الحلقة الأولي من رواية جمال الصدفة🤍

الحلقة الرابعة من رواية جمال الصدفة ♥️🥺

تاني يوم بعد ما ارتاحت سيلين ونامت كويس صحت علي الظهر كدة واول حاجة جت في بالها وش وملامح زياد وابتسمت بعدها استغربت بتفكر فيه ليه اصلا وبعدها طلعت اي افكار من دماغها وطلعت تفطر وتتكلم مع مامتها
امل: سيلين حبيبتي عاملة ايه انهاردة طمنيني عليكي
سيلين: احسن كتير يا ماما متخافيش عليا
امل: وان مخوفتش عليكي انتي واخواتك هخاف علي مين يعني دة انتوا الي بقينلي في الدنيا وهفضل اخاف عليكم لحد ما اموت
سيلين: بعد الشر عليكي يا روحي ربنا يخليكي لينا الا قوليلي هتفطريني ايه انهاردة
ردت امل بأبتسامة: الي تعوزيه يا قلبي
سيلين: مفيش حاجة جاية علي بالي اعمليلي ساندوتش وخلاص عبال ما اغير هدومي وانزل الشغل
امل بحزن: شغل ايه بس وانتي تعبانة كدة وبعدين مش لبنة اخدتلك اجازة ولا ايه
ردت سيلين: اه بس منغير مرتب وانتي عارفة احنا محتاجين لكل قرش قد ايه
امل بتأنيب ضمير: كلوا بسببي خليتك انتي تشتغلي من بدري وانا قعدت في البيت مليش لازمة
سيلين: انتي بتقولي ايه انتي عامود واساس البيت من غيرك البيت يتهد ويلا بقا هروح اغير بسرعة وروحي اعمليلي ساندوتش يلا ابتسمت امل بفرحة من ادب واحترام بنتها وراحت تعملها الساندوتش
في بيت زياد
زياد عمال يفكر في سيلين ومش بتروح من بالوا ابدا فقرر يكلم علي وياخد منوا عنوان الكافيه الي بتشتغل فيه بعدها رن عليه بسرعة فرد علي
زياد: انا محتاج عنوان الكافيه الي بتشتغل فيه سيلين ضروري
علي: ليه يا روميو
زياد: بطل غلاسة وابعتوا يلا

علي: انا رايح علي هناك هعدي عليك ونروح سوا فوافق زياد واستني صحبه عبال ما يجي بعدها راحوا سوا ودخل الكافيه بسرعة عشان يشوفها بس اتصدم لما ملقاهاش فسأل عليها وقالولوا واخدة إجازة يومين فجتلوا خيبة أمل بعدها لبنة شافتوا هو وعلي وراحت عليهم وكلمتهم
لبنة: استاذ زياد ازيك اخبارك ايه
زياد : الحمد لله انتي لبنة صح
لبنة: صح الصح.....الا قولي جاي هنا ليه سوري علي التطفل
زياد بتوتر: مفيش جيت مع علي اشوف الكافيه الي بيقضي فيه معظم وقتوا وبالمرة اطمن علي الأنسة سيلين الا هي فين صح
لبنة بصدمة: هي وراك اهي
التفت زياد بسرعة اوي لوراه وشاف سيلين الي الخدوش الي في وشها راحت شوية فملامحها بانت وبقت اجمل بكتير من اول مرة شافها فيها
سيلين بصتلوا بصدمة وقلبها دق كتير واتوترت
نكمل بكرة