نور: مرحبا اني نور من بغداد عمري 17 سنة اني البنت الوحيدة عند اهلي بابا ابن شيوخ من البصرة بس عايشين بغداد بسبب شغلة بيت جدو اهل بابا رايحتلهم مرتين بس كلش احب جدو او بيبي وعمي احسة هو ابوي الثاني يشبهة بكلشي بحنيتة بكرمة بكلشي حتة بالشكل وبالصوت عبالك توأم عندة بنية اسمهة نيرمين صح رحتلهم مرتين بس احبهة كلش ودائما اتواصل وياها واما ابن عمي هذا مشايفتة مرتين رحتلهم وهو مسافر وامي من بغداد احنة كاعدين قريبين ع بيت جدو اهل امي علاقتنة كلش قوية بيهم قبل اسبوع اهلي راحو الكربلاء يزورون وبنص الطريق سوو حادث وماتو بهال 3 ايام الفاتحة اني كلش منهارة لا اكل لا اشرب لا انام بس ابجي ما اكدر اتخيل حياتي بدونهم صارت الفاتحة ابغداد واجو بيت جدو وحاولو يشوفوني بس اني رفضت ما احب اشوف اي احد خالي راد ياخذني اعيش يمة بس ماقبل عمي كال بنت اخوي واني اولة بيهة واصلا اني اريد عمي لان احسة هو الي راح يعوضني عن بابا لان يشبهة بكلشي كتلهم راح ابقى يم خالي اسبوع وارجع وياكم وانتهة الاسبوع واليوم هم يجون علي راح اودع بيتنة منطقتنة حياتي طفولتي مدرستي كلشي راح اتركة وراي واروح
علي(ابن خال نور): يمعودة شدعوة 5 جنط وين رايحة انتي
نور: غير ملابسي وغراضي كلهن شلون اعوفهن هنا
علي: اووووف راح نرتاح منج
نور: كول اني راح ارتاح منك افييييش اخيرا راح اخلص من مشاكلك
علي: لا حبي متخلصين هم نجيلكم اخليج تهجين من البيت
نور: خالوو شوف ابنك
خالي: ولك اكعد عنهة هاي روحي من الدنيا
علي: شدعوة عيني لعد احنة وين رحنة
نور: ههههه خطية
علياء(مرة خال نور): نور يمة يمكن اجو بيت جدج راح افتح الباب خلي شي ع راسج
نور: ماسمعت خالتي شكالت بالضبط وهذا علي ذب بوجهي ماي هو نزل واني نزلت ورة ركض
نور: علي اوكف وين تروح مني والله الزمك
علي: بنت ابوج لزميني 😂
نور: تعااااال علييييي والنبي ماعوفك اليوم لو اني لو انت نزلت وجان اشوف جدو وعمي موجودين شفت عمي وكأنما شايفة ابوي رحتلة ركض وحضنتة
نور: بابا فدوة لاتعوفني بعد ليش عفتني ورحت والله ضعت بدونك 😭😭😭
محمد(عم نور): اهدي بابا اهدي ماعوفج للموت والله
نور: اسفة عمو بس بلحضة تخيلتك بابا رحت الجدو وحضنتة حيل حسيت اهلي موجودين يمي بمجرد شميت ريحتهم ارتاحيت
الشيخ جاسم(جد نور): هلا بريحة الغالي هلا يابعد جدج هلا يابعد عشيرتة وطوايفة شلونج جدو
نور: مشتاقتلكم والله وبيبي وين باوعت وجان اشوف واحد وياهم مانتبهت ع بالبداية صاحب جسم وطول يمة يخبل هذا منو شنو الجمال شنو اللحية شنو الشوارب شنو الشعر اويليييي بس شبي هيج عصبي باوعتلة وباوعت الجدو والعمي
أنت تقرأ
عشق الثلاثيني
Fantasyاني احبك والله احبك افهمني مداكدر اكل اشرب ادرس انام كلشي ماكدر اسوي تفكيري كلة بيك فدوة افهمني ادهم: شبيج عمو هذا حب مراهقة فترة وتعدي اني بكد ابوج باجر تكبرين وتحبين وتعيشين حياتج شسوين بية اني بس انت هم تحبني مبين من نضراتك من اهتمامك من غيرتك...
