رفضته فانتقم مني [ باللهجة الجزائرية ](قيد التعديل)

ترى هل سأخسر

لا تَـسْقِنِـي من مَـاءَ الحَيَـاةِ بِـذِلَّـةٍ

                                        ♡....
                    
                  بَلْ فاسْقِنِـي بالعِـزِّ بكَـأْسَ من الحَنْظَـل
                                        ♡....
تابع ___________________________________

الطبيبة:  مدام شيراز متخافيش ولادتك قربت صح لكن خوف يأثر على الحوامل إسترخي عالأخر وفكري نهار تهزي في ولدك في يدك معندك ولا شي ولكن دخلتي في شهرك هيئي نفسك نفسيا لانو واح تكون ولادة طبيعية
شيراز هزت راسها وحاولت تمنع كل فكرة ونفكير الخايب غمضت عينيها وحبت تغفى ولو شوي خرجو من الغرفة وقاطعت الطبيبة قلقهم وقالت:  مسيو ريان مدام شيراز عندها رهاب الولادة وبهذه الحالة صعبة انها تولد وخصوصا عندها الولادة طبيعية لازم تعاونها في أقل وقت تخرج من هاد الحاالة
ريان: وش ندير أنا فهاد الحالة
طبيبة:  بسهولة يلزم تتفهمها في هاد الحالة لانو الهرمونات الحامل تكون زيادة عن اللزوم وتحاول تحسسها انو انت معاها وانها رح تتجاوز هاد المرحلة
ريان: اوكي مدام
راحت الطبيبة وتمنات الشفاء لشيراز دخلت شيرين لغرفة شيراز تتفقدها لقاتها راقدة خرجت عند لباب لقات إيريم شافتو وقالت:  واش مسيو إيريم
إيريم: واش حالة شيراز
شيرين:  عندها رهاب الولادة وبخصوص الوجع عادي  وكونها متخصصة في الطب عارفة واش عندها ودرك سمحلي نروح
إيريم:  بشفا عليها 
وخزر فيها لا خير وراح كملت هبطت لتحت لقاتهم متجمعين وقاعدين عرفت مزال معرفو اول مدخلو قابلتها عجوزتها (حماتها) وقالت بقلق:  واش عندها شيراز بنتي
تلفتت شيرين وقالت:  الوجع طبيعي لكن عندها رهاب الولادة
حماتها: يا كيتي على بنتي واش الحل دروك
شيرين:  الحل على ريان وعلينا لانو هرموناتها في الفترة أخيرة زادو عن اللزوم رح نحاولو نعاونوها ونقنعوها انها تتشوق تشوف البيبي
قاطعتها العمة:  نشالله متكونش عندها غير طفلة يلزم طفل برفد إسم باباه
رجعت جوري تحاول تلطف الجو وقالت: لي من عندي ربي مليح عمتي غير يزيد بصحة ومكمول
شافت شيرين وقالت:  طفل ولا طفلة المهم ربي رزقهم بالذرية الصالحة مش نتي تقرري
العمة:  ويرزقك نتي لي راكي بلا ولاد لحد الأن لتكوني متولديش
حمات شيرين:  سلوى لا هنا متدخليش بينها بين زوجها (عارفة إيريم صعيب فهاد الموضوع وعارفة حالة إيريم لي مزال ميقتنع من وقت كان صغير)
شيرين غاضتها حالتها لي ولات هي السبة وانو العاڨر يعني اتهانت وتعايرت بما يسمى بالعاڨر بطريقة غير مباشرة شافت فيها ودموع في عينيها وقالت:  واش استفدتي كي رجعتي سوجي اني عاڨر ها وقيل غير أنا وحدي نجيبهم صحيتي عمتي نهار تحسيها في كبدتك تعرفي واش معنتها
خرجت وهي تبكي من الصالة ودخلت لغرفتها وغلقت الباب بجهد بين ماكانت شيراز نازلة وبشوية وتشوف سيرين تبكي حما فيها الدم وراحت دقدق في الأول ترددت خافت يكون ايريم تم اما تشجعت ودقدقت حلت شيرين لباب ودموع في عينيها لقاتها شيراز حضنتها وبدات تبكي شيراز تحاول تسكت فيها وتمسح في دموعها وقلبها يتقطع على توأمها وشافت فيها قاطعت السكوت وقالت:  شكون بكاك إيريم ها
شيرين ضحكت تلطف الجو لانو تعرف شيراز متسرعة وقالت:  ولا شي شيراز ونتي راكي مليحة
شيراز:  ني مليحة شكون
شيرين:  تعايرت إني عاڨر منجيبش ولاد
شيراز انصدمت وشافت فيها وقالت:  هدي متكون غير عمتي رح نوريلها نعايرك
جات نايضة شدتها شيرين وقالت:  لا ختي شيراز متديري والو يلا صح تحبيني منكبروهاش
شيراز:  كيفاه منكبرهاش منيتك
شيرين:  يا شيراز العمة سلوى ربات ريان وإيريم يجو معاها أكيد
شيراز تفكرت وقت دابزت معا ريان على جال عمتو وقالت في سرها العمة لي ميبغوش عليها وراها سر منعرفرهش شافت في أختها وقالت:  متزيديش تبكي حبيبتي اكيد تجيبي ولاد اما نحب نعرف شي
شيرين:  لي هو
شيراز:  علاش مرحتيش طبيب بلاك عندك تكيس المبايض
شيرين:  ضحكت: لا حبي الدورة الشهرية منتطمة عندي
شيراز:  لا يكون إيريم
شيرين: شيراز هاد الموضوع خاص وصح إيريم ومانيش حابة نهدر عليه
شيراز:  ماراهوش حاب اما نتي حابة تكوني أم مالا راهم يصراو بيناتكم علاقات
شيرين: أكيد حابة ويصراو علاقات كل ليلة
شيراز:  مالا حبسي كاشي وخلي يصراو علاقات وتحملي وكي تحملي متقدري ديري والو
شيرين:  شيراز منقدرش نجيب طفل وباباه مش حاب
شيراز:  يحب لانو ابنو في بطنك رح يحس بالأبوة ويرضى
شيرين:  نخمم ونشوف مي ماشي سور نحاول نقنعو
شيراز:   هيا خلاص ديري لي يريحك
ناضت شيراز باست أختها وخرجت من الغرفة تتمايل وتتكعبر فاتت خادمة سقساتها على ريان وقاتلها خرج وقت خرجت طبيبة نزلت لتحت لقات جوري قاعدة تكونيكتي وعجوزتها وجدة انا العمة سلوى كانت في الجنينة تحكي معا بناتها  قاطعت شرودهم وقت دخلت
جوري:  احوجي علاه نضتي
شيراز: احوجي علاه منوضش
وضحكت حتا بانو سنيها البيضين
سعاد (حماتها)  :  كي ضحكتي راكي مليحة
الجدة:  الله يدوم الفرح بنتي شيراز
ناضت شيراز عند الجدة (زهرة)  وحضنتها وقالت:  أمين جدة ربي يخليك لينا
جوري تشوف في أمها وفرحانين لي شافو شيراز بهاد الحالة

من جيهة أخرى

ريان وإيريم في الخدمة كالعادة الشركات والمصانع للأحذية ويشوفو في الأعمال لي تتمشى حتى يوصل ميساج للإيريم من شخص مجهول صور شيرين مع زميلها في الجامعة في أيام لي كانو في الجزائر وزاد رسل ميساج ( شيرين كانت حبي الأول والأخير صح كانت تشوفني كصديق وأخ ليها اما أنا نعشقها ويجي نهار لي تولي فيه مرتي مش مرتك لانك متستاهلهاش أنت)  قرا الميساج وزير على تيليفون تلفت لقا ريان في جيهة أخرى خرج من المصنع والعصب طالع راجع للدار كان يخمم يراضيها اما ميساج هزلو بدنو يرجف من كثرة. العصب وتخمام انو تخليه وطلقو يقلقو أكثر خصوصا في الفترة أخيرة وصل لدار لقاهم في الصالون قاعديى ومعاهم شيرين وقال:  شيرين 
وأشر لها براسو عرفت أنو العصب طلعلو خافت بالأول أما شافت فيها شيراز بشوفة متخافيش وقاتلهم:  سمحولي نروح نشوفو
وخرجت من الصالون طالعة لغرة نومهم هي دخلت لقاته قاعد فوق الفوتاي ومبهط راسو غير سمع الباب طلع راسو قربت عندو تحاول تعرف واش كاين وقف جا فمو في وذنها وهمس: حابة تطلقي مني
خافت تقول إيه اما تشجعت وقالت: يلا زاد أم عند حدو نرفع. قضية طلاق
شاف فيها وقال:  أها وتتزوجي موراها
شافت فيه وتحاول تعرف علاه كل هاد الأسئلة: وعلاه لا
ايريم: وعندك مرشح للزواج
شيرين: بور لمومون ماكنش
ايريم: مالا إحلمي تطلقي وتتزوجي وبداي تحكي على أيام الجامعة
شيرين:  كيفاه اه وش نحكي
إيريم: مديريش نية في الهبال
شيرين:  نتا سور هبلت
ايريم بصوت عالي حتى قفزت:  حكي ارب حكي
شيرين من الخوف ملقات متقول: كنت نقرى عادي كانو عندي ديزامي
قاطعها تيليفون وصل ميساج جات رايحة تشوف تيليفونها قاطعها بصوتو رجولي:  كملي
ناض رفد تيليفونها وشاف ميساج من نفس الشخص وهي تحت إستغراب مش فاهمة شي شاف فيها شوفة وتقحيرة كافية انها تكمل وخلاص: ديزامي بنات ووو......  شاف فيها وقال: وولاد كملي كملي علاه سكتي
شيرين: إيريم واش تحوس من تالي
ناض حكمها من شعرها تحاول تفك يديه من شعرها: إطلقتي اربي وش درت
حكم تيليفون ورالها صور هي وامي تاعها وقال:  تعرفيه علابالي هي نجيب دوسي كي سموه وكامل
شيرين:  امي تاعي في الجامهة برك متزيدش فيها
إيريم:  نزيد فيها راكي متزوجة علابالك ولا نفكرك
شيرين:  ههه متزوجة يجي راجلي يدي وش يحب مني ويروح هذا تسميه زواج نتا
إيريم: وي زواج، ليفوطو مع أمي يوصلولي أنا بذات
شيرين:  دير واجبك كزوجي نعتبرك زوجي قرة عيني
إيريم:  أه وصلت واجبي...،  واجبي نديرو حتى دروك مكانش مشكل
شيرين:  كثر خيرك ميخوصنيش خلاص كي وليت نتعاير بالعاڨر عادي
إيريم:  عاڨر وشكون عايرك ألالة
شيرين:  عمتك قرة عينك
ايريم:  شيرين متستفزينيش عمتي معندهاش الحق تهدر على حاجة خاصة بيني بينك
شيرين: ياو كي وليت أنا العاڨر عادي خلاص ميهمنيش يلا نجيب منك ولاد لانو انا معنديش رغبة واش رايك
إيريم جمد فيه دم عمض عينيه يحاول يتحكم في روحو قبل مايدير كارثة
شيرين:  ودروك طلقني من شعري حاب طيرو
جبدها بشعرها لعندو وهمس:  عندك رغبة ولا ما عندكش لي في بالي يصير متحاوليش تتماداي شيرين لأني ني متحكم فوق لازم متخلينش نندم
ودفعها وقال: عيني عليك ويوصلني انو تلاقيتي بهداك الكلب نقتلك حية مش نقتلك تموتي وخلاص نو نقتلك ونتي تشوفي
رما تيليفون من يدو وخرج بين شيرين كلماتو ملها وتتعاود في أذنها عمرها تخيلت تلقاه هاك راحت قعدت فوق سرير وغايضتها وتبكي حتى داها نعاس ورقدت............

                     تابع...........

                      رأيكم في البارت.........
        
                        تفاعل..........