الحلقة الأولي من رواية جمال الصدفة🤍

الحلقه8 من روايه جمال الصدفه 🥺❤️🦋

وسيلين قعدت تفكر وتسرح لغايت ما نداها زياد للمكتب فطلعت من دوامه الأفكار وراحتلو
زياد: سيلين عندنا اجتماع انهاردة بره الشركه جهزتي الورق والحاجه؟
سيلين: اه كلو تمام يا مستر زياد
زياد: طب كويس بس علي فكره هو بره الشركه
سيلين: ايه دة ازاي هو مش كان في الشركه
زياد: اه بس المكان اتغير برغبتهم
سيلين في سرها: طب انا هقنع ماما ازاي دلوقتي
سيلين: طب بقا الساعه كام؟
زياد: 9 في مطعم*****
سيلين : تمام وطلعت سيلين وهي بتفكر تقنع امها ازاي ورنت علي لبنه تسألها هتعمل ايه
لبنه: الو ازيك يا سيلي
سيلين: الحمد لله بس عاوزاكي في حوار
لبنه: خير 🙂
سيلين: في اجتماع كنت عامله حسابي انه هنا بس اتغير المكان وبقا في مطعم وكمان بقا الساعه9 هقنع ماما ازاي انا
لبنه بتفكير: امممممممم طب بصي قوليلها وهي اكيد هتوافق عشان شغل وكدة
سيلين: ماشي باي عشان هروح
لبنه: استني بس كنت هحكيلك علي حاجه مهمه
سيلين: ايه يا حبيبتي
لبنه: اتقابلنا انا وعلي في الكافيه واتكلم بأريحيه وضيقني فكنت همشي لقيتو حاول يمسك ايدي اضايقت جدا منه واتعصبت هزقته ومشيت واتخاصمنا بعدها اتصل بيا يصالحني بس برضو مضايقه بس مش هكدب فرحت بمكلمتو الصراحه ايه رأيك في الموضوع دة
سيلين: بصي هو غلط طبعا الي عملو بس ممكن يكون عمل كدة بعفويه ومش قصدو حاجه وكمان انتي بتقولي انو كلمك واعتذر وكدة سامحيه بقا
لبنه: مش عارفه بقا كدة كدة اكيد هيجي الكافيه وهشوفو وساعتها يحلها الف حلال
سيلين: تمام هقفل بقا
لبنه: سلام
سيلين روحت واول ما دخلت لقت مامتها قاعده في الصاله راحتلها وفتحت معاها موضوع الأجتماع
سيلين: ماما عاوزاكي في موضوع كدة
امل بقلق: خير يا سيلين
سيلين: كان عندنا اجتماع في الشركه بس مكانه اتغير وبقا في مطعم***** بليل الساعه 9 ولازم اروح
امل: متأخر يا سيلين مش بحبك تنزلي متأخر
سيلين: ما يا ماما يا حبيبتي مش هعرف اعتذر ومروحش انا السكرتيرة ومعايا كل حاجه الشغل
امل: خلاص روحي بس احمد هيجي يجيبك
سيلين: مع انه ملوش لزوم بس ماشي اتفقنا
امل: ربنا معاكي يابنتي
وبقت الساعه تمانيه فلبست سيلين وجهزت حاجتها والورق الي هتاخده معاها في الأجتماع ونزلت ووصلت واستنت زياد عشان يدخلو سوا فجه زياد ودخلو سوا وكان قاعد علي الترابيزة 3 مسئولين من شركه كبيره عاوزين يعملو صفقه مع شركه زياد فراح زياد وسيلين وقعدو معاهم وسيلين قعدت جنب زياد وعلي الناحيه التانيه جنبها واحد منهم فبدأ زياد في الكلام في الشغل وسيلين كانت مركزة اوي بس مكانتش بتشارك اوي لأنها جديده ف في وسط ما هي مشغوله ومركزة لقت الراجل الي جنبها بيكلمها ونظراته مش كويسه خاالص فأتوترت اوي
الراجل: انتي حلوة اوي كدة ليه فأتوترت سيلين اكتر ومردتش فكمل بيدفعلك كام زياد ده وانا ادفعلك ضعفه وتجيلي وتبقي سكرتيرتي يا قمر  فخافت سيلين واتعصبت اوي منه وكان نفسها تضربه بالقلم علي وشه بس زياد مدهاش فرصه وعمل اللازم  في الوقت دة زياد لاحظ ان اتنين بس بيتكلمو معاه والمدير التالت مش مركز معاهم اصلا فبص ناحيته ولقاه بيبص بتفحص لسيلين وبيكلمها وباين علي سيلين التوتر والخوف فقال لسيلين: ايه يا انسه سيلين في حاجه حصلت فأتوترت سيلين ومعرفتش تقول ايه
سمير: لا يا زياد بيه مفيش حاجه دة انا كنت بعبر عن اعجابي بسيلين بس الا قولي جبتها منين القمر دي تشتغل عندك  فأتعصب زياد لأنه معجب بسيلين وكمان بيقول بكل بجاحه فرد عليه زياد: ايه الي انت بتعملو ده هي اصلا باين عليها اضايقت واتعصبت منك  الأجتماع انتهي ومفيش صفقه يلا يا سيلين واخد سيلين وطلعو
زياد: سيلين انتي كويسه قالك ايه الحيوان ده
سيلين وباين عليها التوتر والعصبيه: قالي اني حلوة اوي وسألني باخد كام وهيديني ضعفه واسيبك واروحله بس دة انسان زباله وافكاره كلها قذره انا كنت ههزقه واديه قلم علي وشه لولا انك سبقتني
زياد: لا سيبيلي الحيوان ده انا هربيه بطريقتي المهم انتي كويسه صح
سيلين: اه بس حضرتك يعني بوظت الصفقه كلها وكده هيبقي في مشاكل في الشغل
زياد: لا متقلقيش دة اصلا صفقتهم مكنتش مهمه اوي ولا مربحه فيغورو فستين داهيه يلا تعالي اوصلك علي بيتك الوقت اتأخر
سيلين بسرعه: لا لا هتصل بأخويا وهيجي ياخدني متشكره جدا بجد
زياد: يعني ابقي معاكي واسيبك تستني هنا لما اخوكي يبقي يجي ويوصلك ده مينفعش يلا اركبي
سيلين اضطرت تركب بعد إصرار زياد ووصفتله مكان بيتها والعنوان فوصلها قدام باب بيتها ووقف العربيه
زياد: وصلنا سيلين بقولك ايه اوعك تحطي كلام الحيوان ده في دماغك وتزعلي نفسك انسي خالص واطلعي نامي عشان الشغل بكره وانا هاخدلك حقك
سيلين: حاضر
زياد: طيب هسيبك انا تنزلي تصبحي علي خير
سيلين: وانت من اهل الخير
ونزلت سيلين وطلعت بيتها ومشي زياد وهو بيتوعد لسمير الحيوان ده
ياتري ايه هيحصل وزياد هيعمل ايه في سمير
ياتري ايه هيحصل لما لبنه وعلي يتقابلو
كل دة هنشوفو بكره في رواتنا
#جمال الصدفه