الحلقة الأولي من رواية جمال الصدفة🤍

الحلقه السادسه من روايه جمال الصدفه 🥺❤️🦋

ياتري ايه مستني زياد وسيلين
ياتري سيلين هتكمل وهيعجبها الشغل ولا لا؟
ايه الي هيحصل مع اعجاب لبنه لعلي؟!؟
انهاردة يوم جديد وفي نفس الوقت اول يوم لسيلين لشغلها الجديد مع زياد كانت متوتره اوي لأن الشغل جديد عليها ولانها مع زياد وقريبه منه فتحت الدولاب وطلعت لبسها المكون من قميص ابيض وفوقو بليزر اسود وبنطلون اسود وحجاب من اللون الأبيض كان شكلها حلو وفورمال اوي طلعت سلمت علي عيلتها وفطرا معاهم ونزلت الشغل واول ما دخلت قابلت زياد عند الأسانسير وبصلها بأنبهار وبدأ يكلمها: ازيك يا سيلين شكلك حلو اوي بالبس ده
سيلين وهي مكسوفه منه: الحمد لله كويسه بس متوتره شويه يعني
زياد: لا متتوتريش الشغل مش صعب هتحبيه ان شاء الله وهتكملي معانا
سيلين: ان شاء الله وجه الأسانسير وطلعو سوا هي كانت بصا تحت علي طول بينما هو مشالش نظره من عليها وكان مبسوط اوي انها جت وهتشتغل معاه طلعو الدور بتاع المكتب ووراها مكانها و اتمنلها التوفيق ودخل علي مكتبه وهي مسكت تلفونها وكلمت لبنه عشان تطمنها شويه فردت لبنه: سيلين صباح الخير يا قمر اخبارك ايه
سيلين: روحت الشركه طلعت كبيره اوي انا متوتره
لبنه: متخافيش اكيد يعني مش اصعب من شغلناتك التانيه وهترتاحي متخافيش اطمني وبعدين ما زياد جنبك واكيد هيخف عليكي يا سوسو ولا ايه
سيلين: احممم يخف عليا ليه هو يعرفني بطلي كلامك دة بقا
لبنه: هبطل حاضر بس مضطره اقفل عشان الزباين كتير انهاردة ومتتوتريش وهكلمك تاني سلام
سيلين: ماشي سلام
فراحت لبنه تشوف الزباين ولقت علي بيشاورلها فراحت وبدأ يكلمها: لولو عامله ايه
لبنه وهي مستغربه ومتعصبه: لولو ايه حضرتك ايه الطريقه دي علي: فكرت مش هتضايقي عشان احنا نعرف بعض يعني واتكلمنا قبل كدة
لبنه: هو احنا عشان اتكلمنا قبل كدة تتطاول في الكلام مش بحب الطريقه دي عن اذنك جت تمشي فمسك ايديها عشان يوقفها فشدتها بسرعه وزعقت: انت ازاي تمسك ايدي بالطريقه دي انا معجبنيش انك دلعتني تقوم ماسك ايدي انت انسان قليل الأدب ومشت وسابته وهو اتحرج وحس انو تطاول معاها لبنه بعد ما مشت هي متنكرش انها فرحت عشان شافته بس هو تطاول في الكلام معاها ومسك ايدها وهي مش بتحب الطريقه دي واضايقت منه جدا
عند سيلين فضلت مشغوله فأنها تتعرف علي شغلها الجديد وزميلتها جومانا بتساعدها تتعرف علي الشغل
جومانا: سيلين بجد انا حبيتك اوي ومبسوطه انك جيتي تشتغلي هنا واتعرفنا
سيلين: وانا واللهي يا جوجو حبيتك اوي
جومانا: بس انتي كنتي بتشتغلي فين قبل كدة ارتاحت لها سيلين فحكت لها علي الكافيه وازاي اتعرفت علي زياد وكدة كانت جومانا متفجأه
جومانا: كانت صدفه تصدقي شبه المسلسلات التركي اصل بعيد عنك انا مهوسه بالمسلسلات
سيلين: وانا واللهي بعشق المسلسلات طلعنا شبه بعض وفي وسط كلامهم استدعي زياد سيلين لمكتبه فأستذنت من جومانا وراحت لزياد المكتب ودخلت
زياد: ايه الاخبار يا سيلين مرتاحه في الشغل اتقلمتي بسرعه؟ سيلين: اه الحمد لله الشغل طلع سهل واتقلمت بسرعه انا حتي اتعرفت علي واحده اسمها جومانا وبقينا صحاب
زياد: اوووه كويس اوي اصلا جومانا نشيطه وشاطره بنت كويسه انا كدة اطمنت عليكي في الشغل فأبتسمت سيلين وخلصت كلامهم وطلعت مكانها تاني وفي وسط اندماجها في الشغل هي وجومانا دخلت عليهم بنت طويله وشعرها اصفر ولابسه فستان قصير ضيق وبتمشي بعجرفه ودلع مبالغ فيه سيلين من ساعت ما شافتها مرتحتلهاش فبصت لجومانا وسألتها مين دي فردت عليها: دي حلا مديره العلاقات العامة مبطيقهاش متكبره وملزقه كدة وبتتقرب من مستر زياد علي طول بس هو بيصدها فور ان سمعت سيلين تقربها من زياد توترت وبدت عليها علامات الغضب فأوقفتهم حلا عن حديثهم وسألت سيلين: انتي مين انا اول مره اشوفك وبصت لها من فوق لتحت بتكبر فردت عليها سيلين بصوت مخنوق: انا سيلين سكرتيره مستر زياد الجديده فنظرت لها حلا بأستحقار واكملت طريقها لمكتب زياد  ففور ان رأها زياد بدى عليه الضيق هو لا يستلطفها ولا يحب التعامل معها فهي تضايقه بلبسها وحركتها الملفته جدا ولكن تؤدي عملها بأجتهاد فهذا ما يجعله يصبر عليها فأقتربت منه وكادت تلتصق به وتقول: مستر زياد كلمت العميل الجديد وقال ان في ميتينج بكره الساعه3 العصر حضرتك المعاد مناسب معاك
فرد عليها بضيق: اه مناسب بس بعد كدة ابقي زبطي المواعيد مع سيلين مش لازم تجيلي يعني
فنظرت اليه بخيبه امل وغضب من سيلين التي جائت وستبعدهم عن بعضهم
نكمل بكره