عشق الثلاثيني

البارت 6

# عشق الثلاثيني

  ،،،، بقلم رزان الطائي،،،،

البارت -6
.

ان تحب شخص لا يشعر بك ابداً
كأنك تصف السماء لاعمى لن يراها ابداً

.

البصرة _عائلة الشيخ جاسم _

نور : فتح الباب وجان يدخل ادهم بقيت بمكاني مثل الصنم هو اول مادخل للغرفة شافني هيج بسرعة سد عيونة وطلع بدلت بسرعة وكأنما احس بوجودة يمي كل شوي اضل اباوع ع الباب بدلت وكملت اخذت الجنطة مالتي ونزلت ماشفتة كاعد وياهم اريد بس اطلع قبل لا اشوفة

نيرمين : يلا اجة ابو الخط

نور : اي يلا ماعندي شي

نور : رحنة للمدرسة وصلنة اول درس المدرس يشرح ولا يمة اني بس افكر بالموقف الي صار

استاذ محمد : طبعاً هذا الموضوع من المواضيع المهمة بالسادس اغلب الطلاب عدهم اشكال بي الي هو موضوع ال if بي اربع حالات وهسة نور رح تكوم تشرح الحالة الاولى الي شرحتها قبل شوي

نور : ها

استاذ محمد : شرحي الموضوع تفضلي

نور : ياموضوع

استاذ محمد : وين جان بالج من اشرح

نور : وياك استاذ

استاذ محمد : وين وياي لتصفنين تر محد يسوه تصفنيلة انتبهي وخلي بالج وياي لان رح اسويلكم كوز باجر

نور : اباوع النيرمين ميتة ضحك علية بسيطة اني اعلمها

نيرمين : استاذ بس تر والله الانشاء مال يونت الثاني طويل وكلماتة صعبة

استاذ محمد : اي مو ابو الوزاري من يشوف كلمات سهلة مايخلي درجة كاملة بس من يشوف انشاء ضخم وهواي وكلمات صعبة رح يلكط كلمات يكول هذا الطالب دارس وكبل درجة كاملة والله لو علية املي الورقة كلة play او car.

نور : صدك ضحكت ع كلام المدرس الحلو بهاي المدرسة المدرسين كلهم يضحكون مايخلصون الدرس كلة دراسة حتة لايضوج الطالب وكلش قريبين من الطلاب

خلص الدرس واجة بعدة درس العربي المعقد وطبعاً صارلنة شهر بموضوع الاستفهام وماصدكت شوكت خلص الدرس المشكلة الدرس ساعة كاملة دك الجرس وطلعنة فرصة

نيرمين : لاحضت شغلة بمدرس العربي

نور : شنو

نيرمين : هواي يباوعلج

نور : اي هو من يشرح واباوعلة مايباوعلي بس من ادنك وارفع راسي اشوفة يباوعلي

نيرمين : اي ومن ضحكنة مساع ضل يباوعلج انتبهتلة

نور : اعرف كلش تقيدت بالدرس حسسني بس اني بالصف بس هو حلو

نيرمين : هههههه وانتي هذا الي هامج حلو