منار:مفهمتش علاش بغيتي تبدلي كنيتك ليلى: حيت غنقدم طلب باش نخدم فشركة ارسلان ويلا شاف كنيتي جوهري غيعرف بلي انا بنت دوك الناس اللي بتلهم منار: تخلاي على هذا الانتقام اليلى غدخلي راسك فمشاكيل خلي ربي يحاسبهم ليلى: أبدا معمري نتخلى عليه وعدت واليديا انه منخليش دمهم فالارض منار: وشنو ناوية ديري ليلى: معرفتش ولكن حاسة انه الا بديت نخدم فشركة ارسلان غنلقا طرف الخيط اللي يخليني نكشف الحقائق منار: وفنظرك يقبلوك فشركة ارسلان ليلى: معرفتش ولكن دابا غنبدل كنيتي هي اللول و الشهر الجاي غندفع طلب باش نخدم تما منار: و vanity? ليلى: غنخدم فيهم بجوج باش نبقا قريبة لعائلة ارسلان منار: كتلعبي بالنار عارفة؟ ليلى: آه وميخيفاش منار : اليوم شنو غديري ليلى: غنمشي معاك لكافي نعاونك حتى يجي الوقت ونمشي ل vanity منار: اوا يالاه نوجدو راسنا بعد ما كملت ليلى ومنار الفطور ناضو كل وحدة لبيتها باش يوجدو ليلى لبسات :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ومنار:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
منار: ياله نخرجو ليلى: يالاه ومع الخرجة دالباب ليلى شافت اللوطو دفهد واقفة حدا الدار ليلى: شنو جاي يدير هنا؟ منار: معرفت روحي شوفي ليلى مشات اتاجهت عند سيارة فهد و دقات فالزاجة دالسرجم فهد حل الباب و هبط فهد: ليلى! ليلى: موسيو فهد بغيتي شي حاجة ؟ فهد: تشطنت عليك ليلى: علاش؟ فهد: البارح مكنتيش كتبانيلي مزيانة عليها ليلى: انا مزيانةموسيو فهد شكرا و كان اتصلت بيا يكفي فهد: باش غنصوني عليك ليلى: اه عندك الصح فهد: (عطاها نظرة ديال اوا فهمي ) ليلى: عطيني تلفونك فهد جبد التلفون من جيب و مده ليها ووليلى كتبات ليه نمرتها ليلى:دبا مزيان؟ فهد: اه .. نتي شنو غديري دبا ليلى: غنمشي مع صحبتي لكافي ديالها نعاونها فهد: اذن نوصلكم منها نفطر ليلى: بلاش اصلن الكافي غير قريبة فهد: علاش بلاش ياك انا غادي اصلن نوصلوكم معايا ليلى: اوكي نقولها لصحبتي مشات ليلى عند منار و بقافهد كيشوف فيها ويفرنس ليلى: قالك بغا يوصلنا و يفطر فكافي ديالك منار: اوكي يالاه ليلى:اوفف يلاه مشاو و لقات منار لفهد التحية وتعارفو و ركبو فاللوطو ليلى ركبات القدام حدا فهد ومنار فاللور وصلو للكافي بعد دقائق هبطو و دخلو للكافي و جلس فهد وليلى ومنار بقاو واقفين منار: شنو تطلب فهد: نتوما اقترحوا عليا منار: اوكي اذن غنوجدليك اموسيو فطور من اختياري ليلى: وانا نجي نعاونك دخلو منار و ليلى للكوزينة ليلى: اوف مرتاحيتش ليه منار: علاش بالعكس كيبان ظريف ليلى: ومنتي قلتيها بفمك كيبان وهذا الظرافة بزاف درتلي الشك صونا التيليفون دالكافي منار: دقيقة هزات التلفون: الو معاك كافي ومتجر الحلويات Uno المتصل: وي انا اللي طلبت لاطارط ديال الفراولة البارح منار: اه اوكي هي واجدة و من هنا لنصف ساعة غنصيفطوهالكم المتصل: اوكي شكرا قطعات منار: ليلى انا خارجة ونتي اهتمي بهنا ليلى: فين غادية منار: نوصل وحد الطلبية ليلى: رجل التسليم فين هو؟ منار: اليوم مجاش ليلى: انا نمشي عطيني العنوان منار: بصح؟ شكرااا بزاففف ليلى: مبيناتناش الحب يالاه عطيني العنوان منارعطاتها العنوان و دارت لاطارط فعلبة ليلى: انا غادية😘 منار: حضي مع لاطارط ليلى: متخافيش فهد شافها خارجة: ليلى فين غاديا ليلى: عندي شي شغل فهد: اوكي تهلاي فراسك ليلى: باي باي مسيو فهد خرجات ليلى شدات طاكسي وعطاته العنوان بعد مدة ديال الطريق و صلات حدا واحد القصر كبير دخلات لجردة معرفاتش منين تفوت لانه كبير بزافف حتا حسات بشي حد دخل فيها و طيحات العلبة فالارض ليلى: بشوية عليك! سهيل اللي كان هابط كيشف فالتلفون و ملاحظهاش و دخل فيها طلع عينيه لقاها فالارض وهي حانية كتشوف وش لاطارط تقاست سهيل: انت اللي خرجتي قدامي ليلى هزات راسها فيه و عينيها ضاربين فيهم الشمس مبانشليها مزيان ليلى: انا اللي خرجت قدامك! انت اللي كنتي كتمشى وكتشوف ف التلفون وكان كنتي كتشوف قدامك و كان شفتيني سهيل شافها و تفكرها باللي هي البنت اللي فالبار سهيل: انتي! ليلى جمعات العلبة لانه متأذاتش لاطارط ووقفات ليلى: كنتعارفو! سهيل: نتي البنت اللي فالبار ليلى: اه انت؟ سهيل: سهيل ارسلان ليلى تفكراته و جمعات راسها ومدات ليه يدها ليلى: وانا ليلى سهيل شاف فيدها لمدة ومن بعد صافحها سهيل: تشرفت ليلى: حتا انا ولكن وكان تبقا تشوف قدامك مرا اخرى غنتشرف اكثر سهيل: هههه! (ضحك بغرور) شنو كديري هنا؟ ليلى: جيت نوصل طلبية و انت موسيو؟ سهيل: انا كنسكن هنا ليلى عرفات راسها باللي هي غالطة والسيد راه هديك دارو يدير مبغا ليلى: آ كنعتاذر بزااف ! سهيل:معليش ليلى: فين نقدر نخلي هادي (شيراتليه على العلبة) سهيل: عطيهاني انا غندخلها ليلى مداتها ليه وعطاته معاها فاتورة سهيل: اه اوكي جبد فلوس من جيبه و عطاهم ليها ليلى: بون جورني وجات غادية سهيل: نقدر نسولك ليلى دارت شافت فيه: وي سهيل: عينيك حقيقين ولا عدسات ؟ ليلى ابتاسمت : علاش سهيل: جاني فضول المهم متديش عليا غير قلتها على غفلة ليلى تبسمات ليه : حقيقين سهيل: زوينين بزاف ليلى: شكرا ومشات وبقات كتبتاسم وخلاتو حتى هو كيفرنس وكيرد شعره اللور سهيل مع راسو(وشنو هاد السؤال اصحبي وش عينيك حقيقين! ) مشات ليلى ركبات طاكسي ورجعات للكافي وسهيل دخل للكوزينة حط لاطارط سهيل: هادي لمن؟ الخدامة: موسيو هادي لاطارط اللي كتعجبك سهيل: علاش هادي مكتصيبوهاش فالدار ؟ الخدامة: لا كنطلبوها من برا اسيدي سهيل: اوكي حطي ليا طبق الخدامة(شافت فالخدامة الاخرى باستغراب) : اوكي حاضر اسيدي حطات ليه فطبق و جلس كياكل ودخلات خالدة خالدة: نتوما خرجو سهيل: ماما صباح الخير خالدة: سهيل شنو كدير وش هذا وقت لاطارط سهيل ناض معصب وخرج سهيل بينو وبين راسو اوفف حتا الماكلة ناكلو على حسابهم عند ليلى منار: وصلتي لاطارط مزيان مصرا ليها والو ليلى: اه كوني هانية .. منار قولي شكون تلاقيت تماك منار: شكون؟ ليلى: سهيل ارسلان كيسكن فداك العنوان اللي عطيتيني منار :ههه بصح وشوفليك اختي شحال من عام وهما كيشريو من عندي ومعمري عرفتهم ليلى: ههه تكون غصدفة منار : لا هادي كثر من صدفة برأيي حيت فيوماين كاع هاد الصدف بزافف ليلى: كيفاش منار: معرفتش بقاو ليلى ومنار كيهتمو بالكليان حتا جات العشية و خرجات ليلى باش تمشي للدار توجد راسها وتمشي ل vanity
