الحلقة الأولي من رواية جمال الصدفة🤍

الحلقه الخامسه من روايه جمال الصدفه 🥺❤️

 
زياد اول ما شافها وراه فرح اوي وقلبه دق فأستغرب لأن مشاعره غريبه اوي بالنسبه لواحده شافها بقالو يومين بعدها جت عليهم سيلين وحضنت لبنه وسلمو علي بعض
لبنه: نورتي الكافيه والله يا سيلين بس ليه جيتي الشغل وانتي اكيد لسه تعبانه م انا جدتلك اجازة
سيلين: اصلي بقيت كويسه متخافيش عليا بعدها بصت ناحيه علي وزياد الي واقفين وسلمت عليهم بس اتكسفت لأن زياد كان بيبصلها بطريقه غريبه
زياد: الف سلامه عليكي يا انسه سيلين مبسوط اني شوفتك انهاردة وانك بقيتي كويسه
سيلين: الله يسلمك  طب يلا بينا يا لبنه علي الشغل علشان المدير بدأ يبص علينا ويضايق
لبنه: اه يلا بينا ومشيو سيلين ولبنه وعلي وزياد راحو اختارو ترابيزة قريبه منهم وقعدو وبدأو يتكلمو
علي: زياد ايه رأيك في لبنه انا شيفها بنت لطيفه اوي وجدعه شوفت وقفت مع سيلين ازاي في المستشفي وهزقتك ازاي
زياد: اه جدعه اوي من ناحيه هزقتني فأه كان ناقص تضربني علي وشي بس انت بتسأل ومهتم اوي ليه
علي: ها.... مفيش انا بس يعني سألتك من باب الدردشه
زياد: دردشه برضو يا علي اما نشوف
سيلين ولبنه بعد ما مشو وقفو في حته بعيدة وكانو بيبصو علي ترابيزتهم
لبنه: انا بجد مبسوطه ان علي جه انهاردة وشوفته
سيلين: ..............
لبنه: سيلين انتي يابنتي سرحتي في ايه كدة
سيلين: ها لا مفيش بس يا تره ايه الي جاب زياد هنا يعني في الكافيه بتاعنا
لبنه: ايه دة ايه دة زياد كدة من غير استاذ في ايه يا سوسو اعترفي
سيلين بعد ما احمرت خدودها واتكسف: هيكون في ايه مفيش حاجه ويلا نروح علي الشغل
لبنه: بتتهربي كمان يلا هتروحي مني فين
بعدها قام علي ومشا عشان كان عندو ميتينج وفضل زياد قاعد وطلب عصير وجبتهاله سيلين
زياد: شكرا
سيلين: العفو علي ايه كانت هتمشي فناداها فبصت ليه وهي مستغربه
زياد: انا كنت محتاج سكرتيره جديده وتكون بتعرف تتكلم انجلش فلو ممكن ممكن تبقي سكرترتي ظهرت علامات المفجأه علي وش سيلين فكمل : متفهمينيش غلط انا سكرترتي بقت حامل واستقالت وانا قولت اني عاوز اعوضك عن الحادثه لأني لسه ندمان فأيه رأيك سيلين وهي لسه متفجأه: انا فجأتني بصراحه يا استاذ زياد انت حتي مسألتش انا خريجه ايه
زياد: اه صح نسيت واللهي احنا فيها احكيلي
سيلين: انا خريجه اداب ومعايا كورس انجلش وبعرف اتكلم كويس يعني
زياد: طب ما كويس وكمان معاكي كورس انجلش فكويس اوي كمان ايه رأيك في عرضي
سيلين مترددة: حضرتك فجأتني اديني فرصه افكر وارد عليك كمان يومين ممكن
زياد وبدأ يبقي عنده امل: ممكن طبعا استأذنت منه سيلين وراحت جري علي لبنه تحكيلها
سيلين: لولو الحقي
لبنه: ايه الي حصل
سيلين: زياد عرض عليا ابقي سكرتيرته لبنه وبدا عليها المفاجاه: ايه الحوار دة لا احكيلي بالتفصيل وبالفعل قصت عليها سيلين كل الحوار الي دار بينهم
لبنه: هو اكيد عاوز يعوضك عشان الحادثه وحاسس بالذنب وكمان دي فرصه متتعوضش مرتبها احسن واكيد اريح من الكافيه والمطعم الي قاطمين ضهرك
سيلين بتردد: مش عارفه انا مترددة افرضي مرتاحتش هبقي خسرت مكاني في الكافيه والمطعم
لبنه بعد تفكير: بصي انتي تاخدي اجازة 3 ايام وتروحي تجربي الشغل هناك لو عجبك ابقى استقيلي من الكافيه والمطعم وكملي معجبكيش خلاص ارجعي تاني سيلين وهي تفكر في كلام صديقتها: امممم معاكي حق هعمل كدة بس برضو هاخد رأي ماما بالموضوع لبنه: تمام يا حبيبتي ربنا يكرمك يا سوسو
بعد يوم عمل طويل ومليئ بالتفكير رجعت سيلين بيتها وقصت كل شئ علي والدتها فردت عليها مامتها
امل: بصي يابنتي اكيد هتبقي مريحه اكتر من شغل الكافيه والمطعم وكمان زياد شكلو ولد طيب وجدع فبقول تروحي تصلي وبعدها تردي عليه بقرارك بس من رأيي وفقي يابنتي وربنا هيعمل الي فيه الخير
اقتنعت سيلين بكلام مامتها وصلت وقررت توافق ونامت وتاني يوم الصبح بعد ما راحت الكافيه لقت زياد مستنيها في نفس المكان الي كلمها فيه امبارح فراحتله فأبتسمت وقالت: استاذ زياد انا موافقه علي عرضك ففرح زياد جدا فأتكسفت وكملت بس عندي شرط زياد بتعجب: شرط ايه ده يا انسه سيلين
سيلين: اني اجرب 3 ايام الشغل معاك ولو معجبنيش اسيبه لأني مش عاوزة اجازف بوظيفتي الحاليه فنظر لها زياد وقال وهو مبتسم: مفيش مشكله وانا واثق انك هتكملي سيلين: تمام حضرتك ممكن بقا نتكلم عن طبيعه الشغل شويه ومكان الشركه وكل التفاصيل يعني وكدة فوافق واتكلمو عن كل حاجه واتفقو انها من بكره هتبقي سكرتيرته
نكمل بكره

ياتري ايه مستني زياد وسيلين ؟!؟!
ياتري سيلين هتكمل وهيعجبها الشغل ولا لا؟
ايه الي هيحصل مع اعجاب لبنه لعلي؟!؟