ميس والنقيب 💔

بارت 5

هلوووو حبايبي شلونكم 🙂 واليوم بارت جديد  اتمنى يعجبكم ♥️ ورجاءاً رجااااءاً 🙂 اريد تعلقولي استمر بسرد القصه لو لا .. علمود اعرف من البدايه اني موفقه بسرد اول روايه الي ....

ميس : صعدت فوك للغرفه نمت ع السرير بملابسي حتى مالي خلگ ابدل وجسمي يرعش ما ادري شبيه .. يمكن لزمتني البارده 😣😖
نمت وما حسيت على نفسي ☹️

كعدت من النوم لكيت نفسي مو بمكاني 😳 اباوع اكو رجال فوگ راسي دا  يعلك المغذي شافني فتحت عيوني كال
الدگتور : هلا بالحلوه الحمد لله ع السلامه 🙂
ميس : الله يسلمك دكتور .. اااا. بس منو جابني هنا؟؟ شنو بيه ؟؟ شصاير ؟؟

الدكتور : بس عندج ارتفاع بالحراره لتقلقين ماكو شي اخوتج بره ينتظروج تصحين راح ابلغهم ..
ميس : تمام دكتور مشكور 🙂

محمد : هلو ميوس الحمد لله ع سلامتج خوفتينه عليج ..

ميس : الله يسلمك خويه 🙂
علي : هلو ضلعه شونج ؟؟ تره مو وكتج تتمرضين وراج ركص بعقد بت عمج  صادق 😂

ميس :😒 اااااااخ لو اعرف ليش تكرهم يرتاح بالي واخلص من الفضول الكاتلني 🤨🤨🤨

علي : لا اكرهم ولا شي بس ما اطيق ابنهم 😒 سليم كرهي اله عم على كل اهله 😒😒

ميس: يااا وانته ليش تكرهه مو هوه بگدك ؟ شعجب هاي اول مره اسمع بيهه هاي المعلومه ؟؟ 😯
علي : اكرهه من يوم الي جنه صغار وضربني بالحديده يم حاجبي وليهسه الضربه معلمه على وجهي  لو نسيتي ؟؟

ميس : والله مدري شكول الك ..
ااااخ راسي راح ينفجر حمودي عفيه سويلي حل جيبلي بانادول لو اي حبايه بس خل يسكن الالم 😣 ووووف والدنيه بارده ..

محمد : مو بارده خيه بس انتي مصخنه ف تحسين الجو بارد هسه تطيبين وترتاحين ♥️

بغير مكان ......
النقيب ثائر
المكان البيت...
النقيب ثائر : وصلت للبيت  دخلت للمطبخ غمضت عيوني وجريت نفس 🤍افيييش يا ريحه البيت شفت الحجيه أمي سلمت عليهه
النقيب ثائر : السلام عليكم حجيه شلونج شلونهه صحتج 🤍

الحجيه : هلا بيك وليدي توه نور البيت ♥️ روح ارتاح حتى اجهزلك العشه ناكل اني وياك منتظرتك اني 🙂
ثائر : تمام حجيه اصعد ابدل وانزل يمج ..
الحجيه : يلا .
ثائر : صعدت نزعت ملابسي دخلت للحمام سبحت ولبست تراك بهاري اسود ونشفت شعري بالڤير ( سشوار مدري شسوار😅) لان الدنيه شته(شتاء) ونزلت يم الوالده اتعشه😌
شون عشه يرد الروح ( كباب طاوه وروبه وطماطه مقليه وبتيته وزلاطه (سلطه) هالقاسمه الله ناكل 😌 احسن من الاكل بالشارع كله لفات خاست معدتي 😂
اجاني اتصال من ماجد ( طبعاً ماجد ملازم صديقي الروح بالروح بس بوقت الشغل نتصرف برسميه جداً )
ماجد : هلا ضلع شلونك ؟
ثائر :لا هلا ولا مرحبه شكو لك شرايد؟
ماجد : له له شنو هاي شبيك 😂 شسويتلك وهيج تحجي وياي ؟
ثائر : ما  سويتلي شي كول شكو ؟ 😅 متخابر لوما عندك مصلحه 😇

ماجد : 😂 لا مو لهل درجه 😅 ما بيناتنه مصالح ضلعي خابرت ردت اكلك تجي نسهر ببيتنه لو اني اجيك ؟؟

ثائر : لا اني راح اجهز الاستقبال تجي انته يمنه ما اعوف الحجيه وحدهه بالبيت ..
ماجد : ماشي مسافه الطريق وجاي حضر الكعده مو مثل ذيج المره اجيت اني اشتغل واحضر وانته كاعد يكلك بيتي مو بيتك 😂

ثائر : لا هسه احضر بس جيب وياك حب الشمس فد كيلو 😂 واني راح احضر الورق والطاولي ونشوف منو الي يفوز اليوم 🤨 ماجد: اتحداك اني اليوم اطلعك خسران واني احصل الهديه 😌😌

ثائر : يا هديه ؟؟
ماجد : بعدين من اجي افهمك باي ..
ثائر : ماشي باي . 
اجه ماجد وضلينه نلعب لنص الليل خلصنه لعب واني فزت طبعاً مو ماجد العار 😂 وماجد ضااج كلش .. كلت اله هاا شو صايج اي والله حقك صار كم مره اسحلك ومتجوز وتجي تلعب وتتحداني .. بس ضل شي ببالي شنو الهديه الجان يريدهه 😕
سئلته .. أكوول ماجد ؟ شنو الهديه الجنت رايدهه مني ؟ 🤔
ماجد : ااا 😅 بس ردت نروح اني وياك لبغداد نغير جو .😉 على حسابك 😅
ثائر : ايااا ملعون انته من كل عقلك اخذك بعد لهناك لو تموت 😂 على سوايتك ذيج المره فلا اخذك وياي 😂 .....

بغير مكان :: ميس ...
طلعنه من المستشفى الساعه ب 1:30 بالليل 😩 رجعنه البيت سلمت على امي ما نامت الا من رجعت للبيت 🤍
  نمت وارتاحيت كعدت الصبح الساعه ٩ لكيت الفون محترك عليه من نبا واني ممجاوبه لان فوني صامت واني نايمه ف ما حسيت عليه 😅
شفت روحي مالي خلك ومتأخره ف ما رحت اووف حاطيلي كانوله بايدي 😣 يييع شگد اكرهه 😢
مشه اليوم عادي وحضرت هدومي مال باچر لان ما راح اغيب لازم اداوم لان هاي هندسه مو لعب اذا اغيب يوم راح اتعب اسبوع واشبع قهر .
ثاني يوم .. ميس كعدت من وكت بدلت وحضرت نفسي وطبعاً بعدني ما طبت لان كلشي ما اشتهي آكل خلال يومين اني عشت ع المي (ماء) والسوائل وحتى كمت اتقيء 
كلما اتذكر منظر الدم گبالي تلعب نفسي 😖😣 نزلت الصبح شفت ماما كاعده هيه ومحمد بابا طالع من زمان
ميس : صباح الخير ♥️
الام ومحمد : صباح النور
الام : هاج بنيتي سويتلك لفه گيمر ومربه جزر اكليهه عمود متجوعين .
ميس :اااا🙄 لا ماما اني آني أكلت من زمان لان اني كاعده من وكت 😌( طبعاً جذابه الاخت متشتهي تاكل ف جذبت على امهه عمود متجبرهه تاكل 😇)

اجه السايق صعدت بالسياره واكلتني اكل نبا من صعدت 😒

نبأ: هلو عيني شلونج😒 متكولين عندي اخت اسئل عليهه اكول الهه اني مريضه ما اكدر اداوم هيج يا بذاته خليتيني امشي وحدي بالكليه 😒 تدرين ما امشي اله وياج 🙁

ميس : باوعتلهه وكتله لعد شبيدي خيه لتزعلين غير مريضه والله ما لزمت الموبايل طول الوقت نايمه ومالي خلگ 🥺

نبأ :💔 يي ادري مريضه 🥺 عدج العافيه بس غير اشتاقيتلج واعتب عليج لان احبج ☹️ وانتي اختي  وما عندي  غيرج ♥️

ميس : ♥️ فدواااا 🥺

وصلنه للكليه والطلاب كلهه تتحمدلي على السلامه ☺️ حسيت روحي عزيزه عليهم طلاب قسمي كلهم مثل اخوتي وميانه زفره وحتى اهلي يدرون بيهه هاي الميانه 😂😅

كاعدات على المسطبه اني ونبا ونسولف وهيه تحجيلي على اليوم الغبت بي شصار وشسوت وحجت على الدروس وجاااان 😳..............يتبع

اسفه يا جماعه ادري البارت قصير بس شسوي هيه هاي الاحداث هيج بالبدايه وبعدين ندخل بالتفاصيل 😇🙂🙂 مو تنسون تدوسون على النجمه واي شي تريدون تسئلون كتبولي بالتعليقات 😊
كانت معكم الكاتبه smraa♥️