سوسن: اسمعي هنا البيت دا نضفي ذي الناس
ولاء: والله نضفتو ياعمتي اسالي وليد
وليد: اي نضفتو ي عمتي
سوسن:اسمع انت تسكت بس. مادايره كلام كتير البيت دا تعيدي نضافتو تاني✋
ولاء: بس المدرسه
وليد:انت ياعمتي مالك كل يوم مأخراها ومأخراني الليله خلي بتك تنضف مابحصل شي كل يوم طالعه وداخله مابتساليها وسحر مأجزه مابتخليها تسوي شي بس عشان اختي يتيمه!!!؟ انا اختي دي مابرضى ليها بي الوضع دا لمن يجي عمي بعدين
سوسن: انت معاك قله ادب كمان اسي كما انا ماكنتو بتكونو في الشارع انا الربيتكم اللميتكم تجي تقول لي كدا يعني اختك تقعد تعاين ماتعمل ولا شي!؟ شوف الليله آخر يوم ليكم هنا شوفو ليكم زول يلمكم غيري
وليد: والله انا من اهلى اتوفو وجينا داير اقول ليك ماتشغليها براها كل مره بسكت لكين انت كترتيها ووالله العظيم لو خليتينا في الشارع كان احسن لينا من معاملتك لينا واحنا اصلا طالعين من غير ماتقولي لينا بس خلي عمي يجي
سوسن: اي احسن برضو امشي نضفي خلاص عشان الليله آخر يوم😆😏🤭
ولاء: حاضر
وليد: يا ولاء انت عويره والله العظيم تنضفي لا اخوك لابعرفك انا هدي شفتك نضفتي
ولاء: حاضر
سمر: امي اديني القروش انا طالعه💅🏻
سوسن: حاضر حبيبتي
سمر: سريع اتاخرت
سوسن: امشي جيبي الشنطه من جوه
سمر:ولاء قاعده بتسوي في شنو خليها تمشي😏
ولاء: انا مابترسل لي زول قدري عمتي اوك بس انت قوني اترسلي براك
سوسن:دا كلام شنو ي بنت قومي سريع
ولاء: سمر ادك السكه
سمر: هايني يا امي هم يا يقعدو ويخدمو يا يمشو من البيت 💁♀️
وليد:اصلا ماشين
سمر: احسن
وليد:يلا يا ولاء امشي اجهزي اتاخرنا
ولاء:حاضر
نعرفكم على ابطالنا
ولاء: ولاء دي اخت وليد اصغر منو بي سنه في سنه تانيه ثانوي وليد اخوها في تالته ثانوي امهم وابوهم متوفين عندهم عم واحد وخاله واحده تاني ماعندهم لاعمات لاخيلان المهم عمهم محمد دا اصغر من ابوهم عندو بنتين سمر وسحر سمر دي حقاره وشايفه روحها اتخرجت قرت لغات وسحر دي اظرف واحده في الجامعه بتقرا هندسه سوسن دي امهم
خالتهم اسمها نرمين عندها بنت واحده اسمها حنين حنين دي في الجامعه بتقرا طب وبتحب ولاء ووليد شديد
*نرجع
ولاء:يلا ياولد خلاص انا جهزت
وليد:يلا
بعد طلعو🚶♀️🚶♀️🚶♀️🚶♀️
ولاء:انت ياوليد لي اتكلمت مع عمتي كدا انت ماتشتغل بيها اسي ه...
وليد:اسمعي انت واحده عويره كل مره بتسكتي وانت عارفاني كم مره كنت دايره اكلم عمي بس عشانك بسكت واسي بقيت ماقادر اسكت
ولاء:وليد معليش انا عارفاك والله بس اسي المشكله انو حانمشي وين
وليد:بتصرف
ولاء:تمام
ودخلو المدرسه (المدرسه قريبه بي الرجلين مدرسه البنات بي حاي والاولاد بي غادي)
______________________________________________
^ناس سوسن
سمر: صحي للناس ديل ماشين!؟!
سوسن:اي
سمر:ويمشو وين🧐
سوسن:ماعندك شغله فيهم
سمر:خلاص لي بعدين
سوسن:يلا
سوسن:سححححر يابنت يااا سحححر
سحر:😴😴😴😴
سوسن:احي من النوامه دي
_____________________________________________^ناس نرمين
(العلامه دي^ بعملها مثلا لما اقول عند ناس فلان وكدا)
نرمين: والله ياحنين انا دايره اجيب اولاد اختي ديل هنا
-٢-
حنين: احلى حاجه
نرمين:انا كلمت محمد من زمان يديني اربيهم انا لكين انت عارفاهو ابا لي لكين اكتر من كدا مابخليهم ليهو
حنين: اي احسن يامي نمشي ليهم بعدين
نرمين: خلاص لي بعدين
^ في المدرسه
بعد الحصص خلصت
ولاء:مع السلامه
نهى:لي ياخ اقعدي كل يوم ماشا بدري
ولاء: عمتي بتشاكلني
البنات الليله بس
مشيت من غير ما ارد عليهم
🚶♀️🚶♀️🚶♀️🚶♀️
وليد:مالك اتاخرتي الليله
ولاء: البنات مسكوني
كيف كان يومك
وليد: كويس وانت
ولاء: كويس
_____________________________________________
سوسن: يابنت الساعه ٢ قومي
سحر: ماقادره
سوسن:دا كلامشنو يابنت كل يوم تنومي الاجازه دي حاتقضيها كدا يعني
سحر: يا امي بقوم ياخ
سوسن: اسي
سحر: هدي قمت
___________________________________________
نرمين: يلا يا حنين
حنين: اوك طلعت
نرمين: يلا
^ عند ناس سوسن
سوسن: سحر تعالي افتحي الباب
سحر: سمح
سحر: اووو نورتو
وليد: تسلمي
ولاء: منور بيكم
سوسن: اها انتو جيتو الله يجيب عمكم😏
ولاء:ماتخافي ياعمتي ماشين ماشين
سوسن:كويس والله
سحر:في شنو فهموني
وليد: نحن ماشين الليله
سحر :ماشين وين
وليد: مكان
سوسن: قومي شوفي الباب دا يا ولاء
وليد: سحر معليش شوفيهو انت ولاء جات تعبانه
سحر: حاضر
سحر🚶♀️🚶♀️🚶♀️🚶♀️
نرمين: اهلين سحر كيفك
سحر: خالتو نرمين 😍نورتو والله تمام الحمدلله
نرمين: منور بيكم والله♥️
سحر:كيف يا حنين
حنين: الحمدلله
سحر:اتفضلو اتفضلو
سوسن: اهلا
نرمين:كيفك سوسن
سوسن: الحمدلله
حنين: ولويه العسل الشوق الشوق
الاء: حنيييين🥺 الشوق بحر
سوسن: غايتو😏😑
وليد: خالتي مشتاقين والله
يتبع...😴♥️
#ايثاركمال#
معليش الجزء قصير
