أحببت منقذي بقلمي خلود عبد الناصر

الحلقة الرابعة

الحلقة الرابعة
أحببت منقذي بقلمي خلود عبد الناصر
🌼🌼🌼🌼🌼🌼🌼🌼🌼
في اوضه يوسف
يوسف بهدوء :بصي يا تقى انا عايزك تكوني غير كده ان الجاي يبقى اقوى من كده 100 مره.... فهماني
تقى بصتله بهدوء :عارفه ...
يوسف: جامعتك فين!!
تقي باستغراب: اشمعنا!!
يوسف بتفكير :لا ولا حاجه .....أنسي.... بصي احنا دلوقتي متجوزين يعني هتنامي معايا هنا في نفس الاوضه تقى بتوتر:  بس....
يوسف: ما فيش بس... الساعه كام؟!
تقي :سته بالليل
يوسف: تمام.... استنى بره اغير هدومي وننزل
تقي بصتله بعدم فهم
يوسف مبتسم :اطلعي بره... يلا...
تقى بتقوم تخرج
وكان جمال وعلية
جمال: بس يا علية هي كده مش هتقدر تعمل لها حاجه تاني
علية مبتسمه: تسلم افكارك يا ابو يوسف
تقى مبتسمه: بتتكلموا في ايه بقى!!
علية بتضحك 😄:بعدين ابقى احكيلك ...و بتغمزلها😉
بعد شويه يوسف خرج
يوسف:يللا يا تقي
جمال :رايحين فين
يوسف مبتسم:عامل مفاجأة!!
جمال بيضحك😅: والله.... طيب يا سي يوسف....
يوسف: يلا
تقى بتبصله وبينزلوا سوا
علية مبتسمة: تفتكر ان كل تفكيرك يتحقق...
جمال مبتسم ':يوسف محتاج واحده تغير تفكيره عن البنات ...وتقى محتاجه راجل يحميها من غدر مرات  ابوها بيها يبقى هيكملوا بعض ولا ايه
علية بحب: ربنا يخليك لينا وتسلم دماغك
جمال بيضحك هو وعلية بقلم خلود عبد الناصر
@@@@@@@@@@@@@@@@@@
يوسف راح على المول هو وتقى
تقى باستغراب: اشمعنا المول يعني
يوسف بصلها بجنب عينه 😒:هتشتري حاجات ومحتاج ذوقك فيها
تقي بزهق😔: طيب ....
دخلوا محل ملابس حريمي
تقي بضيق: اه هتجيب هديه لواحده ...طب وانا مالي...
يوسف قرب منها واتكلم بهدوء :ممكن تختاري معايا وانتي ساكته
تقى بصتله بجنب عينها 😒:اتفضل ...
بعد ما خلصو و يوسف اشتري ترنجات و هدوم خروج
دخلوا محل للشوز و اشتري منه كان بيقيس على مقاس رجل تقي خلصو وخرجوا حط الشنط في العربيه وقرب من تقي اللي واقفه متضايقه
يوسف مبتسم :ممكن نقعد في اي كافيه نشرب حاجه
تقي من غير ما تبصله :اللي تشوفه
يوسف مسك يدها وهي قلبها دق جامد ودخلوا الكافيه
@@@@@@@@@@@@@@@@
امينة بتعيط بتمثيل: بقى كده يا تقى.... شفتي يا ميرو دي ضربتني بالقلم... لا والبجح  يوسف كمان يقولي اطلعي بره .....اه ياني ربيت ومطمرش
مروه بصلها و بينها وبين نفسها :ايه الكدب ده يا ماما
مروه :هاروحلها انا طيب
امينه بلهفة: لا يا ميرو ...لا يطردوكي انتي كمان
هنا الجرس رن ومروه فتحت و كانت جنات
جنات بزعيق :عجبك كده نور طلع صاحب يوسف.... ودلوقتي هيقرب من تقي أكثر
امينه بصتلها بحده :اهدي واقعدي نتكلم بعقل....
جنات بنرفزة: بكره يعرف الحقيقه
امينه ضربتها بالقلم: اخرسي بقى وبصت لمروه
امينه :مروه ادخلي أوضتك... يلا
مروه سابتهم ودخلت
امينه بشر: عايزة مروه تعرف الحقيقه ولا ايه.... لا اروح انا اقول لنور يا هانم ويعرف الحقيقة كلها
جنات بدموع هزت دماغها بلا بقلمي خلود عبد الناصر
@@@@@@@@@@@@@@@@@@
يوسف: هاروح التواليت .... بعد اذنك وسابها وقام
تقى بينها وبين نفسها :وانا متضايقه ليه ما يجيب هديه ولا الف.... اوف...
واحد من اللي شغالين في المكان قرب منها :انتي مدام تقى!!
تقى بصتله باستغراب :انت مين !!
الشخص ده :جوز حضرتك كان في الحمام واغمى عليه
تقي وقفت بخضة وجريت عالحمام لقيت يوسف الناس حواليه و مغمى عليه واتصلت بنور من تليفون يوسف حكتله اللي حصل ونور راحله جري وسنده هو  وتقي وطلع بيه على المستشفى
@@@@@@@@@@@@@@@@@@
د/محمد :انا قلتله لازم يمشي على العلاج
نور بيتنهد: حضرتك عارف الظروف واكيد نسي
د/ محمد: تقى ممكن تهتمي بعلاجه شوية
تقى بهدوء :حاضر يا دكتور
يوسف فاق ولقي تقي  جنبه
يوسف بهدوء :اي اللي حصل
تقي بلهفة :انت فوقت.... حمد لله على سلامتك
نور دخل وبصله بمرح: ما تقرفناش بقى.... تسمم في الجرح... وكمل كلامه بحب: خذ علاجك بانتظام ...وتقي معاك بقى
يوسف بصلها ورجع بص لنور :تمام.... انا عايز اروح
نور :يلا
وتقي سندته يقف ونزلو مع بعض نور روح بعربيته ويوسف وتقى روحوا بعربيه يوسف
في الطريق
يوسف بهدوء :احنا كنا في المول ....ما حصلش حاجه
تقي بصتله بهدوء: عارفه .... ما تقلقش
يوسف ابتسم وفجأة اتوجع
تقي اتخضت وقربت منه ؛:في ايه !!
يوسف بصلها ووقف بالعربيه
تقي بقلق: لو تعبان ....نرجع المستشفى
يوسف ابتسم وقرب منها: لا انا كويس.... ما تقلقيش 
وتقي اتوترت من قربه منها وبعد عنها ودور عربيته تاني وروح على البيت بقلمي خلود عبد الناصر
@@@@@@@@@@@@@@@@@
تانى يوم الصبح
جنات بحدة:تقطع علاقتك بيوسف.... انت فاهم
نور باستغراب :ليه يا ماما !!في ايه حصل لكل ده !!
جنات بحدة: انا قلت كلمه تتسمع ....فاهم ولا مش فاهم
نور بحده :لما اعرف ليه ....بعد اذنك انا رايح الشركه وسابها ونزل
جنات :مش عارفه اعمل ايه..... وبتتنهد
@@@@@@@@@@@@@@@
  في حدود الساعه 12
يوسف قام من النوم دور على تقى لان اخر حاجه كانت قاعده جنبه لحد ما نام و خرج بره لاقاها بتجهز غسيل من الغساله عشان تنشروا
يوسف مبتسم: صباح الخير يا تقى
تقى بصتله وابتسمت: صباح النور
يوسف :فين ماما ...
تقي:عند واحده جارتكم  ثواني وهاحضر لك الفطار وسابته و دخلت المطبخ بتحضر الفطار
يوسف افتكر الشنط اللي في عربيته فكلم نور وهو جاي له يحدفله مفتاح العربيه عشان يطلعوا الشنط
نور بيضحك: اه اشتغل شوفير عند سيادتك انت وتوته بقى
يوسف بيضحك :وماله يا عم انت تطول..... اخلص
نور بمرح :اخبار تقى ايه ....واخبار الجواز يا چو ....
يوسف: تصدق انا غلطت اني كلمتك غور ياض......
نور ضحك :خلاص يا عم چو لما اجيلك كلها ساعتين .....سلام و بيقفل
يوسف قفل و ابتسم بعفويه
تقي من وراه بهدوء :يلا تفطر...
يوسف لف و بصلها :ايه ده معني كده هافطر  لوحدي...... لا خلاص مش عايز
تقي بلهفة:لا  هافطر معاك انا اصلا ما فطرتش
يوسف ابتسم  وقرب منها: مافطرتيش ليه بقى ....
تقى بصتله :انا اصلا ما كنتش بافطر من بعد بابا ما مات..... بتغدى بس... وحتى العشاء مكانش ينفع اتعشى معاهم
يوسف بصلها وحس  بوجع في قلبه وقرب اكثر من تقى
يوسف بهدوء: طب ممكن تنسى .....انتي هنا هتبدئي صفحه من اول وجديد..... عايزك تعتبري نفسك يوم ما دخلتي هنا يوم ما اتولدتي فاهماني يا تقى
تقى دمعت: وانسي بابا
يوسف بتلقائيه :لا طبعا يا حبيبتي .....اقصد تنسى اللي مريتي بيه الاسبوعين اللي فاتوا
تقي بصتله مبتسمة: اذا كان كده ماشي
و راحت جابت الصينية وقعدوا يفطروا سوا  بقلمي خلود عبد الناصر
@@@@@@@@@@@@@@@@@@@@@
على الساعه 4 وصل جمال على بيته وقعد اتغدى هو وعلية ويوسف وتقى في جو اسرى مليء بالدفء والحنان
اخر النهار الساعة 5 كانت عليه عند واحده جارتها وجمال مريح شويه من التعب الجرس بيرن ويوسف فتح وكان نور نور دخل سلم عليه هو وتقي
قعد مع يوسف بعد ما عطاه الشنط اللي كانت في العربيه يوسف دخلها كلها على الأوضة  تحت ترقب تقى وضيقها
نور بمرح :مش هتعملو شهر عسل يا چو
يوسف 😒:نور يا حبيبي حد قالك قبل كده انك رخم
نور 😇:جدا.....
تقى بتضحك 😄:ده نور طول عمره عسل يا يوسف
يوسف بغيظ😬:والله .....يا سكر انتي
نور قرب منه واتكلم بصوت هادي: ايه بتغير عليها ولا ايه
يوسف بصله بجنب عينه 😒:وربنا يا نور لو ما اتلميت هاضربك
نور بيضحك 😅وبصوت عالي: لا يا عم مش عايز.... وبمرح:لو مش عاجبك طلقني ...
تقى ضحكت قوي😄
يوسف بصلها و رفع حاجبه: ايه عجبتك
هنا تليفون نور رن وكانت جنات وعلامات  الضيق ظهرت على وشه
يوسف بقلق:في ايه يا نور!!
نور :ماما قالتلي اقطع علاقتي بيك!!
يوسف  بصدمه: ليه!!
نور :والله ما عارف
تقى بهدوء: اكيد عرفت من امينه باللي حصل وعشان كده مش عايزه نور يبقى ليه علاقه بيا حتى لو عن طريقك يا يوسف
يوسف بدهشه: طب وليه.... مش عايزه نور يبقى ليه علاقه بيكي وانتي بنت خاله.....،! ايه المشكله!!
تقى: ما اعرفش بس عمتو بقالها فتره مقاطعة بابا لحد ما مات.... يعني بقالها بتاع حوالي 10 سنين.... و طبعا ما حدش فينا يعرف ايه السبب.... اهو شويه بيقولوا سبب الشقه وشويه سبب الفلوس ولغايه دلوقت ما اعرفش الحقيقه ايه بالضبط
يوسف اتنهد :لا يا تقى الموضوع شكله اكبر من كده بس اكيد الايام هتظهر الحقيقه ومش هتفضل مستخبيه
نور :طب انا هاروح علشان ماما ماتعملش معايا حوار
يوسف ابتسم :ولا يهمك يا نور..... طمني عليك اول ما توصل
نور مبتسم :اكيد سلام ياچو وبينزل
يوسف: بقولك يا تقى عايز اوريكي حاجة
تقي بصتله بقلق :في ايه
يوسف ابتسم ومسك ايدها تعالى ودخل الاوضه هو وهي
وفتح الشنط
تقى مستغربه ؛:بتفتح الشنط ليه..... هي مش هديه
يوسف مبتسم: ايوه هديه ليكي انتي يا توتة
تقى بصتله والفرحه جواها كبيره قوي وخصوصا انه قال لها توته مش تقي
قربت منه بسرعه وحضنته يوسف اندهش منها وهي دفنت وشها في حضنه
يوسف اتوتر جامد وتقى ماسكة في ظهره بايديها الاثنين يوسف بيتنفس بصعوبه
يوسف بيحاول يتكلم بهدوء: تقى ....
تقى انتبهت فبعدت عنه: انا......😳 واتكسفت هي زي ما حسيتش بنفسها كده
يوسف بمرح :عادي يعني انا زي جوزك... وضحك 😅علشان يخلق جو مرح ويخفف عنها احراجها
تقى وشها احمر من الكسوف وشها في الارض
يوسف قرب منها ورفع لها وشها بطراطيف صوابعه واتكلم بهدوء :ما فيش حاجه تستاهل كل الكسوف ده..... خلاص يا توتة بقى
تقى ابتسمت: خلاص.....
يوسف ؛:علقي هدومك في درفه فضيتها لك اوكي......
تقى ابتسمت: اوكي يا چو 😉 وغمزتله  وراحت تعلق هدومها
يوسف سرح فيها شويه بينه وبين نفسه: قد ايه هي جميله ...وروحها حلوه
عقله: ثاني يا يوسف..... حب لا....
قلبه :الحب اجمل ما في الكون..... الحب بيقوي يا يوسف
عقله :كفايه جرح مره ......مش هينفع تتجرح ثاني
يوسف بتلقائيه :بس بقى
تقى بصتله :انا ما عملتش حاجه
يوسف اتنهد :معلش سرحت و سابها وخرج لبرة
وتقى كملت تعليق الهدوم بقلمي خلود عبد الناصر
@@@@@@@@@@@@@@@@@
على الساعه 10 الباب خبط جامد
يوسف فتح واتصدم
كان ضابط ومعاه 2 امناء شرطه وراهم امينه
يوسف :خير حضرتك
الضابط: انت متهم بخطف تقى خالد قاصر وارغامها على الجواز منك!!
&&&&&&&&&&&&
توقعاتكم
يوسف موقفه هيبقى ايه؟؟

وتقى هتقدر تقف قصاد امينه ولا هتخاف منها ؟؟

وايه السر اللي مخبياه امينه وجنات؟؟
توتة
خلود عبد الناصر