كنواعدكم أنني غادي نلقا اللي دار فيكم هادشي و نتاقم ليكم واخا يصرا اللي صرا دمكم مغيبقاش فالأرض
حطات الورد حدا قبرهم و خرجات حيدات الشال من على راسها و مسحات دموعها
ليلى وهي كتهضر مع راسها: اللي خداكم مني غيدفع الثمن غالي و بزافف
ركبات فطاكسي واتاجهت للخدمة ديالها مع الدخلة لقات مع المدير شافت فالساعة لقات راسها معطلة و حاولات تدخل بلا ميشوفها ولكن هيهات ثم هيهات شافها
المدير: اوهوه لالة ليلى جيتي بكري حتى اليوم
ليلى: نقدر نشرحلك
المدير: هههه تشرحيلي ! واش كتحماقي عليا ابنتي ولا شنو راه هادي المرة الثالة فهاد السيمانة ونتي تجي معطلة بلاما نهضرو على الخدمة ديالك اللي ماولات كتعجب نص الملفات مكتكمليهمش
ليلى: عطيني آخر فرصة
المدير : مبقا لا فرصة لا والو غتجمعي حوايجك و تخرجي عليا فهمتي
ليلى : واصافي فهمنا
دخلات ليلى جمعات حوايجها بعصبية و خرجات
فمكان آخر فقطر
سهيل: آه غنلتحق دابا باجتماع و من بعد غنركب طيارة
نتوما وجدولي الملفات وانا غنجي غدا نسنييهم
قطع سهيل التيليفون و حطه فجيبه و مد ليه الرجل اللي حداه ملف
المساعد: هذا هما الإقتراحات اللي طرحهم عليك الطرف الآخر
سهيل: رسلتوا ليهم الاقتراحات ديالنا؟
المساعد: طبعا سيدي
ليلى رجعات للدار وهي مفقوصة ومعصبة لانها فقدت الخدمة ديالها مشات جبدات المعدات ديال الكيك وبدات كتطيب فالكيكات بلا متوقف لساعات متواصلة و من بعد جمعاتهم فعلب و هزاتهم و خرجات بقات كتمشى حتى وصلات لكافي و محل حلويات و دخلات
منار: ليلى!
ليلى: شدي شدي عليا يدي غيتقطعو
منار بقات كتهز عليها العلب و حطاتهم ركبات عليهم شافتهم بلي كيكات جبدات الكرسي وجلسات
منار: يلاه حكيلي شنو وقع
ليلى: درت كيكات وجبتهملك تحطيهم فالمحال اصلن كاين عليهم الطلب بزاف
منار: عارفة ولكن شنو وقع باش تعصبتي ودرتي كاع هاد الكيكات
ليلى: اوفف واش باينة بزاف بلي اني معصبة؟
منار: ههه واش غير باينة؟ نتي فوقما كتعصبي كتنوضي تطيبي حكيلي شنو وقع
ليلى: نتي عارفة اليوم ذكرى موت واليديا
منار: اه الله يرحمهم
ليلى: اوا انا مشيت الصباح باش نزورهم و خديت طاكسي ومشيت للخدمة تعطلت غير نص ساعة و تلاقيت مع المدير مخلا مكاليا
منار: هو داير هاكك كاع متديها فيها
ليلى: وكان بقات فهادي معليش راه جرا عليا من الخدمة
منار: اويلي
ليلى: اوفف واه
منار: ودبا شنو غديري
ليلى: غنقلب على خدمة جديدة
منار: لكن نتي عارفة بلي حاليا صعيب تلقاي خدمة فشي شركة خصوصا حنا فالوسط ديال الشهر
ليلى: اوا غنقلب شي حاجة باش نسلك راسي هاد الشهر نخدم فشي كافي ولا حتا البدية دالشهر الجاي و نبدا فخدمة رسمية انشالله
منار: انشالله
ليلى: اوفف
منار : بلا متعصبي راسك والله ايكون خير انشالله اجي نستفو الكيك اللي جبتي و ناكلو شي حاجة انا غنوجد اتاي
ليلى: ههه اوكي يالله
كليانة: عافاك..
منار: انا جاية..
ليلى: غير كملي خدمتك انا غنتكلف
منار: اوكي
داز نهار ليلى و منار فالكافي
رجعو عيانين للدار تلاحو ينعسو منار دغيا نعسات أما ليلى بقات كتفكر شنو غدير و فين غتلقا خدمة عاود و كتفكر كيفاش غدير تلقا قاتل عائلتها
أما عند سهيل فركب الطيارة متاجه للمغرب
صباح جديد يوم جديد
ليلى فاقت بكري وجدات الفطور و فيقات منار
ليلى: منار فيقي راه صباح هذا
منار: ممم أنا غنفيق دابا
ليلى: ياإما غتفيقي يا إما غنخوي عليك سطل دلما
منار: اوف هانا فقت
منار هزات التيليفون شافت فالساعة
منار: راها عاد 7.00 علاش فيفتيني
ليلى: غنمشيو نقلبو على خدمة ليا
منار: اووفف اوكي
ليلى: يالاه الفطور راه واجد
منار: هاي هاي وجدات ليا لالة ليلى لفطور
ليلى: الله يعطيك الجوع انكارة الخير على اساس اول مرة نوجدو
منار: هههه
ليلى: هههه
جلسو فالطبلة كياكلو وهما كيهضرو على خدمة ليلى
ليلى: زعما نلقى خدمة؟
منار: آه ضروري تلقاي شي كافي ولا شي بار خاصهم شي وحدة تسربيلهم
ليلى: على الله
كلاو و جمعو الطبلة دغيا كل وحدة اتاجهت لبيتها باش توجد
ليلى لبسات كول فالحمر و سروال فالكحل وخلات وجها على طبيعته و بوكلات شعرها:
