عشق الثلاثيني

البارت 8-

# عشق الثلاثيني

،،،، بقلم رزان الطائي،،،،

البارت -4
.
༺ " .البشر فترات، لا تتعمق". ༻
.
علي : اخذيها وصعدي فوك واني هسة جايلكم

نور : شبيكم علي فهمني

نيرمين : امشي فوك حبابة

نور : صعدنة فوك الغرفتي كعدنة اباوعلها ترجف وخايفة وكوة تحجي

نور : انتي مو جنتي نايمة شلون طلعتي وبعدين شبيج وين جنتي

نيرمين : هو والله هو اني مالي علاقة

نور : دخل علي وهو كتلة من الاعصاب عيونة حمر من العصبية اجة كعد كدامنة بس يحجي بكل هدوء عكس الي بداخلة

علي : شوفي خوية اني مالي حق احاسبج ولا اسويلج شي بس هذا مو يعني اشوف شي غلط كدامي واسكت منو هذا الي جنتي ويا

نيرمين : رح احجي بس فدوة ليوصل الكلام الادهم والله يموتني

علي : احجي ومالج علاقة محد رح يعرف بشي

نيرمين : تعرفت ع واحد بالنت تعرف بالموضوع نور وجان صديق وثقيت بي هواي ودزيتلة صوري بالبداية عادي ميطلب شي بس بعدين ضل يطلب صور هواي وشوي شوي ضل يتجرأ ويطلب اكثر ومانطيتة شي والله بس صورتين وجهي طالع بيهن وقبل كم يوم طلب نطلع اني ويا ونروح الشقة صديقة واني رفضت وضل يقنع بية كال بس نحجي مانسوي شي بس رفضت والبارحة كال اذا ماتجين اشوفج انشر صورج وماعندي حل ثاني والله خفت منة

نور : اششش يعمري كافي لاتبجين رح نحل الموضوع

نيرمين : كل ما احجي علي يعصر بأيدة حيل كاعد ويباوع للكاع ابد مباوعلي كملت بقى ساكت شوي وبعدين طلع

نور : طلع حتة يهدأ شوي لتخافين علي اعرفة يحل الامور بدون تسرع

نيرمين : خاف يكول الادهم

نور : لا ميحجي لتخافين

نور : شوي ورجع علي كعد كبالنة وكال

علي : يعني لو ما اني شايفج بالشارع جنتي رحتي ويا للشقة وبالليل

نيرمين : لا لا هسة كال بس اشوفج بسرعة مو بالشقة والله

علي : منين طلعتي ونور جانت كاعدة بالحديقة

نيرمين : من الباب الثاني ورة البيت

علي : هو يعرف اخوج ضابط

نيرمين : لا

علي : يعرف احد من اهلج

نيرمين : لا

علي : سهلة انطيني رقمة ولتخافين

نيرمين. : لا تحجي الادهم فدوة

علي : عوفي الموضوع يمي

نيرمين : هذا الرقم

نور : طلع علي وضلت نيرمين تبجي بحضني الى ان نامت جنت مرتاحة ومطمأنة من ناحية علي لان متأكدة رح يحل الموضوع نمت يمها يوم ثاني مداومنة مالنة خلك شي اتعدة اسبوع وكلشي ماكو علي مافتح الموضوع ولا الولد رجع راسل نيرمين ماعرف شنو صار