عشق الثلاثيني

البارت 4

نور : جان اشوف دورية مال شرطة جايين هواي عمو ادهم بسرعة كام وراح ماعرف شنو كلولة وصار عصبي كلش صعد بسرعة فوك واجة جدو وعمو

نور: اكول نونو هاي شكو وليش اجت الشرطة

نيرمين : اصدقاء ادهم هذولي من يصير شي كبل يجولة

نور : زين هو شعليه بالضباط

نيرمين : غير هو ضابط

نور : صدك اول مرة ادري

نيرمين : الله يستر شكو الي اجو لهنا

نور : شو مدري شبية خفت صار العصر ورجعنة مابقينة بعد وعمو ادهم طلع وبعد مارجع صار الليل وهو ماكو مابين اشوفهم كلهم خايفين عبالك طفل ضايع مو رجال جبير رحت اشوف نيرمين ماشفتها من رجعنة صعدت فوك الغرفتها شفتها تبجي

نور : شكو حبيبتي شبيج تبجين منو وياج

نيرمين : ادهم الحد الان مارجع وكلش خايفة عليه

نور : بس ليش كلكم خايفين هو مو راح للشغل

نيرمين : سمعت بابا يكول رايحين المنطقة ارهابية ومهمة كلش صعبة وخطرة وخايفة عليه

نور : اهااا حبيبتي لاتبجين الي كاتبة الله يصير

نيرمين : ان شاء الله

نور : شوي وسمعنة صوت جوة نزلت نيرمين تركض رحت وراها شفت عمو ادهم جانو كلهم يحضنون بي وخايفين عليه

ام ادهم : يمة ليش هيج تخوفنة عليك ليش هيج تسوي بينة ماتكول عندي اهل يخافون عليه

ادهم : صدك جذب يعني كل ما اطلع هيج تسون هذا شغلي واني مو صغير يمة فدوة اروحلج لاتخليني اقلق عليج هذا واجبي ولازم التزم

نور : اشوفة شلون خايف عليهم لان خايفين عليه وكلهم حاضنينة رحت نزلت يمهم وكفت كبالة

نور : الحمد الله ع السلامة

ادهم : الله يسلمج

نور : اباوعلة شلون تعبان مبين جان الواجب صعب جان لابس الزي مالتة شفت الرتبة مالتة رتبة مقدم جان السلاح بخصرة ومن دنك ارتفعن ملابسة جان اكو سجاجين ثنين بحذائة من ورة او وحدة بضهرة كعد شوي واطمنو عليه وراح صعد نام شفتهم هسة يلا ارتاحو وجدو رغم خوفة علية والقلق مبين ع وجهة بس مابين هل شي الكل صعد وراح الغرفتة بقيت بس اني جوة بقيت افتر بالبيت ردت اطلع للحديقة جان الباب مقفول فتحتة وطلعت الجو كلش حلو بي نسمة برودة خفيفة واني دامشي حسيت صوت وراية بعدني اريد ادور وماحسيت غير واحد لزم ايدية ودفعني بالكاع

نور : اخ ايدي

ادهم. : هاي انتي

نور : هاي شبيك صدك تحجي

ادهم : بنص الليل فاتحة الباب وطالعة شعندج

نور : وخر عني اني اكوم وبعدين ليش تدفعني