أنت لا تعرف معنى أن يبقى المرء صامدًا، يواصل مهامه اليومية وهو يتألم، يبتسم أمام الناس وفي قلبه سنين من البكاء، يتعامل مع الناس رغمًا عن رغبته في الهروب والأنعزال عن العالم، يسند الجميع وهو هش محطم تمامًا، ويدفعهم للأمل وهو غارق في حزنه وتعاسته..
أن يواصل حياته رغمًا عن تعبه ومأساته..
فكلما أراد الأعتراف بالتعب أو فكر للحظة في الأنهيار..
سمع صوت بداخله يقول " إياك أن تقول تعبت، نحن لا نملك رفاهية الأنهيار " .
أني زمن عمري27سنة خريجة تربية رياضيات،،
عايشة ابيت جدي أهل أمي،،أبوية وأمي توفوا الله يرحمهم وعمري17،،أبوية الله يرحمه اصلا مريض
ظل 4سنين متعذب بسبب كلياته،،دائما يسوي غسيل
كلى لحدما وكفن وحدة ورة الثانية وتوفى،،،
ربي يرحمه،وفاته أثرت بينة كلنة،،جان أنسان حنين
وطيب ويستاهل كلمة أب وبكل جدارة،،،
ما اذكر بيوم زعل واحد من عدنة لو مد ايده،،
علينة يحبنة حيل،،أما أمي جان يسميهة نظر عيني
جانوا يحبون بعض حيل،،لدرجة اكول اختفى هيج
حب بهالوكت،،،وشدة حب أمي اله مطولت سبع
اشهر ورة وفاته،،هي توفت،،تمرضت ونامت بالفراش
ضغط وسكر،،وبيوم كعدنة الصبح لكيناها حاضنة
دشداشة ابوية وسبحته ونايمة،،حاولنة نكعدهة
ماكو مكعدت،،اخوية الجبير نام ع حضنهة يبجي
هناااا عرفنة،،ان فقدنة خيمتنة الثانية،،،
ادمرنة وتعبنة اني اصغر اخواني عندي خوات ثلاثة
وثلاث اخوان،،،
بس البنات جانن مزوجات،،الولد بعدهم،،واحد عمره
22سنة وثنين توم عمرهم19،،
خلصت ايام الفاتحة وأهل ابوية بغير محافظة
بس عمام عندي جدي وبيبيتي متوفين،،،
كالوا الولد كبار همة يلزمون بيتهم،،ومكلفوا نفسهم
بشي اخوية طه ظل صافن ميدري شيسوي
بعده طالب كلية معتز ومضر هم طلاب،،اني طالبة،،
شلون ندبر نفسنة مندري،،
فترة مرت بطلعان الروح خواني ساعدن بالي
يكدرن عليه،،وراها خالي الجبير سووة راتب
التقاعد مال ابوية،،حوله بأسمي،،وكال اجروا
البيت وتعالوا يمنة،،،
بالبداية رفضنة وحاولنة نقنعه ان نقسم البيت
نأجر نصه،،ونسكن بالنص الثاني،،،
مقبل ورفض،،صارت مشاكل كومة،،تعبنة واضطرينة
نروح لبيت جدي،،،بس بيبيتي عايشة،،
جانت قاسية حيل،،رغم حب ابوية لامي وطيبته
ويو الكل وخصوصا جان شايلنة ع كفوف الراحة
بس بيبي جانت تكره مدري ليش،،،
كعدنة ابيت جدي اخوتي ثلاثتهم بغرفة وحدة
صغيرة سراير ماكو يفرشون دواشك بالكاع
ملابسهم حطوهة بجرارات بلاستك،،اني انام
وية بيبي بغرفتهة افرش بالكاع دوشك وغراضي
والملابس هم مثل الولد جرار بلاستك،،
يعني بأختصار جانت عيشة مرة وين جنة بيت
شكبره يلمنة وابوية وامي خيمتنة،،رغم مرضه
جان غامرنه بمحبته،،هاي من غير الدلال اكلنة
شربنة،،،وكل واحد بينة اله غرفة خاصة،،
كاملة من كلشي بالصيف تبريد وبالشتا تدفئة،،
اثاث كامل،،وهسة صفينة كلشي ماكو فلسنة
من كلشي بس بقى رب العالمين ويانة،،،
وبمرور فترة بدت الحرب النفسية،،عركات
وهوسات خالي يريدهم يبطلون ويطلعون يشتغلون
طه جان طالبة صيدلية،،ومعتز هندسة حاسوب،،
ومضر هندسة كيمائي،،،اني جنت خامس علمي،،
مرت خالي تتحجج بشغل البيت وتحرك بيبي
وخالي ويظلون يرزلون بية،،،
بت خالي الجبيرة رواء عمرهة18حطت عينهة
ع طه وصارت تأذي لان مينطيهة عين،،ومرت
خالي تهججهم من البيت لا يكدرون يكعدون
بيوم عطلة لاشي بحجة عندي بنات بالبيت وانتو
شباب،،اكثر من مرة جنت اشوف رواء شلون
تذب روحهة ع طه،،اكثر شي باليل لو الظهر،،
من يصير البيت صنطة،،تلبس قصير وفاضح
تريد بكل وسيلة تجره بس هو منطاها عين،،،
لحدما بيوم اذكر جان جمعة،،صبحت ع صياح
وهوسة،طلعت شفت خالي لازم طه مدمي،،
اول مرة اشوف اخزية بهيج حالة يسب ويغلط
ويفشر،،كلام بعمري مسامعته،،،
اهل امي واضح عليهم محابينة بس طمع براتب
ابوية وايجار البيت،،الي جنة كلشي منشوف منهم،،،
وبهذا اليوم انطردوا اخوتي واني فرفحت عليهم
رادوا ياخذوني خالي مقبل ودز ع عمامي والف
حجي،،طلع اخوتي موخوش ساقطين،،واصحاب
سوالف مكسرة،،واني هم لاحني طشار من حجيهم،،
بحجة،خفيفة ع اخوتهة ومراهقة شلون تعيش وية
ثلاث ولد،،ولا جن الي يحجون عليهم اخوتي عبالك
راح اعيش وية غربة،،،
وانتهى النقاش بأن اني ابقى وهمة يرجعون لبيت
اهلي،،،
بيومهة بجيت بجي بس الله يعلم بيه،،،
شلون يعيشون وحدهم،،وهمة طلاب منو يصرف
عليهم،،،
ورة فترة خابرني طه ع تليفون بيبي وحجالي،،
ان طلع ابوية يطلب كم شخص صدقانه،،
وسبحان الله حاشى ميكطع،،صدفة جوي للبيت
ورة طلعتهم بأسبوع،،وبالفلوس قسم البيت
اجر نص،،والنص الثاني كعدوا بيه،،،
وكل واحد دبرله شغل ورة الدوام،،،مرت عليهم
ايام ظلوا بعازة الفلس بس ترباة ابوية دبروا
نفسهم وكدروا يستقرون مرت ثمن اشهر واني
مشتايفتهم،،،
لحدما بيوم عصرية جنت بالحديقة اندك الباب
وخالي فتحه،،جانوا اخوتي ركضت عليهم جني
شفت ابوية وامي بس همة بقولي من ريحتهم،،،
بجيت بجي بحضنهم،،،
خالي انصدم من شكلهم وتصرفاتهم،،
متغيرين حيل كبرانين،،مقبلوا يطبون للبيت،،
بالباب حجوا وياية،،طه ماخذ تكسي بالاقساط
يلزم خطوط بيهة طلاب وياه،،ورة الدوام تكسي،،
توسلت بيه ياخذوني مكدروا لان خالي مقبل
وصارت مشاكل،،،
مرت الايام والاشهر،،وصارت سنين،،كبروا اخوتي
وتخرجوا،،واني نفس حالي ابيت جدي،،،
يجون يشوفوني من الباب ويروحون يحطون
بيدي مصرف بس اطب خالي ياخذهن بحجة
شسوين بيهن ماكلة شاربة ابلاش،،،
راتب ابوية كله بيده يقشمرني ب25لو لبسة
جديدة لو شي،،،
اني ومرته ليومنة هذا مشاكل مو ع صلح،،،
طه زرة اشهر من تخرجه قرر يزوج،،بس خواتي كالن بيعوا البيت وكلمن ياخذ حصته،،،
انباع بيت اهلي بسعر زين وحصتي خليتهة بالبنك
طه اخذ مشتمل ورة فترة خطب وازوج طالبة
وياه،،بنية حبابة ومؤدبة،،علاقتي حلوة بيهة
بس شنوو الفايدة بالسنة حسنة نتشاوف،،
خواتي كطعن كل جم شهر مكالمة لو مراسلة
محد يوصلني لبيت جدي،،،،
معتز ومضر،،اجروا بنفس المنطقة وية طه،،
وكل واحد اخذ سيارة تكسي وهم مشوا نفس
طريق طه،،كبروا نفسهم بنفسهم،،ممدوا ايدهم
لاحد،،
مرت السنين وكبرنة وكلمن ملتهي بحياته،،
الولد هم واحد ورة الثاني خطبوا وتزوجوا،،
تشاركوا بكاع وبنوهة سوة،،مشتملين،،واستقروا،،
وصاروا زلم ينشد بيهم الظهر،،شكد رادوا ياخذوني
يمهك بس اني احسهة صعبة كلمن مستقر بحياته
المن اخرب عليهم،،نسوانهم صح لليوم مشفت
شي محلو منهن لان دومي اروح خطار يومين
ثلاثة وارجع،،خليني بمكاني منا لمن الله يفرجهة،،
وبيوم ع غفلة بيبي تمرضت واحتاجت عملية،،
نامت مستشفى وراها مطولت اقل الشهر وتوفت،،
يعني وفاتهة مأثر بية حيل،،لان الي شفته منهة
كافي،،بس بجيت ع الانسان شلون ع ساعة يروح
ويترك وراه بس عمله الطيب وكلامه الصدقة
الجارية عنه،،،
مرت الايام وفاجئني خالي ام دبرلي تعيين
بمدرسة اهلية فرحت واخيرا راح اكون نفسي
ومحد اله شي يمي،،خابرت ع طه وكتله كيف،
وكلي احسن شي تسوي،،بس تعجب لان ياما
دبرلي تعيين وجان يعارض ويسوي هوسات لحدما
تروح الشغلة مني،،،،المهم
اجاني اخوية صبحية نروح للبنك كتله اريد اسحب
مبلغ الي رغم خطية رفض وكلي شكد متريدين
انطيج خليهن،،مقبلت سبحان الله عبالك رب العالمين
دزني حتى اشوف شديصير من وراية،،
وصلنة نزلت وية اخوية وانصدمت صدمة عمري
ان المبلغ كله مسحوب،،،ياااابة شطت بيومهة
شوطة حركت روحي حرك،،،صارت عركة وطه
ضرب خالي ولميت غراضي ورحت وياه،،
ماكو ساعتين واندكت الباب دورية سحلوا
اخوية كدام عيني،،خالي مشتكي بيومهة نام
يومين بالسجن وخالي يكلي ما اتنازل الا ترجعين
مرته بجت وتوسلت بية،،ارجع حتى يتنازل،،
شكد حقيرة الدنيا من تفرك فر ويومية تذبك
بوادي،،سويت الي يريده خالي ورجعت وبنفس
اليوم طه طلع،،بجيت،،حجيت،،لطمت،،محد يحجي
شلون راحت الفلوس،،تمرضت ونمت بالفراش حقي
هيج راح بين يوم وليلة،،،
استسلمت للامر الواقع وصرت اماشيهم بالبيت
لان عرفت حقارة خالي ليوني توصل من يأذيني
يأذيني بيهم،،،
بديت اداوم وحاولت اتأقلم وقت راحتي وتنفسي
محصور بس بالدوام،،اول ما اخطي خطوة برة
البيت تبدي راحتي لحدما ارجع،،ترجع الخنكة
والمشاكل،،تعرفت ع بنات بعمري ومعلمات اكبر
مني،،بس مصارت عندي صديقة مقربة،،ماعندي
ثقة بأي بشر،،
مرت فترة نص السنة عطلنة كضيتهة وية اخوتي
قسمت العطلة بينهم،،تونست ورفهت عن نفسي،،
راتبي صار بس الي لان قاولت خالي ياخذ راتب
ابوية وماله دخل براتبي،،المهم
بدا الدوام ورة يومين قاجئني ابو الخط بموضوع
لا ع البال ولا ع الخاطر،،،
حمزة خوش ولد مؤدب وخلوق،،بالاضافة لجماله
واناقته،،،بس من خلال الحجي عرفت نوع العلاقة
الي جانت تربطه بشهد معلمة ويانة،،،
خفت اخطي هيج خطوة مالي خلك مشاكل ثانية
كفاية علية الي عشته وداعيشه،،
طلب مني وقت افكر،،علاقتي قوية بمرت طه
مرة رحتلهم وحجيتلهة كلشي،،شجعتني احجي
وية شهد بما ان هي وياية،،،
وبالفعل خطيت هيج خطوة بالبداية مصارحتهة
مجرد اسئلة عامة عنه،،لحدما بيوم فاجئني
دز نسوان للبيت وياهم ست عواطف طبعا خالي
يعرفهم جانت جيرانهم،،،،
مجنت متوقعة هيج خطوة منه،،كلت هسة يترك
الموضوع الا اني اردله جواب،،،
بس ست عواطف كالت،،هو كايل،،ما اظل انتظر
لان هي كبالي وتستحي تحجي وتجاوب،،،
خليهة هيج احسن،،،
بيومهة دكيت ع شهد وجنت مرتبكة ومتوترة
حيل،،بالبداية سلمت وسؤال شخبارج،،شكو ماكو،،
وراها دخلت بالموضوع،،،،حجيتلهة الصار،،حسيتهة
انصدمت ومبين الحزن بصوتهة،،
وكلتلي هو خوش ولد هي قسمة ومصارت،،ابتعدنة
واحنة نحترم بعض احسن ما نظل سوة ونفقد
محبتنة واحترامنة،،،
شجعتني ع هالخطوة وكلتلي متندمين،،،منكرت
ان هي حبته وجانت تتمنى ترتبط بية،،، بسسس
هاي هي قسمة ومصارت وحجت حجاية ريحت
گلبي
;زمن انتي عاشرتيني وشفتيني،،مو اني الي انزل
راس اهلي واهدم بيوت،،اني لو اريد هاي العلاقة تستمر جان مخليته يخطي هيج خطوة،،،
لاااتتوقعين بيوم راح ارجع عليه واخرب حياتج،،،
سبب خراب علاقتنة هي علاقة ماضي دخلت بينة
وهدمت كلشي تتوقعين ارجع اعيد الي صار وياية،،
واراوي الج،،،،
