#غــربة روح
الجزء الثاني.........
فطم:هااااا يمممة انتي هيج تكولين???!!
ايناس:اييي والله ماما انطوها هالقسمة
زينة وريلاس كبرت وهسة كله ادور نهاية
التسعين والفينات
فطم:والله ما ادري شكلج يممة هي حيرة
انتي تكولين طبعه صعب ويختلف عن
اخوته
ايناس:اييي ماما صحيح بس مو لدرجة
ان ينرفض امي ترى عدي ع كولتهم كادود
ميعرف يكعد وصلوات التراب يلزمه
بيده يصير ذهب شاب تعبان ع نفسه
دارس ومثقف
فطم:لعد يمممة اني سامعة عليه معقد
وعكرة ويخنك البنية خنك
ايناس:يخنك وية اليرادلهة خنك وركض
وراها فهمتي ماما مو كل البنات ينطن
وجه واني اعرف منو الي حجى هالحجي
عليه
فطم:هسة معليج بالعالم يمة خلينة بأختج
الصدك اني احب عيالج خصوصا الحجية
دام كلبهة ع جناينهة وحقاني يعني بيتهة
بأذن الله عامر ومينظام بيه بشر لان
هي الاساس عينهة ع الصغيرة والجبيرة
ولازمة بيتهة بيدهة بس ولدهة الشهادة
لله محد طلعت منه العيبة بس كتلج
اخاف ليعقد اختج ويخنكهة
ايناس:اني بعد كتلج الي اعرفه وانتو
بكيفكم بعد
فطم:الله كريم خل نشوف يجوز يصرفون
نظر
ايناس:الله كريم بس اذا صار حجي وياج
لو كدامج اني ما ادري ماشي ماما
فطم:اييي اكيد ان شاءالله
ايناس:يلة ماما اني اروح سلميلي ع بابا
والكل
فطم:يوصل حبيبتي سلميلي ع فيصل
وبوسي الجهال،،الله وياج امي
ياسين:فطم،،فطم،،،ام محمد وينج
فطم:هااا ياسين هنا جنت بالهول خيير?????!!!!
ياسين:كل خيير ان شاءالله خابرني ابو
صادق اخوهة للحجية ان شاءالله باجر
العصرية يمنة هو و ولده واخوته و ولد
الحجية وياهم
فطم:هلاااا بيهم بس خييير يعني معرفت
شصاير
ياسين:لاااا محجى شي بس اظن السالفة
تخص ريلاس
فطم:ريلاس وشجابهة عليهم مفهمتك???
ياسين:يمكن جايين ع ريلاس لواحد
من ولد الحجية زهرة لو لولد اخوتهة
فطم:هااا الله كريم زين اذا ولد اخوتهة
تعرفهم انت الك صلة بيهم يعني???!!!
ياسين:اني مشايف شي منهم بس مال
انطيهم واني مأمن لاااا بس اذا جايين
ع هالشغلة اسأل واشوف وراها اشوف
ولد الحجية شيكولون والله كريم
فطم:الله كريم،،المهم لا يظل بالك ماعدنة
شي ان شاءالله
ياسين:موصلج شي ع رند????
