ميس والنقيب 💔

بارت 8

بارت 8
❣️❣️❣️❣️❣️❣️❣️❣️❣️❣️❣️❣️❣️
أنا كالغريق لا أجد من ينقذني
جزء مني يريد الموت لشده تعاسته 💔
وجزء يريد ان يعيش وانا من بين هذين الأمرين حائره ..........🤍
~~~~~~~~~~~~~~~~~~~~~~
ثائر: أكثر من شهر آني افكر بيهه اروح للكليه كل يوم علمود اشوفهه ارجع للشغل اشتغل وافكر بيهه ضحكتهه خوفهه ثگلهه هدوئهه كلهن يجن ببالي من اكعد وحدي گمت بس اشتغل علمود اشغل عقلي عن التفكير بيهه احتلت كل تفكيري 🥺 ايام قضيتهه اني اشتغل وارجع للبيت وبين اروح لبيت ماجد لو يجيني علمود نتعلل ونطلع من مود الشغل ....

ميس: نمت فرحانه لمحمد ونبأ ♥️
كعدت الصبح رحت يم بيت عمو مرت عمو وحدهه بالبيت صاحتلي ابقى يمهه بقينه نحجي بالعرس مال هاله وشنو صار وهاي الي اجت وهاي الي حتى ما خابرت ولا كالت مبروك وهاي الي ما انطت واجب وضلت تحجي على خلگ الله كلهم 😅 تعبت ورا الظر بيت عمو غداهم يتأخر الا ينجمعون عمو وسليم ومرت عمو ع الغده يالله يصبون ف اني ترخصت منهه ورجعت للبيت ..
طبيت للبيت وكفت يم باب المطبخ وجان ابدي انعي😅😂

ميس: يماااا ياا يماااااا جوعاااااانه يا يماااا بنيتج يااا يمه طاگهه الجوع يا يماااا اشم ريحه
برياني ياااااااااا يمااااااا 😇😇 واباوع 😳😳😳😳 عزااا هذا منو 😓 شفت واحد اسمراني وطويل وعنده لحيه خفيفه وعيونه جوزي وحواجبه ثخان وطبگ وكلش مرتب جان لابس قميص ابيض وبنطلون اسود قماش يباوع عليه ويضحك جان واكف يم المغسله مال الاستقبال صايره ع الطارمه باوعتله شويه شفته يضحك جان اشرد عزاا 🙄😳 هذا منو 😓 دخلت للمطبخ جان اشوف امي من بعيد تنزل الدرج 😓 همزين مسمعتني اجوعر واصيح بس شون فشله
سئلت ماما
ميس: ماما منو عدنه ؟
الام : شمدريج عدنه خطار ؟
ميس: ااا بس شفت حذاء بالباب كلت عدنه خطار 😅
الام : اي محمد عازم صديقه مرتجى على الغده (الغداء)
ميس : يي لعد محمد وين اذا صديقه هناا ؟؟ (لو موجود جان سحلني سحل من كفشتي على السوايه السويتهه)
الام : يي دزيته يجيب كم حاجه محتاجتهه ضروريه ،،
ميس : ممم ماشي اروح ارتاح متت راسي كام يوجعني من وره مرت صادق😓
الام : عيب ماما شنو هالحجي كولي مرت عمو كولي باجي خاله عمه لتكولين مرت صادق!!

ميس: اووف ماما صايره تدورين مشاكل اروح اصعد احسن الي باي..

صعدت نزعت العبايه وطلعت مكياجات وكعدت ارسم على وجهي واسوي فيكات جديده شعندي كاعده بالبيت وساكته خلصت شفته طلع يجنننن
طكيت صور هواي ورحت غسلته وكعدت اسوي تنظيف للبشره وما خليت شي بوجهي ما خليته كلشي سويت ماسكات وتقشير وتننظيف وبخار واشكال الوان 😊😊 سويت وجهي مرايه 😂 لا جذب صار لونه احمر من الفرك ومن كدما غسلته 😇 خلصت حطيت سيرم فيتامين سي c ونزلت تغديت وصعدت نمت😴😴😴😴
بالليل .................
نزلت متأخره بالنومه 😓 الساعه بال9 واني هسه كعدت اكيد الاهل متعشين ومخلصين واكيد ضاميلي اكل بس ما راح آكله 🙄 لأن
لميت علاوي دا يباوع فلم حلو وياكل جباسه ونساتل وكرزات كالعاده سهره حلوه ف اني رأسن كعدت يمه جريت الكيس(علاكه😅) واخذت جبس منه اكل وباوع للفلم ومندمجه بي وعلاوي يحجي وياي واني ولا يمه .... وجاااان 😳😳😳😳 يصير مطافر بيناتنه سمعنه صوت رصاااص رج المنطقه رج 😳😳😳 علاوي طفر يريد يشوف شنو واني ارعش وارجف واحر بي اكوله يمعود وين رايح
..... وج هديني وخري اروح اشوف شكووو!!!!! ماما وبابا ومحمد هم نزلوا من فوگ ماما تمشي ب زينه لان انهبطت خطيه اني بس واكفه وارجف ورجليه يطكن رجل برجل 😖😖 متت من الخوف هنه دقايق رموا بيهه بس احسهه دهر صار الوقت يمشي على كيف 💔 ....