم اي
الممرضه:مش عارفه طلع من بدري...سلامتك وطلعت
انا بداء النوم يسيطر عليا اكيد المهداء فيه نسبه منوم....رقدت
-------------------------------------------
الكاتبه:الشهيدة احمد. زيزو🥀
