رفضته فانتقم مني [ باللهجة الجزائرية ](قيد التعديل)

إحساسي الغريب

ليوم قررت نحط هاد البارت باش نشوف التفاعل الحقيقي وهاد البارت هو لي يحدد الى نكمل غذا ولا نخلي أسبوع إنتظار على حساب التفاعل المهم عليكم المهم 
نكملو ❤
♡•♕•♡•♕•♡•♕•♡•♕•♡•♕•♡•♕•♡♕•♕•♡•♕•♡
ريان قاعد يتفكر فلي داره فلي صرا كره راسو من بعد مشوف شيراز لعذاب راه لعندها يشوف دخل لقا أختها وأمها و جوري غير شافوه داخل خرجو بقا غير هو وهي
ريان: راكي مليحة
شيراز: هذا زعما نتا أواه مشكيتش
ريان: كيفاه
شيراز: هههه والو راني مليحة
ريان: راكي واجدة باش نرجعو
شيراز: ني واجدة
خرج هبط لتحت لقا خوه ايريم خرجو معا بعض وراحو يحجزو باش يرجعو كامل
عند شيراز
راقدة في فراشها رافدة تليفونها ودايرة تصويرة ريان وقاعدة تشوف فيها وتضحك حكما مخدة وتشم في ريحة دخلت يماها بلا متفيق شيراز شافتها وشافت تصويرة تاع ريان قعدت تضحك على بنتها لي تتوحم على راجلها
يماها: لوحم ومايدير
شيراز نخلعت
شيراز شافت فيها نتاع الله غالب: وش ندير حنهبل انا والله
يماها: ني عارفة ههه
دخلت شيرين حرمت عليهم الشياخة
شيرين: نحرم أنا نلعب ولا نحرم شيراز واش دوكا مكانش وجع
شيراز: لا لا غير شوية كيما مداري
شيرين: لمهم راكي مليحة وريان معاك مليح
شيراز: ريان ينوض غير علاجال مراد ومنحكيش كيش يولي مزيا مدار والو
شيرين: مراد راح رجع لدزاير
شيراز: تهنيت مزيا والله انا لي تطفر فيا
شيرين: عقليتهم دايرة كيما هكا والله ولغيرة واعرة
شيراز: لغيرة ايه واه
يماهم: زواج تصبروله يا بناتي
شيرين: مكانش لي صبارة كيما شيراز أنا نحسها كي متكونش مليحة وكي نهدر باش نعرف مالها والله متبين والو
شيراز قعدت تضحك على ختها: واش نقولك آشيرين سر بيوت لمهم نوض نلبس ونوجد صوالحي في فاليزة
يماها: لا نتي روحي تحمي وحنا نوجدولك لفاليزة
شيراز: داكور
دخلت تحمت دارت دوش بنظرها راحة خرجت من دوش بدلت لبست ♕♡

شعرها خلاتو هكا مطلوق كيما مداري تخليه دارت مكياج خفيف هي تحب طبيعي وحاجة سامبل وهبطت كشما تاكل مخلات والو من ماكلة وخرجت للجاردان وتبربش بتيليفون حتى جات شيرين
شيرين:كيفاش راكي صابرة
شيراز:على لي راه فكرشي
شيرين:وكان وحدوخرى لوكان راحت وخلاتو
شيراز:نتي تبانيلي ماكيش باغية تصبري
شيرين:نعرفك تفهميني من هدرتي
شيراز:زرع بنبت هدري شاكاين
شيرين: ايريم كيما ريان علاش دايرين كيما هاكا
شيراز:لا ابنتي ايريم ماشي كيما ريان ريان دوبل عيشي معاه نهار تقوليلي رديلي ايريم
شيرين:سما نصبر
شيراز تخرب بتيلفون:أنا وكان صبت تبدلولي نبدل بدون نقاش مي مكتوب
شيرين:اواه نتي راكي عايشة لي ملازمش تعيشيه فلاج تاعك
شيراز:قتلك مكتوب ونتي صبري بركي متتمسخري
صونا تيليفونها قالت:قتلك تصبري تجبدي عليه يعيط يحس
شيرين:ههه رفدي رفدي عليه
شيراز: ألو وي
ريان:راكم واجدين
شيراز:وي نا واجدين
ريان:راكي قادرة تمشي
شيراز:ريان ني مليحة نروح ماشي حاجة كبيرة نورمال
ريان:أيا رانا جايين
شيراز:داكور
كوبات على التيليفون جات نايضة وقالت:راهم جايين راكم واجدين
شيرين:وي نا واجدين
دخلو للدار هبطو لي فاليز شيراز لبست فاست كوير دارت ليلونرات وصاك جات تهبل لانها قررت ترجع كيما كانت ترجع واحد ما يدمرها
خرجت صوالحها برا رافدة تيليفون تكونيكتي خرجت يماها هي وشيرين لقاوها واقفة قعدين يقولو شيراز هادي تاع بكري وقلبهم فرحو حتى يوصلو رجال مشات شيراز معا ريان ركبت في لقدام ويماها محبتش تركب معاهم باش تخليهم وحدهم يتفاهمو ركبت معا ايريم وشيرين
شيراز شعلت طلقت لغنا دارت (moha k _ zoné) بقات تغني معاها زيدتلها وبقات تغني وريان يشوف فيها عاجباته تصرفاتها وغناء معا لغنيا بقا يضحك حتى شافت فيه شيراز
شيراز:علاه متضحكش دايمن
ريان:خاطر راسك خشين نبغي تعانديني عليها
شيراز: ماشي أنا سبة دايمن مالغري عندك ضحكة تهبل توجور مخبيها
ريان:كي تضحكي نتي أنا علاه لمهم نتي تضحكي بصح ضحكتك متوريها تا لواحد غيري غير أنا لي نشوفها
جات تهدر انطلقت غنية تاع (chaba sabah _tzawjteh)  جات تنحيها نحالها يديها وقال:خليها
شيراز:حسبتك متحبهاش
ريان: علاه منحبهاش
شيراز:بيسكو متحبنيش وهاد شونصون نتاع لي كوبل
ريان:معليش نهرسلك راسك
مفاقوش حتى وصلو للمطار دخلو كملو الإجراءات تاع سفر طلعو ركبو في الطيارة وخصصو لريان كونه رجل اعمال كبير في المانيا 🇩🇪 احتراما له قعدو كامل تم شيراز خصصولها جناح خاص باش ترقد فيه راحت هي وشيرين رقدو تم  حتى جات يماهم تنوضهم ناضو غسلو وراحو قعدو ياكلو وراحو قعدو في المقاعد على حساب نص ساعة باش يوصلو قاعدين يبربشو في تيليفوناتهم  تحت أنظار ذيوبا ههه حتى لي وصلو شيراز كي جات تهبط من دروج حكمت فيد ريان تما حست باحساس غريب وقعدت تقول في قلبها (يا يما إحساس غريب) قلبها يضرب مفهماش واش مبعد قنعت راسها بلي لوحم كلشي تحصل في لوحم راحو لوطو وصلو كل واحد لديارهم بعد ما ودعو بعضياتهم راحت شيراز للدار كومونداو للماكلة باش يتعشاو تعشاو فاتت ليلة نورمال
صباح جديد على أبطال ناضت شيراز مالقاتش ريان دخلت تحمت مشطت شعرها ديما متهليا في راسها لبست

وهبطت كشما تاكل كلات عمرت كرشها وراحت للصالون لقات ريان حاط راسو في وراقي وقدام سكريتار تاعو قعدت واقفة حست بنار تحرق فيها شدت في كرشها ولات كي تتقلق تشد في كرشها دخلت شافها ريان
شيراز:صباح الخير
ريان:صباح النور (عرفها بلي راها باغية تجيفه) هادي سكريتار تاعي (دار عن سكريتار)وقال:هادي مدام شيراز زوجة تاعي
سكريتار:تشرفت بيك مدام
شيراز:وبيك
ريان:حنا رانا رايحين كانش حاجة عيطي
شيراز: داكور
خرجو وبقات تدعي: حبة في لسان قاله سكريتار قال (بقات تقلد فيها) تشرفت بيك يختي نا منشرفش بيك
قاعدة تهدر وتفرغ في قلبها مبعد راحت جبدت البيسي تقرى فسيت بيسكو تفاهمو باش تقرى فدار بحجة أنها مريضة قاعدة نقرى من 10 حتى 14 عيات بلعت لبيسي وراحت تفطر كانت فري جيعانة
شيراز: باينة راها عاجباته هادي سكريتار تاعي 
كملت تمنشير راحت شعلت لا تيلي وتكونيكتي حتى تعيطلها جوليا أبال فيديو
جوليا: واش عمري صافا
شيراز: ماصافاش نمرض ومتسقسيش عليا هادي هيا أطحبة
جوليا: ياعمري والله ديزولي والله راكي عارفة بلي مانيش نصيب تا كيفاش نحك راسي طالمو لي ني شارجي دايمن
شيراز: بركي ماتحلفي أليهودية أمنتك لا متحلفي
جوليا: ههه كيراه لبيبي هو بوه
شيراز: لباس عليهم شاخصهم عندهم وحدة كيما هادي وتقولي كيراهم خصارة عليك بب
جوليا: لعسل تاعي نتي علابالي كي تخطيهم ضيعي
شيراز: بلعي بلعي منتلاقاوش
جوليا: نتلاقاو مي صبري ندي كونجي وتشوفي تا تكرهيني
شيراز: منكرهش عمري رواحي نتوحم عليك شوية
جوليا: كيفيها لوحم نجي بلاك تجيبي وحدة كيفي شايخصك
شيراز: اححمم حوحو يشكر في روحو روحي كملي خدمتك مبعد نحكو
جوليا: مبعد طحبة تهلي باي
كملت شياخة تاعها حتى يدخل ريان
ريان: واشا كي حكمتها
شيراز: نتا لي كنت حاكمها كي جاتك لحالة
ريان: شاكي تهدري نتي مفهمتش
شيراز فاقت معا راسها ونيلتها: أ لخدمة نتا تبغي لخدمة
ريان: ايه شكوون يبغي لخدمة لازم باش تعيشي ونتي وكان منخدمش تاكليني علابالي بيسكو ديت وحدة على كرشها تخلي دارها
شيراز: صايي متزيدش فيها ڨاع هكا متزيدش
قعد يضحك عليها طلع لفوق يدوش بدل حوايجو وهبط
ريان: شيراز عندي إفتتاح نتاع سبيطار تاعي تروحي ولا ماكالاه
شيراز: منروحش ني عيانة
تفكرت بلي إفتتاح فيه شيرات وديت سكريتار
شيراز: ولا لا نروح نروح ني نكره وحدي
ريان (هادي مالها): مالا خفي ني نسنى بصح عندك دروج غير بشويا
شيراز وهي فايتة عليه: خايف على ولدك اه
ريان: شييراز (كل حرف يشدد فيه وتاع زعاف)
شيراز: خلاص غير متزعفش راك مليح هكا قعد هكا
طلعت تجري من انفجار لي كان غادي يصرا وقاعدة تضحك عليه وتقول واللع نهبلو نوريه على سكريتار خلات ريان كيما البركان لي غادي يطرطق......................... يتبع
♕♡•♕♡•♕♡•♕♡•♕•♕•♡♕•♕♡•♕♡•♕♡•♕♡•
الدعم لازم يكون
التفاعل الحقيقي فهاد البارت. يبان
التعليقات ارأكم
فوت نلقا 50 فوت نعرفكم قدها وقدود
خاصني كي ندخل للواتباد نفرح
ايا بون كراج نشالله يعجبكم البارت
باي نحبكم كامل ❤