رفضته فانتقم مني [ باللهجة الجزائرية ](قيد التعديل)

حفلتي المشؤومة 💔

سلام لبنات كيراكم غايا لباس الحمدلله نشالله كامل تكونو بيان ليوم حبيت نكمل كرونيك على جال وخدة توجور تتفاعل و غير هي لي دايمن تتفاعل اسمها
TitaTota6
حبيت نقولها بلي نبغيك بزااف بيسكو ديما نلقاك كي نحط بارت وليوم بغيت نكمل على جالك لقيت منك دعم كبير
المهم دوكا خلاص لي يحب يتفاعل يتفاعل لي ميحبش دبر راسو بيسكو عييت نهدر ونلقاه قليل هكا تغشوني كيما هاك ليل كامل قاعدة نكتب ونقول نطولهم البارت باش ميجيش قصير وفتالي نقلى قليل معليش حنا منلقوش لي يدعمنا المهم نبدو وصايي
♕•♡•♕•♡•♕•♡•♕•♡•♕•♡•♕•♡•♕•♡•♕•♡•♕•
تذكير بالأحداث •♡•♕______________________
بعد ما طلعت شيراز عند ريان لي كان يعيطلها تطلع عندو صرا لي صرالها وتغاشات بين يديه بدون اي رد فعل من ريان لأن من طبيعي شيراز كي تخاف ولا تتوتر طيح وهذا كلش من البيبي  {باين بلي واعر هاذ البيبي يحرم ههه}
حطها شيراز في سرير وغطاها وراح خرج حتى تنوض شيراز وتلقى جوري عند رسها تكونيكتي
شيراز: أي نا من وينتا ونا راقدة وديجا علاه رقدت
جوري: ني تاكلا عليك باش تحكيلي كي صرالك ونتي تقوليلي وينتا
شيراز: والله ماني عاقلة
جوري: شيراز رقبتك مالها زرقة هكا
شيراز  تم تم استرجعت ذاكرتها وتفكرت بلي كي طلعت ريان حكمها وقعد يطبع في القبلات تاعو حشمت تقول لجوري بلي خوها دارلها هكا
شيراز:{وهي حاطة يدها في رقبتها} هذي بنت ختي رونق جيت نلعب معها عضتني
جوري:ممممم رونق ولا ريان
شيراز{قايستها بمخدة} متحشميش نتي ياه نا نوض خير ما نقتلك
ناضت راحت لدوش دوشت قعدت ساعة ومبعد خرجت نشفت شعرها ولبست هكا

هبطت لتحت كشما تاكل كلات وراحت لصالون تتفرج قاعدة تتفرج حتى تعيطلها حبيبة قلبها جوليا في ابيل فيديو
جوليا: وشا أطحبة وين راكي
شيراز: وي حبي ني في المانيا 🇩🇪
جوليا: بابابابابابا رحتي وخليتيني ياك
شيراز: نتي لوكان حتى نخليك تبقاي في قلبي
جوليا: ياعمري والله نتي تاني كيراه ولدي
شيراز: ولدك!!؟
جوليا: واه ولدي مي تولدي نديه انا
شيراز: واه بب مي تايخليك بوه
جوليا: أوالالا بوه واعر نتي مقدرتيلوش نتي وطيرلك راسك
شيراز: متبلعيهش تشو راكي تبانيلي باغيا تخراي فوڨي هههههه
جوليا: اصبري كي نتلاقو تشوفي هههه المهم تهلاي في راسك نتلاقاو نشالله عندي خدمة مبعد نعاودلك
كملت تمسخير معا جوليا وقاعدة تشوف في تيك توك هكاك تا يدخل ريان
ريان: سلام عليكم
شيراز: وعليكم السلام (بهدوء)
ريان: ني جاي نديك نخرجو
شيراز: وجوري وين راها
ريان: جوري راحت عند صحاباتها تتلافا بيهم
شيراز: نا ني واجدة
ريان:{يشوف من لتحت لفوق ويميز في لبسة} وبهاد لبسة وزيد ميني
شيراز: خلاص منخرجش
ريان: متمسخريش باغيا تخرجي بهاد اللبسة وزيد رجليك عريانين وتخرجي وناس تشوف رجليك
شيراز: هنا ميدوهاش
ريان: صحا ايا يشوف فيك غير واحد نهارك نهار ومتقوليش مبعد ريان حڨرني
راحت لبست فاست كوير فوق لباس وخرجو في لوطو طريق كامل ساكتين لانو ريان معروف بسكاتو وبرودتو وصلو لوحد ريسطو قعدت في بلاصة مجيهت البحر وهي نفسها تحوس على الراحة الهدوء مبغياش تحكي وتضحك مورال في زيرو هي قاعدة ريان راح عيط ليماها وباباها خواتاتها وصحاباتها دخلو لوحد القاعة  وراح عند شيراز
ريان:شيرازرواحي معايا للمطبخ نشوفو الطباخ المشهور تاعهم
شيراز: داكور
حكمها من يدها وهي تمشي من موراه دخلها لهديك لقاعة وهي مش منتبها وين راها دخلها وغلق لباب وعائلتها كانو من مور الستار ماشافت والو قعدت تضرب فالباب وتقول فتح الباب ريان وين رحت هكا حتى يطلع الستار وتبدى الموسيقى تغني
Happy birthday to you ChiraZ
دارت شيراز وشافت عايلتها صديقاتها وفرحانة معرفتش واش دير تروحلهم تعنقهم وتقول لا لا ليوم راهم غالطين ماشي ليوم جبدت تيليفونها شافت لدات وتأكدت بلي صحيح راحت ديراكت تعنق فيهم وفرحانة ميتة طفات الشمع تحت نظرات اي أسرت قلبه لي حبها من أول نظرة
شافت ليكادو دياولها وقعدت تحكي معا صحاباتها في الاخير شافت ريان قاعد وحدو راحت لعندي شافت فيه وضحكت وعنقاتو تحت انظار المدعوين وهوما يصفقو عليهم وقاتلو: ريان نحبك
زاد عنقها وبعد ما كان يتسنا كلمة نحبك منها قعدت معاه شويا مبعد راحت لطوالات هي جات خارجة و يدفعها مراد لداخل المرحاض حاصرها بين  يديه وهيا خايفة يلا يجي ريان وتقولو بعد خليني نروح واش باغي نتا هي تدفه فيه لا حياة لمن تنادي
مراد:مكانش علابالي بلي بيضا هكا ورجليك شابين مانيش مأمن لي خلاك تلبسي هكا باينا بلي رخيص
ريان كان دخل وسمع لي قاله مراد
ريان: ونتا ديوث {ويعطيه بونيا لوجه ويطيح فيه بضرب فيه يضرب فيه حتى جبداتو شيراز من يدو} جبد يدو من وقحرها بعينو اي حرقها ماشي غير شاف جبدها من يدها جات تهدر دار صبعو في شفاها بمعنى اسكتي.................

                               ♡•_يتبع_•♕
المهم ني كملت الباقي عليكم
حبيت نقولكم وتشاوروني قلت الا نكتب كرونيك في اللغة العربية الفصحة اسكو وي ولا لا مانيش عارفة رأيكم يهمني في التعليقات متنساونيش وخلاص باي ❤