بارت 14 هلووو 💋
~~~~~~~~~💋~~~~~~~~💋
كلهم الگلولي احبك ما ردتهم 💋
شلي بيهم ؟؟ وآنه أحبك ♥️
انته يا شامه اعلى وجهي شون اذبك؟ ♥️♥️
*****************************~>
ميس : اي براحتك هسه من رخصتك اريد انام
ودرت وجهي ع الجهه الثانيه ونمت ،،،،
ثائر : ضليت الليل كله اباوع عليهه شون نايمه
بس موتتني بس تحوص رجليهه ما بقت ضربه ما ضربتني اخير شي اجتني دفره بخاصرتي 😂 شوطتني للستار بس سكتت
صار الصبح لازم اروح للدوام كعدت من النوم لكيت رجل ميس على بطني 🤦🏻♀️ شون نومه هاي الله يعين امي جانت تنام يمهه
فصختني تفصيخ الليل كله ترفس بيه🤦🏻♀️
ميس : حسيت على ثائر كعد بس اني رجلي فوكا استحيت ابين اله اني كاعده سويت روحي نايمه لان حاطه رجلي عليه وخر رجلي من فوكا وكال
اووف اووف شنو هاي النومه زعطوطه انتي...
ميس : اني هنا خنست حتى النفس كطعته انتظرته يكوم
كام طلع من الغرفه عدلت نومتي وختلت جوه اللحاف علمود ميبين اني كاعده
دخل للغرفه 😳 لابس بس خاولي لافه على خصره يااا فشلتي 🙄😟
ضليت لابده جوه اللحاف لحدما طلع 🤦🏻♀️
نزلت جوه لكيت خاله بعدهه نايمه يعني ثائر طلع بدون ريوگ 🥺
سويت جاي وحضرت ريوگ ورحت يم خاله كعدتهه تتريگ وياي اكلنه ورحت نظفت البيت هوه نظيف بس هيج نظفت اشيائات سطحيه ..........
كاعدات اني وخاله واندگت الباب
الحجيه : كومي يمه روحي فتحي الباب شوفي منو اجانه
ميس : حاضر خاله
رحت صحت منو ..
سرى : آني سرى حبيبتي آني و خاله ام مازن جينه نسير عليكم
ميس : (اهوو صخام بوجهي اجتي ام مازن )
يي اهلا وسهلا بيكم فتحت الباب بوست سرى اما ام مازن طبت كالت السلام عليكم وما بوستني ودخلت ليجوه
سلمن على خاله واني رحت سويت چاي وحطيت كيك جنت مسويته اني
اجيت قدمت الهن چاي شربن ويسولفن واكلن ضلن يسولفن ساعه ونص واني كعدت شويه وكمت وراهه كعدت بالمطبخ
اجت ورايه سرى
سرى : هلو ميس شونج خيه
ميس : هلو حبيبتي زينه الحمد لله انتي شونج ؟؟
سرى : الحمد لله بخير شونهم وياج خوما اذوج لو سمعوج حجايه ؟
ميس : لا والله خوش ناس الله يحفظهم ان شاء الله
سرى : ان شاء الله ،،،،
اي شنو تسوين وحدج هنا بالبيت ؟
ميس : والله كلشي ماكو من الصبح انظف البيت ونتريگ وشويه نسولف وبعدين كلمن لغرفته للغده اسوي ويه خاله
ونتغده يجي ثائر متأخر هم اصبله يروح ينام وبعدين يضل نايم للعشه ياكل ويطلع واني اضل كاعده يم خاله نسولف ونباوع مسلسلات الف الحمد لله ع كول حال 😌
سرى : شون عيشه هاي استغفر الله ماكو لا اطفال يمكم يترسون البيت اصوات
ولا بنات كبار يكعدن وياج تسولفين ضوجه حياتكم 😂
ميس : اي والله بس اني متعوده ع الهدوء وببيتنه جنه بس بالليل ننجمع وهم بس باوقات الاكل وهاي هيه
سرى:
اكول صارلج هواي من تزوجتي ماحبلتي؟؟
أنت تقرأ
ميس والنقيب 💔
Romanceورسايل منك لحد هسه اداريهن 💔 مثل نومه طفل بالليل اهز بيهن 🥺 واگلبهن واشوف ايامك الحلوات مو حلوات بس مجبور اسميهن🥺💔
