#غــربة روح
الجزء الخامس....
سراب:عدي الى متى راح نظل هيج
صار شكد من كتلي مظل شي وهانت
وكل مرة تقشمرني بكلامك
عدي:اقشمرج!!!اشو انتي مدري شلون
تحجين يعني من اجي واتقدملج امج
متريد مهر متريد جهاز انتي متريدين عرس
مرتب وكل هالسوالف لو تريدي ركض
ركض
سراب:لاااا طبعا غير اريده يكون احلى
عرس قابل گليل الي ماخذته غير حبيبي
وروحي
عدي:لمن هيج الحجي يا روح حبيبج
غير تصبرين عليه لمن الملم روحي واكون
نفسي واجهز كلشي يلة حتى من اجي
وادك بابج ماكو مجال لرفض امج
سراب:عدي امي دتلح عليه هواية وكامت
تشك بية عندي شي وياك
عدي:غلسي هسة وقللي اتصالج بية
بس هالفترة هانت وداعتج خل بس
اوكف المشتل ع حيله وتصير جو ايدي
فلوس وكبل اجيج واخطبج
سراب:خلص راح اصبر والله كريم،،،،
يلة حبيبي راح اروح امي تصيحني،،،
هااااا يوم
فريال:اني شكلت وشحجيت ولج انتي
شنو تظلين هيج ثولة ولج هذا الولد
درة مال الله وشاريج بكنوز الدنيا ترى
اذا ظليتي ورة عدي متربحين شي داكلجياهة من هسة امه متريدج فهمي
عاد
سراب:وشمدريج متريدني اكيد خالة
سعاد كالتلج مووو
فريال:ولج خالتج تعرفهم زين وعاشرتهم
واطب وتطلع عليهم تكول امه تذب
حجي تريد تاخذله من اهلهة متريد غريبة
وكلما شافتهة تذب هالحجي حتى لو
مطي جان فهم
سراب:معليج منهة خل تحجي منا لمن
تمل عدي كلي مالج دخل بالكل اني اريدج
وهالشي كافي
فريال:الج مهلة نهاية الشهر هذا وراها
غصب عنج وعن الخلفوج ترضين بحسن
فاهمة
سراب:طلعت للحديقة ضايجة منا امي
ومنا عدي طوخهة فدنوب مدري يتحجج
مدري صدك مضايقة هالفترة بسبب
مشروعه،،،،
انفتحت الباب وطبت خالة أمل هي وابن
اختهة حسن يصير ابن اختهة الله يرحمهة وربى يمهة من الصغر،،خالة أمل تصير بت خال
ابوية وجانت علاقتهة حيل قوية بأبوية
الله يرحمه من زمان محاجية ابوية
علية تريديني لحسن بس اني شفت
عدي وكلبي حبه مكدرت افكر بغير شي
بعد،،،
تليكتهم سلمت ع خالة أمل وطبوا جوة
اخذتلي صفنة ع حسن جان مرتب حيل
وكشخة وحسب حجي امي عنده سيارة
حديثة بذاك الوقت جانت الاجهزة اللمس
جديد نازلة وهو شايل ارقى واحد
فكرت بحجي امي وبالفعل كلت خل
انطي المهلة الي كال عليهة وكل حادث
حديث،،،،
من بعد هالجية كثرت جياتهم النة
لو نطلع للسوك لو عصرية نلتم يم خالة
سعاد ولاء بت خالتي ظلت تقرة براسي
هي من صفحة وامي من صفحة الشيطان
لعب بعقلي ولعبت ع الحبلين ظليت
ع وعدي وية عدي الي بدة شوية شوية
يلم علمود يجهز رغم الي عرفته امه
مراضية ولا اخوته بس رضخوا لرغبته،،
ومن جهة ثانية حسن الي طار عقلي
بيه كل طلعة وياهم ياخذلي حاجة وكله
من الغالي مرة شاف تليفوني نوكيا
قديم ثاني يوم فاجئني بتليفون حديث
لمس انغريت هواية بالفلوس والغراض
حسن شاف مني استجابة لعرضه بدون
ما احسب حساب لهاي الامور وفوك
كل هذا صارت اتصالات بينة ومراسلات
صرت اخاف اشغل تليفوني وية عدي
حتى لايحس حسن شي اعتيادي رقم
بنية مشغول تالي الليل شنو معناها
كمت من تصير ب10 الا ربع انطي حضر
لعدي ثاني يوم الصبح ارفع الحضر
واسكته بحجة امي تشك واكثر من
مرة تاخذ التليفون من يمي وهيج مشت
ايامي وياهم،،،
لحدما بيوم جان حسن يمنة جايب
غراض لامي موصي عليهن وكفت بالباب
احجي وياه وصدفة فات عدي مقابيل
بيتنة صرت بموقف صعب مكدرت
اضيع الاثنين عاد ضحيت بعدي مرفعت
نظري اله وهذا جلب ظل يسولف وراها
حرك وراح طبيت للبيت التليفون احترك
عليه عاد جاوبت وطلعلته حجة وسكته
