لن يفيدك المعطف عندما يأتي البرد من الداخل .."🖤
حسن:هاي هي ميعاد سدي السالفة،،البنية
رافضة المن اظل مجلب بيهة
ميعاد:البنية عدهة ردة فعل من الزواج وانت
بيدك تكدر تمسح هالقلق الموجود بداخلهة
حسن:يمعودة اني مالي خلك هالسوالف،،دنحجي
واجة زيد يركض،،مس ريلاس ماكو لحد هسة
ميعاد:ما ادوم اليوم حبيبي تعال يمي شتريد
حسن:شفته شلون ضاج معقولة هيج متعلق بيهة،،
شعجب ممداومة هاي اول مرة تغيب،،،
ميعاد:ايي استاذ حسن وشمدريك اول مرة
حسن:يووو ميعاد راح تكعديلي ع الكلمة،،يعني
صار فترة اني امر يمكم واشوفهة
ميعاد:وبسسسسس..
حسن:ايي طبعا بس قابل شعندي وية البنية
ميعاد:ايي نشوف تعال زيودي وياية
حسن:ظليت افكر بيهة معقولة تكدر تربي زيد
وتصيرله ام،،زين اني رايدهة ام لزيد وبس لو
شنوو،،عقلي يفتر بدوامة مداعرف شأريد ساعة
اكول ايي اريدهة اني هم محتاج زوجة بحياتي،،
ومرة اكول لااا ممحتاج اي شخص يدخل حياتي
من جديد،،،دخت من هالسالفة،،،
مر اليوم عادي طلعنة للبيت وزيد طول الطريق
ساكت محجى شي مو من عوايده،،،
طفيت المسجل وحجيت وياه،،،
زيوي بابا شبيك اشو ساكت??سألني اذا راح
اوديه لبيت عمته
حسن:اييي باجر عندي دوام حتى ما اكعدك الصبح
واطير نومتك وهي تاخذك وياها للروضة،،،
صدمني من كام يبجي ويكولي يريد يبقى وياية،،
مرضى ينزل للبيت،،يلة حبيبي نتغدة سوة وانام
والعصر اوديك لبيت عمة،،،مرضى كام يبجي
وزعل مني راد يروح لميعاد،،عاد اني كبل شغلت
ورحنالهم نزل يركض،،
ميعاد:شصاير شبيه???
حسن:ما ادري ميعاد ما ادري،،فدوة شوفي
احجي وياه حتى مرضى يسلم عليه
ميعاد:تعال اتغدة وين رايح????
حسن:بالعافية ما اريد،،ما اوصيج عليه بعد
ميعاد:يمعود لاتوصي ميحتاج،،دير بالك ع نفسك،،
حسن:ماشي،،شغلت وطلعت للبيت،،كبل بدلت
ونمت مالي واهس لاي شي
ميعاد:طبعا هالولد قاهرني حيل حسن مديعرف
يتصرف،عباله من يشتري ويجيب العاب كل
ظنه يعوض ابنه عن عدم وجوده وياه،،،الطفل يريد
يستقر يريد يعيش ابيته مو يومية ابيت شكل
كعدت وحجيت وياه حاولت اشرحله ان ابوه
يحبه ومشغول بالدوام،،بس فاجئني جوابه
اكبر من عمره،،كلي امي متحبني ومتريديني
وابوية هم يقشمر عليه بالالعاب والمشترى بس
ما اريد كل ذني اريد بابا،،،
شكد حلوو لو مس ريلاس تاخذني وياها حتى
بابا ما اريده بعد،،،
ومن هاليوم زيد تغير حيل صار متمرد يضرب
ويأذي الي حواليه،،ميحترم ولا يسمع كلام
ابوه شاف تصرفاته قسى علية،،وهالشي خلى
زيد،،،يزيد بتمرده الشخص الوحيد الي يكدر
يسيطر عليه هو ريلاس بس يشوفه يهدأ
ويسمع كل كلمة تكولهة،،،تشجعت وكعدت وياها
وحجيت الهة كلشي عن مشاكل اهله لغلط امه
والعقد والخوف الي صار عد حسن،،،
