الكاتبه:الشهيدة احمد. زيزو🥀
روايه خاطفي🖤
الحلقه2🥀
حاولت نهرب لكن مسكوني وانا نعيط ونبكي ونترجا وحطوني ربطوني وحطوني في كوفني السيارة وسكرو عليا كنت نسمعهم يتكلمو لكن ماقدرت نفهم شن يقولو وقفو اكتر من مرة لكن ماحد جاني قعدنا نمشو لوقت طويل وانا طووول الوقت نبكي وفمي مسكر بلصقه وعطشت وجو صقع وكنت متجمدة ومن كتر البكي والخوف بديت نخض
فتحت عيوني وانا منفجعه ومانعرف امتى رقدت شبحت في الشخص الي فتح كوفني السيارة عليا كان صبح شكله رقدت واجد...الشاب كان ملثم ولابس السود كله ومش باين غير شعره طبس عليا وكرني من يدي لين جيت واقفه وخبطت رجلي في حديدة السيارة وتوجعت بكلل وماقدرت النعيط لانه فمي مسكر بلصقه قعدو دموعي ينزلو بس الشاب قعد يكرني من يدي ويمشي بسرعه لين وصلنا لحافله زي امتاعت المدرسه وفتحو الباب ودخلوني بعد جوله مقاومه لكن كان اقوة مني وبعد دخلت النصدمت كانت معبيا بناات 😳....قعمزني على اخر كرسي لانه الوحيد الي مافيه حد ربط يديا ورجليا كنت نبكي ونشبح للبنات كان منظر يخوف وفي وحدات يبكو ويعيطو وفي وحدات راقدات وفي وحدات ساكتات ويشبحو بس...لاحظت وحدة مقعمزاء بروحها مش مربوطه شعرها قصير ودايرة وشم في وجهها وشادة دخان وايفون ولابسه سروال جينز قصير لعند الركبه وصدريه سودة ومش محجبه...حطيت راسي على المرش امتاع النافذة مانت مضلمه قعدنا نمشي لوقت طوووويل لين جاء اليل ماقدرت نعرف لوين ماشين لانه الطريق كانت شبه صحراء كنت عطشانه بكلل قعدة فايقه لين طلع الصبح..وانا نشبح لطريق ونفكر شن يستناني؟شن مصيري؟....دخلو علينا 3شباب شادين شيش امياء وكل واحد مشى لبنت يشربها وكل مرة يشرب بنت يمشي لتانيه اما انا جاني نفس الي دخلني بسيف لسيارة ونحالي الصقه على فمي وقعد يشربني بعدها جاء بيصكر فمي....
انا نبكي ونهمس:بللهي عليك نبي حمام
الملثم شبح فيا بعدها شبح في الشباب وقال:طلعو البنات الي يبو حمام...
الشباب بدو يطلعو البنات وكل واحد اخد معه 4بنات وانا طلعني الملثم ومشينا لجها بعيدة شوي وجينا عند صخرة كبيرة وانا كانو يديا مربطين ومانقدرش ننحي سروالي والعبايه....
انا:افتحلي يديا
الملثم قرب مني ورفع عبايتي
انا نطيت ووخرت عنه وفاتحه عيوني:وخر عني...افتحلي يديا توا نديره بروحي
الملثم شبح لعيوني بحدة وبحكره سريعه فتح العبايه (انا كنت لابسه عبايه امتاع البطم)
انا بديت نبكي:واللهي مابندير شي افتحلي يديا بس بللهي عليك ماتلمسني
الملثم بكللل برود فتح بطمة سروالي ونزله ليا ونزل السروال الداخلي .....
انا انهرت وبديت نبكي بصوت عالي:معاش نبي رجعني حقيييييير
الملثم شبح فيا شوي بعدها مشى للجهة الاخرى
انا كملت وصبيت وجا رفع سروالي وسكره وانا كارهته ومارها روحي وعمي واليوم الي لاقالي الشغل......الوقت الي كان مطبس ويسكر عبايتي كنت نفكر نهرب......الملثم كمل وصبا ومشى قدامي وانا مشيت وراه...وسبحان الله...الوقت الي رفعت رجلي بنهرب سمعنا صوت دوشه وعياط وبرمشت عين الملثم كان ماسك سلاح وساحبه
انافي خاطري...امتى جابه قبل مش شاد شي؟
شبحنا في جهة الدوشه كان السبب بنت هاربه
انا هادي فرصتي لكن شنو؟ وقفت بعد شفت الصدمه💔...
فتحو عليها صلييي لين ولت طرف طرف💔 ماتت
إنا لي الله وإنا اليه راجعون
انهرت طحت من هول المنظر قعدت نعيط ونبكي ونتشهد
الملثم لف يد على بطني واليد الاخرى على عيوني ورفعني لسيارة وانا منهارة
دخلني لسيارة وربطني وجاء بيسكر فمي
انا:بللهي عليك خليني نروح وراس اغلى حاجه عندك الرجوووك طلعني من هنا بللهي عليك الله يربحك ونبكي
الملثم منزل عيونه
انا حسيت انه في امل:بللهي عليك وحق ربي مابنقول شفت شي بللهي طلعني بس الله يربحك
لكن النصدمت وحسيت انه مصيري الموت بعد سكرلي فمي
ومشى....قعدنا ساعات وساعات وساعات في الطريق لين بدت الدنيا تظلم كنت جيعانه وعطشانه وبردانه كان الجو صقع وانا كنت لابسه خفيف وكبوطي مش عارفه امتى ضاع مني💔 حطيت راسي على النافذة لين رقدت من التعب
وعاني صوت الملثم وهوا جايب معاه اكل وميا والاكل عبارة عن نص تن وهريسه.... نحالي الصقه وفتح يديا وعطاني ناكل كنت جيعانه بكلل وبديت ناكل بغجريه.....لكن الحاجه الي الستغربت منها انا الوحيدة الي جابو لها عشاء يعني انا بس....رفعت عيوني لشاب كان مقعمز قدامي كان منزل راسه نزلت عيوني للمكان الي يشبح فيه كان يشبح ليديه...يلعب بخاتمه يطلعه...ويرجعه.....يطلعه....ويرجعه..كان مكتوب عليه حرفy مممم...ياسين؟.....يوسف....يزن.....ياذيد.....ياعقوب....يمن....يمن....يمن...اسمه!
كنت نشبح لحركه يديه وناكل يلعب بالخاتم..يدير بيه حركات غريبه ومحترفه...يمشيه على صوابعه بصبعه الابهام..ويرجعه.....كملت وشربت المياه مسحت فمي شبحت فيه منزل عيونه كنت نفصله بعيوني ونقول في سري....حقير...ان شالله تموت....حسبي الله فيكم.....تافه...فاسد....صايع ضايع....كنت نسبه ونلعنه..ومركذة فيه فجاء رفع عيونه وجت عيني في عينه نزلت عيوني وهوا قدم مني وربط يديا وجاء بيسكر فمي نزلت وجهي طبس عليا ورفع وجهي وانا نقاومه رفعه وفنص فيا بشكل يخووف جاء بسكره لكن لفيت وجهي لجهة الروشن
مسك وجهي وقالي:مش قدها راه
انا شبحت فيه بتحدي
الملثم سكرلي فمي وانا مانزلت عيوني عنه بكلل ومركذة فيه
الملثم شبح فيا وشوي مسك رقبتي وقرب وجهه من وجهي وضغط على رقبتي
انا فتحت عيوني ونتنفس بسرعه وخايفه وندمت الصلااااا
الملثم:تتحدى؟ مش قدها
انا حطيت عيوني في عيونه منعرفش علاش ندير هكي لكن الحاجه الوحيدة الي نعرفها اني راح نحاول لاخر لحظه انه يساعدني ويهربني من هنا
الملثم حط يده على عيوني وسكرهم وطبس على ودني وقالي:مستعدة تطلعي من هنا
انا النصدمت وهزيت راسي بنعم ودموعي شلال
الملثم:
انا:💔
يتبع......
شن رايكم في الروايه 🤭
نبي رايكم
هادي مجرد البدايه الاحداث مازال مابدو
شن بيصير بمريم وهل الملثم بيهربها؟
رايكم يهمني
الكاتبه:الشهيدة احمد. زيزو🥀
