الشهيدة احمد. زيزو🥀
خاطفي🖤
الحلقه12
انا طلعت وتلاقيت معى يمن مصبي.....كان تعبان هلبا.....عيونه حمر دبلانه.....قربت منه وحضنته....قعد ساكت ومادار شي....وخرت عنه وشبحت فيه
يمن حط.صبعه السبابه وابهامه على عيونه:نبي ندوش
انا:خش دوش توا نحددلك دبشك
حركلي حوجبه بمعنى تمام وهلب من جنبي دخل الدار وخش الحمام يدوش
حددت دبشه وقعدت نستناه يطلع.....طول هلبا داخل.......بعد نص ساعه في الحمام طلع وكان لاف منشفه ع خصره وصدره عريان
نضت وخديت دبشه وقربت منه مديتهوله:تفضل حددته
يمن شده مني ومشى شور السرير قعد وحطهم جنبه وقعد
شاد منشفه بيده ويشبح قدامه سارح
قربت منه وخديت المنشف رفع فيا عيونه وانا ابتسمت ليه......مشيت ولفيت للجهة الاخرى وركبت فوق السرير وصبيت ع ركابي وقعدت ننشف له شعره....كان ساكت وانا نمسح له شعره...نزلت لظهره نمسحه.....خداء نفس وتكلم
يمن يحكي بهدوء:وقت كان عمري تسعه سنين كنت نلعب على الدروج وبدون ماننتبه تعورت رجلي وطحت من عليهم......خداء نفس وكمل.......طحت لين نهايتهم جت امي ووقتها كانت حامل بأختي الي توفت...جتني مفجوعه ورفعتني كان باتي طالع يخدم في الكوشه.....خداء نفس.....ومفيش حد معانه كنت نتوجع ونبكي وصدري يوجعني هلبا....معرفتش شن تدير رفعت مهاب على ظهرها وخدتني في حضنها وطلعت تجري بيا للمصحه.........خداء نفس.........كانت ادور على تكسي لكن مالقتش قعدت تجري بيا مسافه طويله لين وصلنا للمستشفى كنت فاقد لنص وعيي قعدت نسمعها تبكي وتترجاهم يدخلوني كان الدم يطلع من فمي وخشمي.......خداء نفس........دخلوني ودارولي كشف وصورة....كان عندي كسر في ضلعي..وحط يده ع حاجبه...وهنا خشت فيا حديدة الدروج ونزل يده لبطنه.ً...وانجرحت كم جرح هنا كان لازم تدفع حق الصورة والكشف وهيا ماعنداش كيف تدفع وكانت حاملاة مهاب على ظهرها وبطنها قدامهامالقتش كيف تدفع طلعت وباعت دبلتها ودفعت حق المصحه
دارولي عمليه وخيطو جروحي ورقدت هديك اليله في المصحه وامي معي وكانت تعبانه هلبا ومهاب كان صغير ممكن6سنين مش متذكر.........خدا نفس...ً.......كانت عيونه حمر معبيا دموع...ضوته مخنوق ويرجف......كان قلبي ينعصر من الوجع....كمل يمن
طلبو منها دفع حق يومين نبات فيهم لكن هيا مكانش عندها باش تدفع وحق الدبله دفعت بيه حق الكشف والصورة.....كانت مكسورة.....باتي ماجاء بكل....ماكانش يعرف وينا.....امي معنداش نقال بيش تخبره.....مقدرتش تدفع فطلبو منها تروح بيا وبعد ذل وإهانات بيش نبقى في المصحه رفضو وطلعونا منها..........روحت بينا للحوش على رجليها كان مهاب على ظهرها وانا في حضنها.....كنت نحس بألم رهيب وكنت طول الطريق نبكي وهيا تبكي على دموعي......كانت حافيه مش لابسه في رجلها.ً.....رقدت في حضنها وهيا ماشيه في الطريق......غمض عيونه وفتحهم وكمل.......روحنا للحوش واول مادخلنا هجم علينا باتي...كان فقمه غضبه...طحت على الارض ومهاب طاح وقعد هوا يضرب فيها وتعيط وانا عنديش حيل نقول شي كنت نكبي من الوجع ومن المنظر.ً.......قعدت تحاول تحمي بطنها من الضرب وتقول طاح...طاح طاح يمن طاح......وقف لفترة يقول شن تقولي .......قعدت ماسكه بطنها وتحكيله شن صار ووين كانت....النصدم وتفاجاء وبدون كلام نزل وحضنها وقعد يبكي💔....نزلو دموعه.....ًشافني طايح ونبكي زحف ليا ومسكني ويبكي....مسح دموعه وبحت فيا.......تعرفي شن قال!!!
قال.....اسف لأني عيشتكم هكي.....اسف لأنكم انذليتو.......اسف لأني جوعتكم......اسف.....اسف.......اسف......اسف.....اسف.....اسف.....كان يردد الكلامه ودموعه ينزلو......انا قعدت نبكي وقربت منه ضميته....انفجر وقعد يبكي مثل الطفل....لف يديه ع خصري بقوة ويبكي.......تقطع قلبي.......اخيي من الشعور.....دموعه وااااعره.....واااعره جدا.......قعد في حضني وانا كنت نبوسه في كل مكان ونهديه....................
........... سوف تمُر👌🏻
ستمر مثلما مرت أشياء عديدة و عديدة من قبلها
و لكن هذه المرة !
ستمر مثلما تمر شاحنة ضخمة محملة بالأثقال فوق قلبك مراتٍ و مرات
ستمر كأطرافِ يداك عندما تُبتر
ستمر كذاك الجرح الكبير الذي في جسدك و فوقه رشة ملح و بعض من الليمون
ستمر و كأن ثقل جسدك فوق رمش عيناك
ستمر رغم كل هذه السهولة ستمر👌🏻..............حسيت بيه الرتخى وثقل عليا نزلت وجهي نبحت فيه لقيته راقد🥺 ياااااااالله قلبي ياااااااااالله قلبي................رقدته على ظهره ورقدت جنبه وخديته في حضني.....كان مثل البيبي الي فاقد امه💔وحقا كان فاقدها💔.......
اللهم أنيي توگلت عليگ، وسلمت أمري إليگ،لا ملجأ ولا منجا منگ إلا أليگً.............................
الشهيدة احمد. زيزو🥀
نضت الصبح لقيت يمن راقد بسته وسحبت روحي بشوي باش مايفيق وخشيت للحمام توضيت وطلعت صليت وقعدت ندعي ونسبح فترة بعدها طلعت للمطبخ جهزت الفطور وحطيته وخشيت على يمن لقيته مدوش وكيف مكمل صلاته ويقرى قرآن...ابتسمت وقعدت على السرير نتأمله.......صوته في قمه الروعه........كل مرة يذيد إعجابي بيه👌🏻وكل مرة تتعلق روحي بيه اكثر....ً.كان يقرآ وانا نقراه هوا........صبيت وجيت جنبه سكر القرآن....صدق الله العظيم....وتلفت ليا......ابتسمت
انا:الفطور جاهز
يمن تنهد:باهي
انا قعدت نشبح فيه
يمن صبا وخداء المصحف وحطه ع الكومدينه وتلفت ليا وقعد يبحت فيا..........
انا صبيت وقربت منه وانا نبحت في يده...مديت يدي ومسكتها دخلت صوابعي بين صوابعه وضميتهموبحتت فيه
يمن نزل عيونه ليدي بعدها بحت فيا:خليك معي
انا بحتت فيه وقربت منه رفعت روحي وحضنته وقلت له:سأبقى لك الروح في هذا الكون
فإن لم أكن لك لمن أنا أكون ؟
ياحياتي وياتاج عمري المصون
بك وحدك ينبض قلبي الحنون
بك وحدك يهتف عالمي المكنون
ولك وحدك يفيض نهري المجنون
يانور عيني ياروح قلبي ياحياتي
سأكتبك حرفاً على سطح القمر
يستقي منه العشاق الحلم والسهر
وسأرسمك لوحةً أضاهي فيها البشر
من نورها يستمد الناس البصر
وسأنقش اسمك على كل حبة مطر
لتفوح الأرض بعطر روحك بعد حلم منتظر
سأبقى لك الروح في هذا الكون
فإن لم أكن لك لمن أنا أكون ؟
قعدت شاده فيه ونحس بنبضات قلبه قويه......
انا وخرت منه:تعال نفطر
يمن هز راسه بتمام:توا نلحقك
انا طلعت وقعدت نستناه لين طلع وقعدنا نفطر.......كنت نراقب حركاته.....كان يحرك الكاشيك وماكلا شي
يمن صبا:الحمد الله ومشى شور المطبخ يغسل يديه
انا نبحت فيه:صحه
يمن غسل يديه وطلع:تسلمي.ً....بننزل تحت نشوف مهاب كيفه
انا صبيت:استنى شوي ننزلو معى بعض
يمن حك حاجبه:باهي تمام
انا ابتسمت ليه ولميت الحوسه وغيرت دبشي بسرعه ومشينا لشقه مهاب ورغد طقينا وفتحت لينا رغد.ودخلنا لقينا مهاب في الصاله ومقعمز......يمن قرب منه وقعمز جنبه وحط يده على كتف مهاب: ما يعين على الحفظ بعد عون الله تعالى الإكثار من قول: "لا حول ولا قوة إلا بالله فأكثر منها
مهاب تلفت عليه وحضنه ودموعه ينزلو
رغد بكت لبكاء مهاب
بحتت فيها وقربت منها حضنتها وانا نحس روحي بنتمزق.......فكه مهاب وقعدو يمسحو دموعهم وانا نهدي رغد ......وحقا انا محتاجه من يهديني
ناض يمن ومهاب وطلعو معى بعض وانا قعدت عند.رغد.وبعد.فترة جو عيت رغد امها واخواتها وفيهم زمرد😒اوووووووف مريم مش وقت غيرتك بكل🤦🏻♀
قعدو يهدرزو علينا
رقيه اخت رغد:باهي وتوا كيفه يمن
انا تلفتت وبحتت فيها🤨🤨🤨🤨🤨توا من من بناخدها بس
زمرد:اي حتى نا ماسلمت عليه وما عزيته اكيد تعبان هلبا وتعبان هلبا هلبا
انا🥴🥴🥴:لا الحمد الله صار احسن
ام رغد:الله غالب هاذا قضاء وقدر ولازم نرضو بلمكتوب
رغد:الله يرحمها
نحنا:امين
قعدنا نهدرزو وانا كنت اغلب الوقت مستمعه.......مر الوقت وروحو حوشهم
وانا ورغد.جهزنا العشى وقعدنا نستنو امتى يجو الشباب
انا:رغد انا بنطلع للجنان نشم شويه هواء
رغد ترضع قصى وتحاول ترقده:اوكي تمام
انا طلعت وخديت وشاحي لبسته ونزلت تحت وطلعت للجنان قعدت على الكرسي ونشبح.لنجوم.......فجاء حسيت بحكره غريبه بحتت مالقيت حد......رجع الصوت
دورت بعيوني مالقيت شي خفت ونضت بنخش جوا
السلام عليكم
انا:هييي😨😱😱😱شعبان
شعبان؛
.
.
.
.يتبع
