أحببت منقذي بقلمي خلود عبد الناصر

الحلقة ال 12 والاخيييرة

الحلقة ال12 والأخيييييرة
أحببت منقذي بقلمي خلود عبد الناصر
🌼🌼🌼🌼🌼🌼🌼🌼🌼
بليل تقي قاعدة هي وسارة في الأوضة
تقي بتوتر وقلق:أنا خايفة أوي يا سارة
سارة ابتسمت بحب :قلتلك انا معاكي صح ......وبعدين معاكي يوسف وبصراحة باين إنه بيحبك جدااااا.......
تقي ابتسمت:وأنا كمان بحبه يا سارة .....
سارة بصتلها وابتسمت
@@@@@@@@@@@@@@@@@@
في القاهرة
أمينة بتعيط:يعني إيه يا دكتورة
الدكتورة بسملة:آسفة. ....بس مروة عندها اشتباه كانسر .....وضروري تعمل الفحوصات والاشعة المطلوبة
أمينة بعياط:وبعدين! !
بسملة:فين أبوها! !
أمينة :في البيت .....هو ميعرفش إن مروة بتكشف. ....
بسملة:عالعموم .....لازم يحضر علشان كمان مروة محتاجة تغير دم ......ولازم يكون حد قريب منها يتبرعلها بالدم ......وممكن تكوني إنتي أو أبوها
أمينة بصتلها وسكتت
أحببت منقذي بقلمي خلود عبد الناصر
@@@@@@@@@@@@@@@@@@@
الصبح تحديدا في فرنسا
محمد:جاهزين ننزل
تقي واقفة خايفة ومتوترة يوسف حاوطها بدراعه
يوسف بحب:أنا معاكي ....متخافيش يللا ....ومسك ايدها ونزلو ووراهم محمد وسارة
ووقفو تاكسي وراحو عالمستشفي
وتقي دخلت لبست اللبس ودخلت علشان تعمل العملية
د/محمد:معانا دكتور چون متخصص .....وأنا كمان هبقي معاها اتطمن يا يوسف ......وابتسم وسابه ودخل العمليات
سارة بهدوء :اقعد لسة بدرى ......
يوسف قعد بتوتر ،.........وسارة كانت بتتابع العملية كل نص ساعة
@@@@@@@@@@@@@@@
في القاهرة
فتحي بدموع:إزاي يعني .....إنتي السبب يا أمينة
مروة بانكسار ودموع:ده ربنا قالها (ولا تقربو مال اليتيم).....وإنتي قبلتي فلوس تقي .....أنا عن نفسي مش زعلانة لو هاموت عالأقل هرتاح من القرف اللي شايفاه معاكي ......وعيطت بحرقة
أمينة بدموع:هأروح لتقي. .... علشان تسامحني واعطيها حقها....
فتحي بتهكم:وهي هتسامحك......ده إنتي اتسببتي في انها تفقد بصرها .....
أمينة بصتله وسكتت
أحببت منقذي بقلمي خلود عبد الناصر
@@@@@@@@@@@@@@
في فرنسا
يوسف رايح جاي بتوتر.....
سارة:حاول تهدي يا يوسف مش كدة
يوسف بنفاذ صبر :بقالهم 6ساعات، .....كل ده ....
محمد خرج مبتسم ومعاه دكتور چون وبيتكلم بالانجليزي
محمد:thank you doctor Jon
چون أومأ برأسه وسابه ومشي
يوسف بقلق:هاه يا دكتور محمد
محمد:هتخرج تدخل العناية ولما تفوق هنشوف العملية نجحت ولا لا ؟؟
يوسف بصله وسكت
بعد ربع ساعة تقي خرجت علي ترولي ووضعوها في العناية المركزة وبعد مرور 3 ساعات فاقت فنقلوها أوضة
لحظة فك الشاش
محمد واقف :تقي إنتي عندك أمل وثقة في ربنا ......
تقي بهدوء وثبات:أي كان النتيجة أنا راضية ......الحمد لله
الدكتور چون بيفك الشاش ويوسف واقف علي أعصابه
چون بيبص لمحمد
محمد:مستعدة يا تقي ......وقرب منها وشال القطن من علي عينيها
محمد:فتحي عيونك ببطء شديد وحذر
تقي بتبتدي تفتح عينها ببطء وترجع تغمضها وترجع تفتحها لحد ما فتحتها كلها
يوسف بيتنفس بصعوبة وخوف مسيطر عليه
سارة بتبصلها وتقي ساكتة
محمد بقلق:تقي!!
تقي ابتسمت واتنهدت ورجعت بصت ليوسف
تقي بفرحة وعيناه دمعت:أنا شايفة. ...
يوسف قرب منها بتوتر:شايفاني يا تقي
تقي بتبلع ريقها وابتسمت:شايفاك يا چو
يوسف حضنها وهي مسكت فيه جامد
د/چون :you see toka ??
تقي ابتسمت:ايوا شايفة يا دكتور
محمد ابتسم:حمد لله علي سلامتك ياقمر
وتقي بصتله وهي مبتسمة
أحببت منقذي بقلمي خلود عبد الناصر
@@@@@@@@@@@@@@@
بعد يومين
يوسف حجز تذكرة ليه علشان يرجع معاهم وركب هو وتقي جنب بعض وفي الكرسين اللي قدامه محمد وسارة ونزلو علي اسكندرية
@@@@@@@@@@@@@@@@@
علية بهدوء :يعني قالك كدة !!
نور ابتسم:ايوا يعني قدامه ساعة بالظبط ويبقي هنا
جمال ابتسم بحب :يوصلو بالسلامة
@@@@@@@@@@@@@@@@
أمينة بتعب:سلامتك ياقلبي .....
مروة بتعب شديد:ماما......ارجوكي لازم تروحي لتقي
أمينة :حاضر يا قلبي ....هاروحلها ...وحضنتها وهي بتعيط
@@@@@@@@@@@@@@@@@@@@@@@@@
تقي ويوسف وصلو عالشقة
نور مبتسم:حمد الله عالسلامة يا توتة
تقي حضنته:الله يسلمك يا حبيبي
يوسف بمرح:أنا كدة أغير علي فكرة
نور ضحك:هتغير من أخوها. ....
يوسف بيرفع حاجبه:آه أغير عليها من الهوي يا عم
تقي ضحكت وراحت علي علية حضنتها
علية بحب:حمد الله علي سلامتك يا حبيبتي
تقي ابتسمت بحب:وحشتيني أوي يا ماما ....
جمال:وأنا يا تقي ...
تقي ابتسمت وقربت منه وباسته  من دماغه:إزاي. ...ده إنت الكل في الكل هنا ياعم جمال ،،،،،،
علية:ادخلي حطي الشنط. ....،عقبال ما أجهز الغدا
يوسف:طب تقي تساعدك
علية بتبتسم:لا لسة جاية من سفر لازم ترتاح......وسابتهم وراحت علي المطبخ
نور بمشاكسة:طب ما تشوف تقي
يوسف بصله بجنب عينه:نفسي تحتفظ برأيك لنفسك
نور بمرح:أنا مالي ......أنا مقلتش حاجة
يوسف بصله وسكت
أحببت منقذي بقلمي خلود عبد الناصر
@@@@@@@@@@@@@@@@@@@@@
تاني يوم الجرس رن ويوسف كان لسة قايم من النوم راح فتح واتفاجئ بامينة
يوسف والصدمة تعلو وجهه:يا نعم!!
أمينة بحزن وانكسار:عايزة تقي !!
يوسف بحدة:بصي يا شاطرة ....انسي  تقي خالص
أمينة :أرجوك ....عايزاها ضرورى
يوسف بيتنفس بصوت عالي ولسة هيتكلم
من وراه علية:روح انده لمراتك يا يوسف
يوسف بصلها:حاضر يا ماما ......وسابها وراح يصحي تقي
علية:اتفضلي يا ام مروة
أمينة دخلت بهدوء وقعدت
@@@@@@@@@@@@@@@@@@@@
يوسف بهدوء :تووتة.......وباسها من خدها
تقي فتحت عينها وابتسمت:صباح الخير يا چو
يوسف ابتسم:صباح الفل ......قومي ...،يالا بطلي كسل
تقي قامت قعدت قصاده:في ايه بقي !
يوسف بجدية:قومي الأول علشان متتصدميش
تقي بقلق:في إيه يا يوسف !!؟
يوسف بتوتر:أمينة! !برة عايزاكي!!
تقي بصتله جامد وقامت وقفت ......يوسف حاوطها بدراعه وخرجو سوا
@@@@@@@@@@@@@@@@@@@@@@@@
فتحي بيعيط بحرقة:ازاااااي!.....فين المدير ......
دكتورة بسملة:أهدي كدة ووحد الله .......ده قضاء ربنا ......الله يرحمها
فتحي قعد مكانه وحط ايده علي دماغه بتعب وبيعيط
@@@@@@@@@@@@@@@@@@@@@@@
أمينة بدموع:عايزاكي تسامحيني يا تقي .....أنا غلطت مفكرتش في ربنا .....بس اهو ربنا عاقبني......ومروة بين الحياة والموت. .....الورق بتاع الشقة أهو ودي الفيزا بتاعة البنك ......وكدة حقك وصلك كامل انتي ونور
تقي بحزن:مالها مروة !!
أمينة :عندها كانسر
تقي بصدمة:إيه! !
تليفون أمينة رن وكان فتحي
أمينة بهدوء:ايوا يا فتحي
فتحي بصوت مخنوق :مروة ماتت !!
أمينة وقفت والدموع نزلت من عينها:مروة.....لا لا ...انت بتكدب  .....مروة ما ماتتش ....والتليفون وقع من ايدها
يوسف مسك ايد تقي بخوف
تقي بصتله وبهدوء:متخافش يا يوسف
أمينة بتحاول تكون جامدة:زي ما قلتلك.....حقك اهو كله......بعد أذنكم وسابتهم ونزلت
تقي دمعت:مروة ماتت
يوسف اتنهد:انسيهم بقي يا تقي .....
تقي بصتله وسكتت
@@@@@@@@@@@@@@@@
نور بهدوء :الله يرحمها......المهم فين أوراق الشقة علشان هعرضها للبيع......عالأقل نستفاد بفلوسها
تقي بهدوء :صح.....خد.....وعطته الورق والفيزا. ....بكرة كمان تروح البنك تعرف فيه كام
نور هز دماغه بماشي
@@@@@@@@@@@@@@@@@
أمينة في أوضة وقافلة علي نفسها ومش عايزة تفتح لحد
أمينة بدموغ:أنا عارفة أني غلطت،.......الطمع وحش .....سامحني يارب
@@@@@@@@@@@@@@@@@@@
بعد مرور  8 شهور
تقي بتعب:اااه .....الحقني يا يوسف
يوسف بقلق:اهدي كدة ......الدكتورة سارة قالت لسة شهرين يا تقي ....
تقي بتعب:بس بجد تعبانة أوي. ...آااااااه
يوسف اتصل بسارة:آلو. ...الحقيني يا دكتورة
@@@@@@@@@@@@@@@@@
في المستشفي
سارة:ولادة مبكرة .....بتحصل كتير .....متقلقش
يوسف بتوتر:ازاي يعني مقلقش
يوسف سمع تقي بتصرخ دخلها الأوضة
علية:متقلقش كدة يا يوسف
تقي بعياط:إنت السبب.....ااااع
يوسف بغيظ😬:بقي كدة .....وأنا اللي قولت أشوفك. .....
تقي بتعب:هااامووووت
يوسف قرب منها:بعد الشر عنك يا قلبي ...،
نور وصل هو وجمال تفضلو جنبهم
تقي دخلت العمليات علشان هتولد قيصرى وبعد 3 ساعات خرجت هي والبيبي دخل حضانة علشان وزنه قليل وضعيف
تقي في السرير
يوسف بيبوس ابدها:حمد الله علي سلامتك ......
تقي بضعف:الله يسلمك ....
يوسف:كنت هتجنن لما غيبتي جوة   .....لو جرالك حاجة كنت موتت وراكي
تقي ابتسمت:بعد الشر يا حبيبي ....
علية :هتسمو البيبي ايه....؟!
تقي:اللي يشوفه يوسف
يوسف ابتسم بحب :خالد
تقي دمعت ويوسف حضن دماغها بحب
بعد يومين تقي خرجت
وبعدها باسبوعين  البيبي خالد خرج بالسلامة
@@@@@@@@@@@@@@@@
وتمر الأيام بسلام ونور خطب بنت جارته في العمارة اللي سكن فيها جديد واسمها نسرين
وتقي ويوسف حبهم بيكبر وخالد مجننهم
وعلية وجمال الفرحة كانت من نصيبهم علشان خالد اللي ملي عليهم الدنيا
&&&&&&&&&&&&&&&&
وفي الآخر أحب أقول لكل واحد وأكل مال يتيم يراجع ضميره لأن الأيام بتمر والدنيا مش دايمة لحد. ...
وكل مرات أب بتظلم بنت أو إبن جوزها تراعي ربنا .....أصل الدنيا دوراة وكما تدين تدان ويمكن علي أبشع. ...لآن ربنا مبيسيبش حق مظلوم ......وخصوصا اليتيم
ودائما تذكرو  حديث الرسول عليه أفضل الصلاة والسلام  (أنا وكافل اليتيم كهاتين في الجنة ....وأشار باصبعيه السبابة والوسطي)
وشكرا لكل اللي تابعوني ودعموني
Preñsess Totâ متابعة هنا بقي  😊😊
خلوووود عبد الناصر